Eabhraidhich 12:9 - An Tiomnadh Nuadh anns an Eadar-Theangachadh Ùr Gàidhlig 2017

⁹ A bharrachd air a sin, bha athraichean feòlmhor againn a rinn smachdachadh oirnn, agus thug sinn urram dhaibh, nach motha na sin a bu chòir dhuinn a bhith umhail do dh'Athair nan spioradan agus a bhith beò?

Am Bìoball Gàidhlig 1992

⁹ Os bàrr, bha againn athraichean a‑thaobh na feòla, a smachdaich sinn, agus thug sinn urram dhaibh: nach mò gu mòr is còir dhuinn a bhith umhail do Athair nan spiorad, agus a bhith beò?

Am Bìoball Iomraidh Gàidhlig 1880 1992

⁹ Os bàrr, bha againn athraichean a‑thaobh na feòla, a smachdaich sinn, agus thug sinn urram dhaibh: nach mò gu mòr is còir dhuinn a bhith umhail do Athair nan spiorad, agus a bhith beò?

Laoidhean o na Sgriobtaran Naomha 1987

⁹ Chì sinn mar seo gur toigh leis sinn, tràth smachdaichear sinn leis, 'S nach leig e uaith air seachran sinn, gun suim air bith dar leas.

Tiomnadh Nuadh (MacEachen) 1875

⁹ A bharrachd air sin bha aithrichean againn a thaobh na feola mar luchd-ionnsachaidh, ʼs thug sinn athadh dhaibh: nach mor nas mua na sin tha againn ri bhith umhail do Athair nan spiorad, ʼsa bhith beo?

Eabhraidhich 12:9 Iomraidhean Croise

Lùcas 18:2

Thuirt e, “Ann am baile sònraichte bha britheamh, air nach robh eagal Dhè 's nach robh a' toirt urraim do dhuine.

Lùcas 18:4

“Airson ùine dhiùlt e, ach mu dheireadh thall thuirt e, ‘Ged nach eil eagal Dhè orm 's nach eil mi a' toirt urraim do dhuine,

Eòin 3:6

An rud a th' air a bhreith on fheòil, is e feòil a th' ann, agus an rud a th' air a bhreith on Spiorad, is e spiorad a th' ann.

Gnìomharan 2:30

Agus, mar sin, a chionn 's gum b' e fàidh a bh' ann agus e fiosrach gun robh Dia air bòideachadh le mionnan dha gun suidhicheadh e aon dhe a shliochd air a rìgh‑chathair‑san,

Ròmanaich 1:3

mu dheidhinn a Mhic, a bha de shìol Dhaibhidh a rèir na feòla

Ròmanaich 9:3

Oir dh'fhaodainn miannachadh gum bithinn fhèin mallaichte 's air mo ghearradh às o Chrìosd air sgàth mo bhràithrean, mo luchd‑dàimh a rèir na feòla,

Ròmanaich 9:5

Dhaibhsan buinidh na prìomh‑athraichean, agus uapasan, a rèir na feòla, tha an Crìosd a tha os cionn gach nì, beannaichte le Dia gu sìorraidh. Amen.

Seumas 4:10

Irioslaichibh sib' fhèin an làthair an Tighearna, agus àrdaichidh esan sibh.

Seumas 4:7

Ùmhlaichibh sib' fhèin mar sin do Dhia. Seasaibh an aghaidh an diabhail, agus teichidh e uaibh.

1 Peadar 5:6

Bithibh air ur n‑irioslachadh, mar sin, fo làimh chumhachdaich Dhè, gus an àrdaich esan sibh aig an àm cheart,

Taisbeanadh 22:6

Agus thuirt e rium, “Tha na faclan seo dìleas is fìor, agus chuir an Tighearna, Dia spioradan nam fàidhean, an t‑aingeal aige a shealltainn dha sheirbheisich na dh'fheumas tachairt a dh'aithghearr.”