Gnìomharan 3:6 - An Tiomnadh Nuadh anns an Eadar-Theangachadh Ùr Gàidhlig 2017

⁶ Ach thuirt Peadar, “Airgead no òr chan eil agam, ach an rud a tha agam bheir mi dhut. Ann an ainm Ìosa Crìosd o Nàsaret, èirich 's coisich.”

Am Bìoball Gàidhlig 1992

⁶ An sin thubhairt Peadar, Airgead no òr chan eil agam; ach an nì a tha agam, seo bheir mi dhut. Ann an ainm Iosa Crìosd o Nàsaret, èirich agus imich.

Am Bìoball Iomraidh Gàidhlig 1880 1992

⁶ An sin thubhairt Peadar, Airgead no òr chan eil agam; ach an nì a tha agam, seo bheir mi dhut. Ann an ainm Iosa Crìosd o Nàsaret, èirich agus imich.

Tiomnadh Nuadh (MacEachen) 1875

⁶ Ach thuirt Peadar: Airgiod no òr cha n-eil agam: ach an ni thʼ agam, bheir mi dhut e: An ainm Iosa Criosta bho Nasareth, eirich agus imich.

Gnìomharan 3:6 Iomraidhean Croise

Mata 10:9

Na sealbhaichibh òr no airgead no umha airson ur sporain,

Mata 7:22

Canaidh mòran rium air an latha sin, ‘A Thighearna, a Thighearna, nach do rinn sinn fàidheadaireachd nad ainm‑sa, agus nad ainm‑sa nach do thilg sinn a‑mach deamhain agus nad ainm‑sa nach do rinn sinn tòrr obraichean cumhachdach?’

Marcus 14:8

Rinn i na b' urrainn dhi: thàinig i ro‑làimh a dh'ungadh mo chuirp airson adhlacadh.

Marcus 16:17

Leanaidh na comharraidhean seo an fheadhainn a chreideas: nam ainm‑sa tilgidh iad a‑mach deamhain; bruidhinnidh iad le teangannan ùra;

Eòin 19:19

Sgrìobh Pìlat tiotal cuideachd agus chuir e air a' chrann‑cheusaidh e. Agus b' e an sgrìobhadh ÌOSA O NÀSARET, RÌGH NAN IÙDHACH.

Gnìomharan 10:38

mar a dh'ung Dia Ìosa o Nàsaret leis an Spiorad Naomh is le cumhachd, agus mar a chaidh e mun cuairt a' dèanamh maith agus gan slànachadh‑san uile a bh' air an claoidh leis an diabhal, oir bha Dia còmhla ris.

Gnìomharan 16:18

Chùm i seo a' dol airson mòran làithean. Ach bha Pòl fìor mhì‑thoilichte, agus thionndaidh e is thuirt e ris an spiorad, “Tha mi ag àithne dhut ann an ainm Ìosa Crìosd tighinn aiste.” Agus thàinig e a‑mach aig an àm sin fhèin.

Gnìomharan 2:22

“Fheara Israeil, èistibh ris na briathran seo: Ìosa o Nàsaret, duine a chaidh a dhearbhadh le Dia dhuibhse, le obraichean cumhachdach is iongantasan is comharraidhean, a rinn Dia troimhesan nur measg‑se, mar tha fios agaib' fhèin,

Gnìomharan 2:36

“Mar sin biodh fios cinnteach aig taigh Israeil gu lèir gun do rinn Dia an dà chuid, na Thighearna agus na Chrìosd, an t‑Ìosa seo a cheus sibhse.”

Gnìomharan 3:16

Agus tro chreideamh na ainm – ann an ainm Ìosa – neartaich e an duine seo a tha sibhse a' faicinn agus as aithne dhuibh, agus tha an creideamh a tha tro Ìosa air an t‑slàinte choileanta seo a thoirt dha nur làthair‑se uile.

Gnìomharan 3:5

Agus thug e aire dhaibh, a' sùileachadh gum faigheadh e rudeigin uapa.

Gnìomharan 3:7

Agus a' breith air a làimh dheis, thog e suas e, agus sa bhad chaidh a chasan agus adhbrannan a neartachadh.

Gnìomharan 4:10

biodh e aithnichte dhuibhse uile is do shluagh Israeil gu lèir gur ann le ainm Ìosa Crìosd o Nàsaret, a cheus sibhse, a thog Dia o na mairbh – le ainm‑san tha an duine seo na sheasamh slàn an seo nur làthair‑se.

Gnìomharan 4:7

Agus nuair a bha iad air an suidheachadh sa mheadhan dh'fhaighnich iad, “Dè an cumhachd, no dè an t‑ainm leis an do rinn sibh seo?”

Gnìomharan 9:34

Agus thuirt Peadar ris, “Eneais, tha Ìosa Crìosd gad leigheas. Èirich is càirich do leabaidh.” Agus sa bhad dh'èirich e.

1 Corintianach 4:11

Gus an uair seo fhèin, tha sinn acrach is pàiteach, tha sinn air ar n‑èideadh gu truagh is air ar bualadh le dùirn is gun dachaigh,

2 Corintianach 6:10

brònach, ach an‑còmhnaidh a' dèanamh gàirdeachais; mar dhaoine bochda, ach a' dèanamh mòran beairteach, mar dhaoine aig nach eil sìon, ach a' sealbhachadh a h‑uile sìon.

2 Corintianach 8:12

Oir ma tha an deisealachd ann, tha e airidh air gabhail ris a rèir na th' aig neach, chan ann a rèir na tha a dhìth air.

2 Corintianach 8:9

Oir is aithne dhuibh gràs ar Tighearna Ìosa Crìosd, ged a bha e saidhbhir, a dh'aindeoin sin gun deach a dhèanamh bochd air ur son‑se, airson 's gum fàsadh sibhse saidhbhir tro a bhochdainn‑san.

Seumas 2:5

Èistibh, mo bhràithrean gràdhach! Nach do thagh Dia feadhainn bhochda an t‑saoghail seo gus a bhith beairteach ann an creideamh agus nan oighreachan air rìoghachd Dhè, a gheall e ro‑làimh dhan fheadhainn aig a bheil gràdh dha?

1 Peadar 4:10

Mar a fhuair gach neach tiodhlac, biodh e air a chleachdadh airson seirbheis a dhèanamh dha chèile, mar dheagh stiùbhardan dhen ghràs eadar‑dhealaichte aig Dia.