Lùcas 13:3 - An Tiomnadh Nuadh anns an Eadar-Theangachadh Ùr Gàidhlig 2017

³ Cha robh, tha mi ag ràdh ribh! Ach mura dèan sibh aithreachas, thèid sibhse uile a sgrios cuideachd.

Am Bìoball Gàidhlig 1992

³ Chan eadh, tha mi ag ràdh ribh: ach mura dèan sibhse aithreachas, sgriosar sibh uile mar an ceudna.

Am Bìoball Iomraidh Gàidhlig 1880 1992

³ Chan eadh, tha mi ag ràdh ribh: ach mura dèan sibhse aithreachas, sgriosar sibh uile mar an ceudna.

Tiomnadh Nuadh (MacEachen) 1875

³ Cha robh, tha mi g-radh ribh: ach mur dian sibh peanas, bithidh sibh uile caillte mar an ciadna.

Lùcas 13:3 Iomraidhean Croise

Mata 12:45

An uair sin falbhaidh e agus bheir e leis seachd spioradan eile nas uilce na e fhèin, is thèid iad a‑steach agus fanaidh iad an sin, is bidh staid dheireannach an duine sin nas miosa na a chiad staid. Is ann mar sin cuideachd a bhitheas leis a' ghinealach olc seo.”

Mata 22:7

Ach ghabh an rìgh an fhearg, agus chuir e na h‑armailtean aige a‑mach agus sgrios e na murtairean sin, agus loisg e am baile aca.

Mata 3:2

ag ràdh, “Dèanaibh aithreachas, oir tha rìoghachd nèimh faisg air làimh.”

Lùcas 13:2

Agus fhreagair e iad, “A bheil sibh a' smaoineachadh gun robh na Galilèich sin nam peacaich na bu mhotha na na Galilèich eile gu lèir, a chionn 's gun do dh'fhuiling iad anns an dòigh seo?

Lùcas 13:4

No na h‑ochd duine deug air an do thuit an tùr ann an Silòam agus a mharbhadh iad – a bheil sibh a' saoilsinn gun robh iadsan na bu chiontaiche na a h‑uile neach a bha a' fuireach ann an Ierusalem?

Lùcas 13:5

Cha robh, tha mi ag ràdh ribh! Ach mura dèan sibh aithreachas thèid sibhse uile a sgrios cuideachd.”

Lùcas 24:47

agus gum feumadh aithreachas is mathanas pheacaidhean a bhith air a shearmonachadh na ainm‑san dhan a h‑uile nàisean, a' tòiseachadh o Ierusalem.

Gnìomharan 3:19

Mar sin, dèanaibh‑se aithreachas agus tionndaidhibh a‑rithist, airson 's gum bi ur peacaidhean air an glanadh às,