Eòin 1:4 - An Tiomnadh Nuadh anns an Eadar-Theangachadh Ùr Gàidhlig 2017

⁴ Annsan bha beatha, agus b' i a' bheatha sin solas dhaoine.

Am Bìoball Gàidhlig 1992

⁴ Annsan bha beatha, agus b’i a’ bheatha solas dhaoine.

Am Bìoball Iomraidh Gàidhlig 1880 1992

⁴ Annsan bha beatha, agus b’i a’ bheatha solas dhaoine.

Tiomnadh Nuadh (MacEachen) 1875

⁴ Annsan bha a bheatha, ʼs bʼ i a bheatha solus dhaoine:

Eòin 1:4 Iomraidhean Croise

Mata 4:16

an sluagh a bha a' fuireach ann an dorchadas, chunnaic iad solas mòr; agus na daoine a bha a' fuireach ann an tìr agus sgàil a' bhàis, orrasan tha solas air èirigh.”

Lùcas 2:32

solas taisbeanaidh dha na Cinnich, agus airson glòir dha do shluagh Israel.”

Eòin 11:25

Thuirt Ìosa rithe, “Is mise an aiseirigh agus a' bheatha. Ge b' e cò a chreideas annamsa, ged a gheibheadh e bàs, bidh e beò;

Eòin 12:35

Thuirt Ìosa riutha, “Tha an solas nur measg airson ùine bhig fhathast. Coisichibh cho fada 's a tha an solas agaibh, airson 's nach beir an dorchadas oirbh. Oir an neach a tha a' coiseachd anns an dorchadas, chan aithne dha càit a bheil e a' dol.

Eòin 12:46

Tha mi air tighinn a‑steach dhan t‑saoghal nam sholas, airson 's, ge b' e cò a chreideas annamsa, nach fan e anns an dorchadas.

Eòin 14:6

Thuirt Ìosa ris, “Is mise an t‑slighe, agus an fhìrinn, agus a' bheatha. Cha tig neach sam bith chun an Athar ach tromhamsa.

Eòin 3:19

Is e seo an dìteadh: tha an solas air tighinn a‑steach dhan t‑saoghal, agus ghràdhaich daoine an dorchadas nas motha na an solas a chionn 's gun robh an gnìomhan olc.

Eòin 5:21

Oir mar a thogas an t‑Athair na mairbh agus a bheothaicheas e iad, mar sin beothaichidh am Mac cuideachd na thogras e.

Eòin 5:26

Oir mar a tha beatha aig an Athair ann fhèin, mar sin cuideachd thug e dhan Mhac beatha a bhith aige ann fhèin.

Eòin 8:12

Bhruidhinn Ìosa riutha a‑rithist, ag ràdh, “Is mise solas an t‑saoghail. An neach a leanas mise, cha choisich e ann an dorchadas, ach bidh solas na beatha aige.”

Eòin 9:5

Cho fad 's a tha mise anns an t‑saoghal, is mi solas an t‑saoghail.”

Gnìomharan 26:23

gum feumadh an Crìosd fulang agus, mar a' chiad neach ag èirigh o na mairbh, gun cuireadh e an cèill solas an dà chuid dhar sluagh‑ne agus dha na Cinnich.”

1 Corintianach 15:45

Mar sin cuideachd tha e sgrìobhte, “Thàinig a' chiad duine, Àdhamh, gus a bhith na anam beò”; an t‑Àdhamh mu dheireadh, na Spiorad a bheothaicheas.

Ephèsianach 5:14

Oir a h‑uile sìon a thig am follais 's e solas a th' ann. Air an adhbhar seo tha e air a ràdh: “Dùisg, a neach cadail, agus èirich o na mairbh, is deàlraidh Crìosd ort.”

Colosianach 3:4

Nuair a bhios Crìosd, ur beatha, air fhoillseachadh, an uair sin bidh sibhse cuideachd air ur foillseachadh còmhla ris ann an glòir.

1 Eòin 1:1

An rud a bh' ann o thoiseach, a chuala sinn, a chunnaic sinn ler sùilean, air an do choimhead sinn agus a làimhsich ar làmhan – mu Fhacal na beatha.

1 Eòin 1:2

– agus nochd a' bheatha, agus chunnaic sinn i agus tha sinn a' toirt fianais oirre; agus tha sinn a' cur an cèill dhuibhse a' bheatha shìorraidh, a bha còmhla ris an Athar agus a chaidh a nochdadh dhuinne.

1 Eòin 5:11

Agus is i seo an fhianais, gun tug Dia dhuinne a' bheatha shìorraidh; agus tha a' bheatha seo na Mhac‑san.

Taisbeanadh 22:1

Agus sheall e dhomh abhainn uisge na beatha, soilleir mar chriostal, a' dol a‑mach o rìgh‑chathair Dhè 's an Uain,

Taisbeanadh 22:16

“Chuir mise, Ìosa, m' aingeal a thoirt fianais dhuibhse mu na rudan seo, às leth nan eaglaisean. Is mise freumh is gineal Dhaibhaidh, reul dheàlrach na maidne.”