Eabhraidhich 6:9 - An Tiomnadh Nuadh anns an Eadar-Theangachadh Ùr Gàidhlig 2017

⁹ Ach eadhon ma bhruidhneas sinn san dòigh seo, a luchd‑gràidh, tha ìmpidh oirnn rudan nas fheàrr a chreidsinn mur deidhinn‑se agus mu rudan a tha co‑cheangailte ri sàbhaladh.

Am Bìoball Gàidhlig 1992

⁹ Ach is dearbh leinn nithean as fheàrr mur timcheall-se, a mhuinntir ionmhainn, agus nithean a tha dlùth do shlàinte, ged tha sinn a’ labhairt mar seo.

Am Bìoball Iomraidh Gàidhlig 1880 1992

⁹ Ach is dearbh leinn nithean as fheàrr mur timcheall‐se, a mhuinntir ionmhainn, agus nithean a tha dlùth do shlàinte, ged tha sinn a’ labhairt mar seo.

Tiomnadh Nuadh (MacEachen) 1875

⁹ Ach, a mhuinntir mo mhor ghraidh, tha sinn earbsach á nichean nas fhearr bhuaibhse, agus nas tinne air sabhaladh, ged tha sinn a labhairt mar so.

Eabhraidhich 6:9 Iomraidhean Croise

Marcus 16:16

Ge b' e cò a chreideas agus a th' air a bhaisteadh, thèid a shàbhaladh, ach ge b' e cò nach creid, thèid a dhìteadh.

Gnìomharan 11:18

Nuair a chuala iad na rudan seo bha iad sàmhach. Agus ghlòraich iad Dia, ag ràdh, “Mar sin, thug Dia dha na Cinnich cuideachd an t‑aithreachas a tha gu beatha.”

Gnìomharan 20:21

a' toirt fianais an dà chuid do dh'Iùdhaich is do Ghreugaich mu aithreachas a thaobh Dhè agus mu chreideamh nar Tighearna Ìosa Crìosd.

1 Corintianach 10:14

Mar sin, a mhuinntir mo ghràidh, teichibh o iodhal‑adhradh.

2 Corintianach 12:19

Fad na h‑ùine seo tha sibh air a bhith a' smaoineachadh gu bheil sinne gar dìon fhèin ribh. Ann am fianais Dhè tha sinn air a bhith a' bruidhinn ann an Crìosd; agus seo uile airson ur togail suas, a luchd‑gràidh.

2 Corintianach 7:1

Mar sin, le na geallaidhean seo againn, a mhuinntir mo ghràidh, glanamaid sinn fhèin o gach uile thruailleadh feòla is spioraid, a' coileanadh naomhachd ann an eagal Dhè.

2 Corintianach 7:10

Oir tha am bròn a tha diadhaidh a' buileachadh aithreachas a tha gun chaoidh 's a tha a' treòrachadh gu sàbhaladh, ach tha bròn an t‑saoghail a' buileachadh bàs.

Galàtianach 5:6

Oir ann an Crìosd Ìosa chan eil timcheall‑ghearradh no neo‑thimcheall‑ghearradh feumail airson sìon, ach creideamh a tha ag obair tro ghràdh.

Eabhraidhich 10:34

Oir bha co‑fhaireachadh agaibh do phrìosanaich, agus ghabh sibh le gàirdeachas ri creachadh ur cuid, agus deagh fhios agaibh gu bheil maoin nas fheàrr 's nas maireannaiche agaib' fhèin.

Eabhraidhich 10:39

Ach cha bhuin sinne dhan fheadhainn sin a thionndaidheas air ais gu sgrios, ach dhan fheadhainn aig a bheil creideamh airson beatha a ghleidheadh.

Eabhraidhich 2:3

ciamar a gheibh sinn dol‑às ma nì sinn dearmad air sàbhaladh cho mòr? Às dèidh dha a bhith air aithris leis an Tighearna, chaidh a dhaingneachadh dhuinn leothasan a chuala e.

Eabhraidhich 5:9

Agus air a dhèanamh foirfe, chaidh a dhèanamh dhaibhsan uile a bheir ùmhlachd dha, na adhbhar sàbhalaidh sìorraidh,

Eabhraidhich 6:10

Oir chan eil Dia cho neo‑fhìreanta 's gun dìochuimhnicheadh e ur saothair agus an gràdh a sheall sibh dha ainm, mar a rinn sibh frithealadh agus mar a tha sibh fhathast a' frithealadh dha na naoimh.

1 Peadar 2:11

Mo luchd‑gràidh, tha mi a' guidhe oirbh, mar choigrich is luchd‑cuairt, seachnaibh ana‑miannan na feòla, a tha a' cogadh an aghaidh an anma.

2 Peadar 3:1

'S e seo a‑nis, a mhuinntir ghràdhaichte, an dara litir a tha mi air a sgrìobhadh thugaibh, anns a bheil mi gur dùsgadh suas nur n‑inntinn fhìorghlan le bhith a' cuimhneachadh dhuibh

1 Eòin 2:7

A mhuinntir ghràdhaichte, chan eil mi a' sgrìobhadh àithne ùr thugaibh ach seann tè, a bh' agaibh on toiseach. 'S e an t‑seann àithne am facal a chuala sibh.

Iùdas 1:3

A mhuinntir ghràdhaichte, fhad 's a bha mi a' sgrìobhadh thugaibh leis a h‑uile dìcheall mu ar slàinte chumanta, b' fheudar dhomh sgrìobhadh thugaibh gur n‑earalachadh gun dèanadh sibh strì às leth a' chreideimh a bha aon uair air a thoirt dha na naoimh.