Gnìomharan 8:3 - An Tiomnadh Nuadh anns an Eadar-Theangachadh Ùr Gàidhlig 2017

³ Ach thòisich Saul a' creachadh na h‑eaglaise, a' dol a‑steach o thaigh gu taigh, a' draghadh air falbh fhear is bhoireannach is gan cur dhan phrìosan.

Am Bìoball Gàidhlig 1992

³ Ach bha Saul a’ fàsachadh na h‑eaglais, a’ dol a‑steach do gach taigh; agus a’ tarraing a‑mach fhear agus bhan, chuir e ann am prìosan iad.

Am Bìoball Iomraidh Gàidhlig 1880 1992

³ Ach bha Saul a’ fàsachadh na h‑eaglais, a’ dol a‑steach do gach taigh; agus a’ tarraing a‑mach fhear agus bhan, chuir e ann am prìosan iad.

Tiomnadh Nuadh (MacEachen) 1875

³ Ach bha Saul a sgriosadh na h-eaglais, a dol bho thigh gu tigh ʼsa slaodadh a mach fhirionnach agus bhoirionnach, ʼs gan sparradh am priosan.

Gnìomharan 8:3 Iomraidhean Croise

Gnìomharan 16:19

Ach nuair a chunnaic a maighstirean gun robh an dòchas prothaid aca air falbh, rug iad air Pòl is Silas agus dhragh iad a‑steach dhan ionad mhargaidh iad, mu choinneamh nan riaghladairean.

Gnìomharan 22:19

“Agus thuirt mise, ‘A Thighearna, is aithne dhaib' fhèin gun do thilg mi ann am prìosan 's gun do dhochainn mi ann an sionagog às dèidh sionagoig iadsan a chreid annadsa.

Gnìomharan 7:58

Agus thilg iad a‑mach às a' bhaile e agus chlach iad e. Agus shìn na fianaisean na badan aodaich aca sìos aig casan fir òig, dham b' ainm Saul.

Gnìomharan 8:2

Agus dh'adhlaic daoine cràbhach Steaphan is rinn iad caoidh mhòr air a shon.

Gnìomharan 9:21

Agus bha iadsan uile a chuala e fo iongnadh agus thuirt iad, “Nach e seo esan a rinn sgrios ann an Ierusalem air an fheadhainn a ghairm air an ainm seo? Agus nach tàinig e an seo airson 's gun toireadh e ceangailte iad gu na h‑àrd‑shagartan?”

1 Corintianach 15:9

Oir is mise as lugha dhe na h‑abstoil, nach eil airidh air abstol a ghabhail orm, a chionn 's gun robh mi a' geur‑leanmhainn eaglais Dhè.

Galàtianach 1:13

Oir tha sibh air cluinntinn mun chaitheamh‑beatha a b' àbhaist a bhith agam ann an Iùdhachas, mar a bha mi a' geur‑leanmhainn eaglais Dhè thar tomhas agus a' feuchainn ri a sgrios.

Philipianach 3:6

a thaobh eud, a' dèanamh geur‑leanmhainn air an eaglais; a thaobh na fìreantachd a th' anns an lagh, neo‑choireach.

1 Timòteus 1:13

Bha mise roimhe toibheumach agus nam gheur‑leanmhainniche agus nam dhuine stràiceil, ach fhuair mi tròcair, oir nam aineolas rinn mi e ann an eas‑creideamh.

Seumas 2:6

Ach thug sibhse masladh dhan fhear bhochd! Nach eil sibh air ur claoidh leis na daoine beairteach? Nach eil iadsan gur draghadh dhan chùirt?