Lùcas 4:14 - An Tiomnadh Nuadh anns an Eadar-Theangachadh Ùr Gàidhlig 2017

¹⁴ Agus thill Ìosa a Ghalile ann an cumhachd an Spioraid, agus chaidh iomradh ma dheidhinn a‑mach air feadh a' cheàrnaidh mun cuairt gu lèir.

Am Bìoball Gàidhlig 1992

¹⁴ Agus thill Iosa ann an cumhachd an Spioraid a‑chum Ghalile: agus chaidh a iomradh-san air feadh na dùthcha mun cuairt gu h‑iomlan.

Am Bìoball Iomraidh Gàidhlig 1880 1992

¹⁴ Agus thill Iosa ann an cumhachd an Spioraid a‑chum Ghalile: agus chaidh a iomradh‐san air feadh na dùthcha mun cuairt gu h‑iomlan.

Tiomnadh Nuadh (MacEachen) 1875

¹⁴ Agus thill Iosa ann an neart an Spioraid do Ghalile, agus chaidh iomradh uime feadh na ducha gu leir.

Lùcas 4:14 Iomraidhean Croise

Mata 4:12

Ach nuair a chuala Ìosa gun deach Eòin a chur an grèim, tharraing e air ais do Ghalile.

Mata 9:26

Agus chaidh an naidheachd mun seo a‑mach air feadh na tìre sin gu lèir.

Mata 9:31

Ach dh'fhalbh iad agus sgaoil iad an naidheachd ma dheidhinn air feadh na tìre sin gu lèir.

Marcus 1:14

A‑nis às dèidh do dh'Eòin a bhith air a chur an grèim, thàinig Ìosa a‑steach do Ghalile, a' searmonachadh soisgeul Dhè,

Marcus 1:28

Agus chaidh a chliù sa bhad a‑mach air feadh na tìre gu lèir timcheall Ghalile.

Lùcas 4:13

Agus nuair a chrìochnaich an diabhal a h‑uile buaireadh, dh'fhalbh e uaithe gus an tigeadh àm fàbharach.

Lùcas 4:37

Agus bha iomradh ma dheidhinn‑san a' dol a‑mach air feadh gach àite dhen cheàrnaidh mun cuairt.

Eòin 4:43

Às dèidh an dà latha sin dh'fhalbh e, agus chaidh e às a sin a Ghalile.

Gnìomharan 10:37

Agus is aithne dhuib' fhèin dè a thachair tro Iudèa gu lèir, a' tòiseachadh o Ghalile às dèidh a' bhaistidh a chuir Eòin an cèill –