Eabhraidhich 13:16 - An Tiomnadh Nuadh anns an Eadar-Theangachadh Ùr Gàidhlig 2017

¹⁶ Na dìochuimhnichibh math agus co‑roinn a dhèanamh, oir tha Dia fìor thoilichte le ìobairtean mar seo.

Am Bìoball Gàidhlig 1992

¹⁶ Ach na dìochuimhnichibh math a dhèanamh, agus co‑roinn a thoirt uaibh: oir tha an leithidean sin de ìobairtean taitneach do Dhia.

Am Bìoball Iomraidh Gàidhlig 1880 1992

¹⁶ Ach na dìochuimhnichibh math a dhèanamh, agus co‑roinn a thoirt uaibh: oir tha an leithidean sin de ìobairtean taitneach do Dhia.

Tiomnadh Nuadh (MacEachen) 1875

¹⁶ Ach na diochuimhnichibh math a dhianamh, us buileachadh air a cheile: oir le iobairtean mar so coisnear deagh thoil Dhe.

Eabhraidhich 13:16 Iomraidhean Croise

Lùcas 18:22

Nuair a chuala Ìosa seo, thuirt e ris, “Tha aon rud fhathast a dhìth ort. Reic a h‑uile rud a th' agad agus dèan roinn air am measg nam bochdan agus bidh ionmhas agad ann an nèamh, agus trobhad 's lean mise.”

Gnìomharan 10:38

mar a dh'ung Dia Ìosa o Nàsaret leis an Spiorad Naomh is le cumhachd, agus mar a chaidh e mun cuairt a' dèanamh maith agus gan slànachadh‑san uile a bh' air an claoidh leis an diabhal, oir bha Dia còmhla ris.

Gnìomharan 9:36

A‑nis ann an Iopa bha bana‑dheisciobal dham b' ainm Tabita, a tha, air eadar‑theangachadh, a' ciallachadh Dorcas. Bha ise làn de dheagh obraichean is de ghnìomhan carthannais a bha i a' dèanamh gun sgur.

Ròmanaich 12:13

Cuidichibh le feumalachdan nan naomh agus thoiribh aoigheachd.

Galàtianach 6:10

Mar sin, fhad 's a tha an cothrom againn, dèanamaid math dhan a h‑uile duine, agus gu h‑àraidh dhaibhsan a tha de theaghlach a' chreideimh.

Galàtianach 6:6

Agus dèanadh gach neach a th' air a theagasg san fhacal, co‑roinn leis an neach a tha ga theagasg, sa h‑uile rud math.

Ephèsianach 4:28

Esan a tha a' goid, na goideadh e tuilleadh, ach an àite sin dèanadh e saothair, ag obrachadh an rud a tha math le a làmhan, airson 's gum bi rud aige ri bhuileachadh air an neach air a bheil dìth.

Philipianach 4:14

A dh'aindeoin sin, is math a rinn sibh compàirteachadh leam nam thrioblaid.

Philipianach 4:18

Ach tha mise air a h‑uile sìon a shealbhachadh 's tha pailteas agam; chaidh mo lìonadh às dèidh dhomh faighinn – o Epaphrodìtus – na chuir sibhse thugam: fàileadh cùbhraidh, ìobairt iomchaidh, fìor thlachdmhor do Dhia.

1 Tesalònianaich 5:15

Bithibh faiceallach nach pàigh sibh air ais peacadh airson peacaidh do neach sam bith, ach iarraibh an‑còmhnaidh am math, an dà chuid do chàch‑a‑chèile 's dha na h‑uile.

2 Tesalònianaich 3:13

Ach sibhse a bhràithrean, na caillibh ur misneachd ann a bhith a' dèanamh maith.

1 Timòteus 6:18

gus math a dhèanamh, gus a bhith pailt ann an obraichean mhatha, gus a bhith fialaidh, deiseil gu bhith a' compàirteachadh.

Philemoin 1:6

airson 's gum bi co‑chomann do chreideimh èifeachdach ann a bhith ag aideachadh a h‑uile rud math a th' againn ann an Crìosd.

Eabhraidhich 6:10

Oir chan eil Dia cho neo‑fhìreanta 's gun dìochuimhnicheadh e ur saothair agus an gràdh a sheall sibh dha ainm, mar a rinn sibh frithealadh agus mar a tha sibh fhathast a' frithealadh dha na naoimh.

3 Eòin 1:11

Fhir ghràdhaichte, na dèan atharrais air na tha olc, ach air na tha math. Tha esan a tha a' dèanamh maith o Dhia; chan fhaca esan a tha a' dèanamh an uilc Dia.