Lùcas 1:25 - An Tiomnadh Nuadh anns an Eadar-Theangachadh Ùr Gàidhlig 2017

²⁵ “Is ann mar seo a rinn an Tighearna rium anns na làithean san do sheall e orm, a' toirt mo mhaslaidh am measg dhaoine air falbh uam.”

Am Bìoball Gàidhlig 1992

²⁵ Is ann mar seo a rinn an Tighearna dhomh anns na làithean air an d’amhairc e orm, a thogail dhìom mo mhaslaidh am measg dhaoine.

Am Bìoball Iomraidh Gàidhlig 1880 1992

²⁵ Is ann mar seo a rinn an Tighearna dhomh anns na làithean air an d’amhairc e orm, a thogail dhìom mo mhaslaidh am measg dhaoine.

Tiomnadh Nuadh (MacEachen) 1875

²⁵ A thaobh gur ann mar so a rinn an Tighearna rium anns na laithean air na sheall e orm gus mo mhasladh a thogail dhiom am measg dhaoine.

Lùcas 1:25 Iomraidhean Croise

Lùcas 1:13

Ach thuirt an t‑aingeal ris, “Na gabh eagal, a Shachariah; oir chaidh d' ùrnaigh a chluinntinn, agus beiridh do bhean Ealasaid mac dhut, agus bheir thu Eòin mar ainm air.

Lùcas 1:24

Às dèidh nan làithean sin dh'fhàs a bhean Ealasaid torrach, agus chùm i i fhèin air falach airson còig mìosan, ag ràdh,

Eabhraidhich 11:11

Tro chreideamh, fhuair Sàra fhèin, a bha neo‑thorrach, an comas sliochd a bhith aice, ged a bha i seachad air aois chloinne a bhith aice, a chionn 's gun do mheas i fìrinneach esan a rinn an gealladh.