Gnìomharan 4:32 - An Tiomnadh Nuadh anns an Eadar-Theangachadh Ùr Gàidhlig 2017

³² Agus bha a' chuideachd dhiubhsan a chreid de dh'aon chridhe is anam, agus cha tuirt neach sam bith gum bu leis fhèin a bha gin dhe na rudan a bu sheilbh dha, ach bha a h‑uile rud aca gu coitcheann.

Am Bìoball Gàidhlig 1992

³² Agus bha aig a’ chuideachd a chreid aon chridhe, agus aon anam: agus cha mhò a thubhairt neach air bith dhiubh gum bu leis fhèin aon nì a shealbhaich e; ach bha na h‑uile nithean coitcheann aca.

Am Bìoball Iomraidh Gàidhlig 1880 1992

³² Agus bha aig a’ chuideachd a chreid aon chridhe, agus aon anam: agus cha mhò a thubhairt neach air bith dhiubh gum bu leis fhèin aon nì a shealbhaich e; ach bha na h‑uile nithean coitcheann aca.

Tiomnadh Nuadh (MacEachen) 1875

³² ʼS aig co-thional nan creideach cha robh ach aona chridhe agus aon anam; ʼs cha mhua bha a h-aon aca g-radh gum bu leis fhein ni air bith a bha e sealbhachadh, ach bha h-uile ni coitchionn aca.

Gnìomharan 4:32 Iomraidhean Croise

Eòin 17:11

Chan eil mise tuilleadh anns an t‑saoghal, ach tha iadsan anns an t‑saoghal, agus tha mise a' tighinn thugadsa. Athair naoimh, cùm iadsan nad ainm, a tha thu air a thoirt dhòmhsa, airson 's gum faod iad a bhith nan aon mar a tha sinne.

Gnìomharan 1:14

Bha iad seo uile a dh'aon inntinn gan coisrigeadh fhèin do dh'ùrnaigh, còmhla ri na boireannaich agus Moire màthair Ìosa, agus còmhla ri a bhràithrean.

Gnìomharan 2:1

Nuair a thàinig latha na Caingis, bha iad uile còmhla san aon àite.

Gnìomharan 5:12

A‑nis chaidh mòran chomharraidhean agus mhìorbhailean a dhèanamh am measg an t‑sluaigh le làmhan nan abstol. Agus bha iad uile a dh'aon inntinn ann an sgàil‑thaigh Sholaimh.

Ròmanaich 12:5

mar sin sinne, a tha nar mòran, tha sinn nar n‑aon bhodhaig ann an Crìosd, agus fa leth nar buill de chàch‑a‑chèile.

1 Corintianach 1:10

A‑nis tha mi a' guidhe oirbh, a bhràithrean, tro ainm ar Tighearna Ìosa Crìosd, gun aontaich sibh uile agus nach biodh sgaraidhean nur measg, ach gum bi sibh air ur n‑aonadh san aon inntinn agus san aon rùn.

2 Corintianach 13:11

Mu dheireadh, a bhràithrean, dèanaibh gàirdeachas, bithibh air ur dèanamh coileanta, bithibh air ur misneachadh, smaoinichibh an aon rud, bithibh aig fois, agus bidh Dia a' ghràidh 's na sìthe còmhla ribh.

Philipianach 1:27

A‑mhàin giùlainibh sib' fhèin ann am modh a tha airidh air soisgeul Chrìosd, ge b' e cuin a thig mi 's gu faic mi sibh, no gum bidh mi air falbh uaibh, gun cluinn mi mur deidhinn, gu bheil sibh a' seasamh gu daingeann ann an aon spiorad, le aon inntinn, a' strì còmhla airson creideamh an t‑soisgeil,

1 Peadar 3:8

A‑nis, mu dheireadh, bithibh de dh'aon inntinn, co‑fhaireachdail, a' gràdhachadh mar bhràithrean, teò‑chridheach, iriosal nur n‑inntinn,

1 Peadar 4:11

Ma bhruidhneas neach sam bith, dèanadh e sin mar neach a tha ag aithris faclan Dhè, ma mhinistrealaicheas neach sam bith, dèanadh e sin leis an neart a bheir Dia dha, gus am bi Dia air a ghlòrachadh sa h‑uile nì tro Ìosa Crìosd, dha bheil a' ghlòir agus an cumhachd fad saoghal nan saoghal. Amen.