Lùcas 1:53 - An Tiomnadh Nuadh anns an Eadar-Theangachadh Ùr Gàidhlig 2017

⁵³ Lìon e an fheadhainn a bha acrach le rudan matha; agus na daoine saidhbhir chuir e air falbh falamh.

Am Bìoball Gàidhlig 1992

⁵³ Lìon e an dream a bha acrach le nithean matha; agus chuir e uaithe na daoine saoibhir falamh.

Am Bìoball Iomraidh Gàidhlig 1880 1992

⁵³ Lìon e an dream a bha acrach le nithean matha; agus chuir e uaithe na daoine saoibhir falamh.

Tiomnadh Nuadh (MacEachen) 1875

⁵³ Lion e na daoine acrach le nichean matha, ʼs leig e air falbh na daoine saibhir falamh.

Lùcas 1:53 Iomraidhean Croise

Mata 5:6

Is beannaichte iadsan air a bheil acras is pathadh na fìreantachd, oir thèid an sàsachadh.

Lùcas 1:54

Chuidich e a sheirbheiseach Israel gus a thròcair a chuimhneachadh.

Lùcas 6:21

Is beannaichte sibhse a tha acrach a‑nis, oir thèid ur sàsachadh. Is beannaichte sibhse a tha a' caoineadh a‑nis, oir nì sibh gàire.

Lùcas 6:24

“Ach is mairg dhuibhse a tha beairteach, oir fhuair sibh ur cofhurtachd.

Eòin 6:35

Thuirt Ìosa riutha, “Is mise aran na beatha. An neach a thig thugamsa, cha bhi acras air, agus an neach a chreideas annamsa, cha bhi pathadh air gu bràth.

1 Corintianach 1:26

Oir smaoinichibh mur gairm, a bhràithrean, cha robh mòran agaibh glic a rèir na feòla, cha robh mòran cumhachdach, cha robh mòran o bhreith uasail.

1 Corintianach 4:8

Mu thràth tha a h‑uile sìon agaibh a tha sibh ag iarraidh. Mu thràth tha sibh air fàs beairteach! Às ar n‑aonais tha sibh air tighinn gus a bhith a' riaghladh! Agus mhiannaichinn gun robh sibh a' riaghladh, airson 's gun robh sinne a' riaghladh còmhla ribh!