Lùcas 2:9 - An Tiomnadh Nuadh anns an Eadar-Theangachadh Ùr Gàidhlig 2017

⁹ Agus nochd aingeal an Tighearna riutha, agus dheàlraich glòir an Tighearna mun cuairt orra, agus ghabh iad eagal mòr.

Am Bìoball Gàidhlig 1992

⁹ Agus, feuch, thàinig aingeal an Tighearna orra, agus dhealraich glòir an Tighearna mun timcheall; agus ghabh iad eagal mòr.

Am Bìoball Iomraidh Gàidhlig 1880 1992

⁹ Agus, feuch, thàinig aingeal an Tighearna orra, agus dhealraich glòir an Tighearna mun timcheall; agus ghabh iad eagal mòr.

Laoidhean o na Sgriobtaran Naomha 1987

⁹ Nuair thugadh Ìosa rèir an lagh a‑staigh don teampall naomh. Do Shimeon dh'fhoillsicheadh cò e, le Spiorad nèimh gu saor.

Tiomnadh Nuadh (MacEachen) 1875

⁹ Agus, seall, sheas aingeal an Tighearna lamh riu, agus shoillsich solus Dhe mun cuairt daibh, agus ghabh iad eagal mor.

Lùcas 2:9 Iomraidhean Croise

Mata 1:20

Ach fhad 's a bha e a' smaoineachadh mu na rudan seo, seallaibh, nochd aingeal an Tighearna ris ann an aisling, ag ràdh, “Iòsaiph, a mhic Dhaibhidh, na biodh eagal ort Moire a ghabhail mar bhean, oir an nì a tha air a ghineamhainn innte, is ann on Spiorad Naomh a tha e.

Lùcas 1:28

agus thàinig e thuice is thuirt e, “Fàilte, O thusa a fhuair fàbhar, tha an Tighearna còmhla riut!”

Lùcas 2:8

Agus anns an aon dùthaich bha buachaillean anns na h‑achaidhean is iad a' cumail faire na h‑oidhche air an treud aca.

Lùcas 24:4

Fhad 's a bha iad ann an imcheist mun seo, seall, sheas dithis dhaoine ann an aodaichean deàlrach rin taobh.

Eòin 12:41

Thuirt Isaiah na rudan seo a chionn 's gum faca e glòir Ìosa, agus bhruidhinn e ma dheidhinn‑san.

Gnìomharan 12:7

Agus seall, nochd aingeal dhen Tighearna gu grad ri thaobh, agus dheàlraich solas sa chealla. Bhuail e Peadar air a chliathaich agus dhùisg e e, ag ràdh, “Èirich gu grad!” Agus thuit na slabhraidhean far a làmhan.

Gnìomharan 27:23

Oir air an oidhche seo fhèin sheas rim thaobh aingeal dhen Dia dham buin mi agus dha bheil mi ag adhradh,

Gnìomharan 5:19

Ach san oidhche dh'fhosgail aingeal dhen Tighearna dorsan a' phrìosain agus threòraich e a‑mach iadsan, agus thuirt e,

2 Corintianach 3:18

Ach tha sinne uile – le aghaidhean gun chòmhdach, a' coimhead mar ann an sgàthan air glòir an Tighearna – gar n‑atharrachadh chun na h‑aon ìomhaigh o ghlòir gu glòir, dìreach mar on Tighearna, an Spiorad.

2 Corintianach 4:6

Oir is e Dia, a thuirt, “À dorchadas soillsicheadh solas,” an t‑Aon a th' air deàlradh nar cridheachan airson solas eòlas glòir Dhè a thoirt dhuinn ann an aghaidh Ìosa Crìosd.

1 Timòteus 3:16

Agus feumaidh e a bhith air aideachadh gur mòr dìomhaireachd na diadhaidheachd: a bh' air fhoillseachadh san fheòil, air a dhearbhadh fìreanta leis an Spiorad, air fhaicinn le ainglean, air a shearmonachadh am measg nan Cinneach, a chaidh creidsinn ann anns an t‑saoghal, 's a bha air a thogail suas ann an glòir.

Eabhraidhich 12:21

Agus bha an sealladh cho eagalach 's gun tuirt Maois, “Tha mi air chrith leis an eagal.”

Taisbeanadh 18:1

Às dèidh nan rudan seo chunnaic mi aingeal eile aig an robh ùghdarras mòr a' tighinn a‑nuas o nèamh, agus bha an talamh air a shoillseachadh le a ghlòir.

Taisbeanadh 20:11

Agus chunnaic mi rìgh‑chathair mhòr gheal agus neach na shuidhe oirre. Theich talamh is nèamh o aghaidh‑san, 's cha robh àite ri fhaighinn dhaibh.