Eòin 1:16 - An Tiomnadh Nuadh anns an Eadar-Theangachadh Ùr Gàidhlig 2017

¹⁶ Às a lànachd‑san fhuair sinn uile gràs às dèidh gràis.

Am Bìoball Gàidhlig 1992

¹⁶ Agus as a lànachd-san fhuair sinne uile, agus gràs airson gràis.

Am Bìoball Iomraidh Gàidhlig 1880 1992

¹⁶ Agus as a lànachd‐san fhuair sinne uile, agus gràs airson gràis.

Tiomnadh Nuadh (MacEachen) 1875

¹⁶ Agus dhe a lanachd fhuair sinn uile, agus grasan air ghrasan:

Eòin 1:16 Iomraidhean Croise

Mata 13:12

Oir dhan neach aig a bheil, dhàsan thèid barrachd a thoirt, agus bidh am pailteas aige, ach uaithesan aig nach eil, thèid fiù 's na th' aige a thoirt uaithe.

Mata 3:11

“Tha mise gur baisteadh le uisge airson aithreachais, ach tha esan a tha a' tighinn às mo dhèidh nas cumhachdaiche na mise, agus chan airidh mise air a chuarain a ghiùlain. Baistidh esan sibh leis an Spiorad Naomh agus le teine.

Mata 3:14

Ach dh'fheuch Eòin ri a bhacadh, ag ràdh, “Tha feum agamsa a bhith air mo bhaisteadh leatsa, agus a bheil thusa a' tighinn thugamsa?”

Lùcas 21:15

Oir bheir mise dhuibh beul agus gliocas, nach bi gin dhiubhsan a tha nan nàimhdean dhuibh comasach air seasamh nan aghaidh no an àicheadh.

Eòin 3:34

Oir tha esan a chuir Dia a‑mach ag ràdh faclan Dhè, oir chan ann a rèir tomhais a tha Dia a' toirt an Spioraid.

Ròmanaich 5:17

Oir mas e 's – air sgàth pheacaidh aon duine – gun do riaghail am bàs, is motha gu mòr na sin a riaghlas iadsan sa bheatha a gheibh lìonmhorachd a' ghràis agus tiodhlac an fhìreantachd tro Ìosa Crìosd.

Ròmanaich 5:2

trom bheil sinne cuideachd, tro chreideamh, air slighe fhaighinn a‑steach dhan ghràs seo sa bheil sinn a' seasamh, agus tha sinn a' bòstadh ann an dòchas glòir Dhè.

Ròmanaich 5:20

A‑nis thàinig an lagh a‑steach airson an cionta a mheudachadh, ach far an do mheudaich am peacadh, mheudaich gràs na bu mhotha buileach,

Ròmanaich 8:9

Chan eil sibhse, ge‑tà, anns an fheòil ach anns an Spiorad, ma tha Spiorad Dhè dha‑rìribh a' còmhnaidh annaibh. Ach mura h‑eil Spiorad Chrìosd aig neach sam bith, cha bhuin e dha.

Ephèsianach 1:23

as i a chorp‑san, an lànachd aigesan a tha a' lìonadh a h‑uile sìon sna h‑uile.

Ephèsianach 3:19

agus aithne a bhith agaibh air gràdh Chrìosd a tha thar eòlais, airson 's gum bi sibh air ur lìonadh gu uile lànachd Dhè.

Colosianach 1:19

Oir bha Dia toilichte gun còmhnaicheadh an lànachd gu lèir annsan,

Colosianach 2:3

sa bheil uile ionmhasan a' ghliocais 's an eòlais falaichte.

1 Peadar 1:11

A' sireadh gu dè an neach no dè an t‑àm a bha Spiorad Chrìosd a bh' annta a' foillseachadh dhaibh, a' dèanamh fàisneachd air fulangasan Chrìosd agus na glòirean a leanadh.

1 Peadar 1:2

a rèir ro‑eòlais Dhè an Athar, ann an naomhachadh an Spioraid, airson ùmhlachd is crathadh fuil Ìosa Crìosd. Gràs dhuibh, agus gum biodh sìth air a meudachadh dhuibh.