Lùcas 22:3 - An Tiomnadh Nuadh anns an Eadar-Theangachadh Ùr Gàidhlig 2017

³ An uair sin chaidh Sàtan a‑steach ann an Iùdas, ris an canar Iscariot, a bha air àireamh am measg an dà fhear dheug.

Am Bìoball Gàidhlig 1992

³ An sin chaidh Sàtan ann an Iùdas don co‑ainm Iscariot, a bha de àireamh an dà‑fhir-dheug.

Am Bìoball Iomraidh Gàidhlig 1880 1992

³ An sin chaidh Sàtan ann an Iùdas don co‑ainm Iscariot, a bha de àireamh an dà‑fhir‐dheug.

Tiomnadh Nuadh (MacEachen) 1875

³ Ach chaidh satan ann an Iudas, a shloinneadh Iscariot, fear de na dhà-dhiag.

Lùcas 22:3 Iomraidhean Croise

Mata 10:4

Sìmon an Canàanach, agus Iùdas Iscariot, a bhrath Ìosa.

Mata 26:23

Fhreagair esan, “Am fear a bhog a làmh anns an t‑soitheach còmhla riumsa, brathaidh e mise.

Mata 4:10

An uair sin thuirt Ìosa ris, “Thalla uam, a Shàtain! Oir tha e sgrìobhte, ‘Nì thu adhradh dhan Tighearna do Dhia, agus dhàsan a‑mhàin nì thu seirbheis.’”

Lùcas 22:21

Ach, seallaibh, tha làmh an fhir a bhrathas mi còmhla rium air a' bhòrd.

Lùcas 6:16

Iùdas mac Sheumais, agus Iùdas Iscariot, a thionndaidh na fhear‑brathaidh.

Eòin 12:6

Cha b' ann a chionn 's gun robh e fo chùram mu na bochdan a thuirt e seo, ach a chionn 's gum b' e mèirleach a bh' ann; bha an sporan aige agus bhiodh e a' togail leis na chaidh a chur ann.

Eòin 13:18

“Chan eil mi a' bruidhinn mur deidhinn uile; is aithne dhomh cò iad a thagh mi. Ach feumaidh an Sgriobtar a bhith air a choileanadh: ‘An neach a tha ag ithe m' aran‑sa, thog e a shàil nam aghaidh.’

Eòin 13:2

Agus fhad 's a bha iad aig suipear, bha an diabhal mu thràth air a chur ann an cridhe Iùdais Iscariot, mac Shìmoin, esan a bhrath.

Gnìomharan 5:3

Ach thuirt Peadar, “Ananiais, carson a lìon Sàtan do chridhe gus breug innse dhan Spiorad Naomh agus gus pàirt de phrìs na talmhainn a chumail air ais?