Eabhraidhich 5:13 - An Tiomnadh Nuadh anns an Eadar-Theangachadh Ùr Gàidhlig 2017

¹³ Oir tha a h‑uile fear a tha a' gabhail bainne aineolach air facal na fìreantachd, oir is e leanabh a th' ann.

Am Bìoball Gàidhlig 1992

¹³ Oir gach neach a tha a’ gnàthachadh bainne, tha e neo-theòma air facal na fìreantachd: oir is naoidhean e.

Am Bìoball Iomraidh Gàidhlig 1880 1992

¹³ Oir gach neach a tha a’ gnàthachadh bainne, tha e neo‐theòma air facal na fìreantachd: oir is naoidhean e.

Tiomnadh Nuadh (MacEachen) 1875

¹³ Oir tha, a h-uile h-aon a tha gabhail bainne, aineolach air facal a cheartais: oir is naoidhean e.

Eabhraidhich 5:13 Iomraidhean Croise

1 Peadar 2:2

Mar naoidheanan air an ùr‑bhreith, miannaichibh bainne spioradail fìor‑ghlan, gus am fàs sibh ann an sàbhalaidh leis,

1 Corintianach 14:20

A bhràithrean, na bithibh nur leanabanan nur smaoineachadh; a dh'aindeoin sin bithibh nur leanabanan ann am mì‑rùn, ach ann an tuigse bithibh nur n‑inbhich.

2 Timòteus 3:16

Tha an Sgriobtar uile air a dheachdadh le Dia, agus feumail airson teagaisg, airson cronachaidh, airson ceartachaidh, airson trèanaidh ann am fìreantachd,

Ephèsianach 4:14

Airson 's nach bi sinn tuilleadh nar leanabanan, air ar tonn‑luasgadh agus air ar giùlain mun cuairt leis a h‑uile gaoth teagaisg, le caran dhaoine, le seòltachd ann an innleachdan mheallta.

1 Corintianach 3:1

Agus cha b' urrainn dhòmhsa, a bhràithrean, bruidhinn ribhse mar ri daoine spioradail, ach mar ri daoine feòlmhor, mar leanabanan ann an Crìosd.

2 Corintianach 3:9

Oir ma tha glòir aig ministrealachd an dìtidh, tha fada a bharrachd air a sin aig ministrealachd na fìreantachd a tha a' cur thairis le glòir.

1 Corintianach 13:11

Nuair a bha mi nam leanaban, bhruidhinn mi mar leanaban, thuig mi mar leanaban, reusonaich mi mar leanaban. Nuair a thàinig mi gus a bhith nam dhuine, chuir mi às dha na rudan leanabail.

Marcus 10:15

Gu deimhinn tha mi ag ràdh ribh, ge b' e cò nach gabh rìoghachd Dhè mar leanabh, gu cinnteach cha tèid e a‑steach innte.”

Mata 11:25

Aig an àm sin thuirt Ìosa, “Tha mi a' toirt taing dhut, O Athair, a Thighearna nèimh is na talmhainn, gun do dh'fhalaich thu na rudan seo o dhaoine glic is tuigseach agus gun do dh'fhoillsich thu iad do leanabanan.

Ròmanaich 2:20

neach‑oilean dha na h‑amaidich, neach‑teagaisg do leanabanan, aig a bheil fìor choltas an eòlais is na fìrinn san lagh –

2 Eòin 1:11

Oir tha compàirt aig an neach a chuireas fàilte air, anns na droch obraichean aige.