Eabhraidhich 4:9 - An Tiomnadh Nuadh anns an Eadar-Theangachadh Ùr Gàidhlig 2017

⁹ Mar sin tha latha Sàbaid fhathast ann airson sluaigh Dhè.

Am Bìoball Gàidhlig 1992

⁹ Uime sin dh’fhàgadh fois fa chomhair sluagh Dhè.

Am Bìoball Iomraidh Gàidhlig 1880 1992

⁹ Uime sin dh’fhàgadh fois fa chomhair sluagh Dhè.

Laoidhean o na Sgriobtaran Naomha 1987

⁹ San teampall sa bheil Dia na thàmh, (Taigh nach do thogadh riamh le làimh,) Tha Sagart àrd a' chinne‑daoin, Ar Slànaighear 's ar caraid caoin.

Tiomnadh Nuadh (MacEachen) 1875

⁹ Le sin tha la, tha foise a feitheamh air pobull De.

Eabhraidhich 4:9 Iomraidhean Croise

Mata 1:21

Beiridh i mac, agus bheir thu Ìosa mar ainm air, oir sàbhailidh esan a shluagh om peacaidhean.”

Tìtus 2:14

Thug esan e fhèin seachad air ar son gus an saoradh e sinn o gach aingidheachd, agus gun glanadh e sluagh sònraichte dha fhèin, eudmhor mu dheagh obraichean.

Eabhraidhich 11:25

Roghnaich e àmhghar fhulang còmhla ri sluagh Dhè seach toileachas a' pheacaidh a bhith aige airson greis.

Eabhraidhich 3:11

Mar sin, mhionnaich mi nam fheirg ‘Cha tèid iad a‑steach dham fhois.’”

Eabhraidhich 4:1

Mar sin, biodh eagal oirnn, fhad 's a tha gealladh againn a dhol a‑steach dha fhois‑san, air eagal 's gum biodh coltas ann nach ruigeadh neach sam bith agaibh air.

Eabhraidhich 4:10

Oir esan a chaidh a‑steach dhan fhois, ghabh e fois o na h‑obraichean aige cuideachd, mar a ghabh Dia o a chuid‑san.

Eabhraidhich 4:3

Oir tha sinne a chreid a' dol a‑steach dhan fhois; mar a thuirt e: “Mar sin, mhionnaich mi nam fheirg Cha tèid iad a‑steach dham fhois.” Ged, gu deimhinn, a chaidh na h‑obraichean aige a chrìochnachadh bho stèidheachadh an t‑saoghail.

Eabhraidhich 4:8

Oir nam biodh Iosua air fois a thoirt dhaibh, cha bhiodh Dia air bruidhinn às dèidh sin mu latha eile.

1 Peadar 2:10

Sibhse, aig aon àm, nach robh nur sluagh, ach a‑nis a tha nur sluagh aig Dia; sibhse nach robh air tròcair fhaighinn ach a‑nis a tha air tròcair fhaighinn.

Taisbeanadh 14:13

Agus chuala mi guth o nèamh ag ràdh, “Sgrìobh! Is beannaichte na mairbh, iadsan a bhàsaicheas san Tìghearna, on a seo a‑mach.” “Seadh!” tha an Spiorad ag ràdh, “gus an gabh iad fois o na saothairean aca, oir leanaidh an obraichean iad.”

Taisbeanadh 21:4

Agus suathaidh e air falbh a h‑uile deur on sùilean, agus cha bhi am bàs ann tuilleadh, no bròn, no gal; is cha bhi àmhghar ann nas motha, oir thèid na ciad rudan seachad.”