Eabhraidhich 13:5 - An Tiomnadh Nuadh anns an Eadar-Theangachadh Ùr Gàidhlig 2017

⁵ Gum biodh ur caitheamh‑beatha saor o ghaol air airgead, bithibh toilichte leis na th' agaibh, oir thuirt esan: “Chan fhàg mise thu, agus cha trèig mi thu.”

Am Bìoball Gàidhlig 1992

⁵ Biodh ur caitheamh-beatha gun sannt; agus bithibh toilichte leis na nithean a tha an làthair agaibh: oir thubhairt e, Chan fhàg, agus cha trèig mi am feasd thu.

Am Bìoball Iomraidh Gàidhlig 1880 1992

⁵ Biodh ur caitheamh‐beatha gun sannt; agus bithibh toilichte leis na nithean a tha an làthair agaibh: oir thubhairt e, Chan fhàg, agus cha trèig mi am feasd thu.

Tiomnadh Nuadh (MacEachen) 1875

⁵ Biodh ur beusan gun sannt, bithibh toilichte leis na thʼ agaibh: oir thuirt esan: Cha n-fhag mi thu, agus cha treig.

Eabhraidhich 13:5 Iomraidhean Croise

Mata 6:19

“Na taisgibh ionmhasan air an talamh dhuib' fhèin, far an dèan an leòmann agus a' mheirg sgrios agus far am bris mèirlich a‑steach 's a nì iad goid.

Mata 6:25

“Mar sin, tha mise ag ràdh ribh, na bithibh fo chùram mur beatha, dè a dh'itheas no dè a dh'òlas sibh, no mur cuirp, dè a chuireas sibh oirbh. Nach eil barrachd ris a' bheatha na biadh, agus ris a' chorp na aodach?

Mata 6:34

Mar sin na biodh cùram oirbh mun latha màireach, oir bidh cùram air an latha màireach air a shon fhèin. Tha olc gach aon latha gu leòr dha fhèin.

Marcus 7:22

adhaltranas, sannt, aingidheachd, mealltaireachd, feòlmhorachd, farmad, cùl‑chàineadh, pròis, amaideachd.

Lùcas 3:14

Dh'fhaighnich saighdearan cuideachd dha, “Agus sinne, dè a nì sinne?” Agus thuirt e riutha, “Na toiribh airgid o neach sam bith tro làimh làidir, no tro chasaidean‑brèige, agus bithibh toilichte le ur tuarastal.”

Lùcas 8:14

Agus a thaobh an t‑sìl a thuit am measg dhroigheann, is iad sin an fheadhainn a dh'èisteas, ach fhad 's a thèid iad air an slighe, tha iad air an tachdadh le cùraman agus le beairteas agus le toileachais na beatha, agus chan eil iad a' toirt a‑mach toradh abaich.

Ròmanaich 1:29

Chaidh an lìonadh leis a h‑uile seòrsa eucoir, olc, sannt, mì‑rùn. Tha iad làn de dh'fharmad, de mhurt, de chòmhstri, de chealgaireachd, de dhroch‑rùn. Tha iad nan cabadairean,

1 Corintianach 5:11

Ach a‑nis tha mi a' sgrìobhadh thugaibh gun sibh a bhith ann an comann le neach sam bith aig a bheil an t‑ainm bràthair ma tha e ciontach de mhì‑mhoraltachd feise no de shannt, no a tha na neach‑iodhal‑adhraidh, na neach‑càinidh, na mhisgeir, no na neach‑foille – na ithibh fiù 's còmhla ri a leithid seo.

1 Corintianach 6:10

no mèirlich, no luchd‑sannta, no misgeirean, no luchd‑cùl‑chàinidh, no luchd‑foille, rìoghachd Dhè.

2 Corintianach 4:9

air ar geur‑leanmhainn, ach gun a bhith air ar trèigsinn; air ar leagail sìos, ach gun a bhith air ar sgrios;

Ephèsianach 5:3

Ach na biodh strìopachas no neòghlaine sam bith no sannt fiù 's air ainmeachadh nur measg, mar a tha freagarrach am measg nan naomh;

Ephèsianach 5:5

Oir tha fios agaibh air a seo, nach eil aig neach‑strìopachais sam bith, no aig neach‑neòghlan no aig neach‑sanntach (a tha na iodhal‑adhradair), oighreachd ann an rìoghachd Chrìosd is Dhè.

Colosianach 3:5

Mar sin cuiribh gu bàs na tha talmhaidh nur cuirp: feise mhì‑mhoralta, neòghlaine, boile, miann uilc, sannt, a tha na iodhal‑adhradh.

1 Timòteus 3:3

gun a bhith na dhrungair, gun a bhith droch‑nàdarrach, ach caomh, sìtheil, gun ghaol an airgid,

2 Peadar 2:14

Tha an sùilean làn miann a' bhan‑adhaltranaich agus chan eil iad a' sgur de pheacadh, a' mealladh anman neo‑shuidhichte, is an cridhe air a thrèanadh ann an sannt, clann na mallachd!

2 Peadar 2:3

Agus ann an ana‑miann le faclan innleachdach, gabhaidh iad brath oirbh; chan eil am breitheanas acasan o shean dìomhain, agus cha dèan an sgrios aca cadal.

Iùdas 1:11

Is mairg dhaibh! Oir chaidh iad air slighe Chàin, agus ruith iad gu luath ann an seachran dhuais Bhalaaim, agus chaidh an sgrios ann an ana‑cainnt Chorah.