Eabhraidhich 10:22 - An Tiomnadh Nuadh anns an Eadar-Theangachadh Ùr Gàidhlig 2017

²² rachamaid dlùth le cridhe fìor, ann an làn earbsa a' chreideimh le cridheachan air an crath‑ghlanadh o dhroch chogais, agus ar cuirp air an nighe le uisge glan.

Am Bìoball Gàidhlig 1992

²² Thigeamaid am fagas le cridhe fìor, ann an làn dearbhachd a’ chreidimh, le ar cridheachan air an crath-ghlanadh o dhroch cogais, agus le ar cuirp air an nighe le uisge glan.

Am Bìoball Iomraidh Gàidhlig 1880 1992

²² Thigeamaid am fagas le cridhe fìor, ann an làn dearbhachd a’ chreidimh, le ar cridheachan air an crath‐ghlanadh o dhroch cogais, agus le ar cuirp air an nighe le uisge glan.

Tiomnadh Nuadh (MacEachen) 1875

²² Thigemid faisg le cridhe firinneach ann an lanachd creidimh le ar cridheachan nighte bho dhroch chogais, ʼs ar coluinnean air an ionnlad le uisge glan,

Eabhraidhich 10:22 Iomraidhean Croise

Mata 3:11

“Tha mise gur baisteadh le uisge airson aithreachais, ach tha esan a tha a' tighinn às mo dhèidh nas cumhachdaiche na mise, agus chan airidh mise air a chuarain a ghiùlain. Baistidh esan sibh leis an Spiorad Naomh agus le teine.

Lùcas 1:1

A chionn 's gu bheil mòran air gabhail os làimh cunntas a chur ri chèile mu na rudan a chaidh a choileanadh nar measg‑ne,

Eòin 3:5

Fhreagair Ìosa, “Gu deimhinn, deimhinn tha mi ag ràdh riut, mura bi neach air a bhreith o uisge agus on Spiorad chan urrainn dha a dhol a‑steach do rìoghachd Dhè.

Eòin 8:9

Ach nuair a chuala iadsan seo, chaidh iad a‑mach aon às dèidh aoin, a' tòiseachadh leis an fheadhainn a bu shine, agus chaidh Ìosa fhàgail na aonar, agus am boireannach na seasamh anns a' mheadhan.

Gnìomharan 22:16

Agus a‑nis carson a tha thu a' feitheamh? Èirich agus bi air do bhaisteadh agus nigh air falbh do pheacaidhean, a' gairm air ainm‑san.’

Gnìomharan 8:21

Chan eil pàirt no roinn agad sa ghnothach seo, oir chan eil do chridhe ceart mu choinneamh Dhè.

1 Corintianach 6:11

Agus bha cuid agaibhse mar sin. Ach chaidh ur nighe, chaidh ur naomhachadh, chaidh ur fìreanachadh ann an ainm an Tighearna Ìosa Crìosd agus le Spiorad ar Dè‑ne.

2 Corintianach 7:1

Mar sin, le na geallaidhean seo againn, a mhuinntir mo ghràidh, glanamaid sinn fhèin o gach uile thruailleadh feòla is spioraid, a' coileanadh naomhachd ann an eagal Dhè.

Ephèsianach 3:12

anns a bheil dànachd is slighe chinnteach a‑steach againn tro chreideamh annsan.

Ephèsianach 5:26

airson 's gum faodadh e a naomhachadh, às dèidh dha a nighe le glanadh an uisge tron fhacal,

Ephèsianach 6:5

A sheirbheiseacha, bithibh umhail dhur maighstirean a rèir na feòla, le eagal is ball‑chrith ann an sìmplidheachd ur cridhe, mar do Chrìosd;

1 Timòteus 4:2

ann an cealgaireachd ag innse bhreugan, 's an cogaisean fhèin air an losgadh le iarann teth,

Tìtus 3:5

shàbhail e sinn chan ann tro obraichean ceartais a rinn sinn, ach a rèir a thròcaire fhèin, tro ghlanadh an ath‑ghineamhainn is tro ath‑nuadhachadh an Spioraid Naoimh,

Eabhraidhich 10:1

Oir tha sgàil nan rudan matha a tha ri thighinn anns an lagh – chan e fìor‑chumadh nan rudan sin fhèin. Oir leis na h‑aon ìobairtean a tha iad a' tairgsinn an‑còmhnaidh a h‑uile bliadhna, chan eil e comasach an fheadhainn a tha an làthair a dhèanamh foirfe.

Eabhraidhich 10:19

Mar sin, a bhràithrean, on a tha dànachd againn gus a dhol a‑steach dhan àite naomh tro fhuil Ìosa,

Eabhraidhich 11:28

Tro chreideamh, ghlèidh e a' Chàisg agus dòrtadh na fala, airson 's nach beanadh am fear a bha a' sgrios nan ciad‑ghin riutha.

Eabhraidhich 12:24

agus Ìosa, eadar‑mheadhanair a' chùmhnaint nuaidh, agus fuil a' chrathaidh a tha ag ràdh rudan nas fheàrr na fuil Abeil.

Eabhraidhich 4:16

Bu chòir dhuinn tighinn ma‑thà le dànachd gu rìgh‑chathair nan gràs, airson 's gun tèid tròcair a thoirt dhuinn agus gum faigh sinn gràs airson cuideachaidh tràthail.

Eabhraidhich 6:11

Tha miann againn gun seall gach neach agaibh an dearbh èasgaidheachd mu choileanadh ur dòchais chun an deiridh,

Eabhraidhich 7:19

(oir cha tug an lagh sìon gu foirfeachd), ach air an làimh eile tha dòchas nas fheàrr air a thoirt a‑steach, tron tig sinn nas dlùithe do Dhia.

Eabhraidhich 9:10

Chan eil annta ach riaghailtean feòlmhora a chaidh àithne gu àm an leasachaidh aca.

Eabhraidhich 9:19

Bhruidhinn Maois ris an t‑sluagh gu lèir mun a h‑uile àithne a rèir an lagha, thug e thuige fuil laogh is ghobhar le uisge agus clòimh dhearg is hiosop agus chrath e an dà chuid, air an leabhar fhèin 's air an t‑sluagh,

Seumas 1:6

Ach faighnicheadh e ann an creideamh, gun teagamh, oir tha an teagmhaiche coltach ri tonn na mara, air a shèideadh leis a' ghaoith agus air a luasgadh a‑null 's a‑nall.

Seumas 4:8

Dlùthaichibh ri Dia, agus dlùthaichidh esan ribhse. Glanaibh ur làmhan, a pheacaich, agus fìor‑ghlanaibh ur cridheachan, sibhse a tha dà‑bhairaileach.

1 Peadar 1:2

a rèir ro‑eòlais Dhè an Athar, ann an naomhachadh an Spioraid, airson ùmhlachd is crathadh fuil Ìosa Crìosd. Gràs dhuibh, agus gum biodh sìth air a meudachadh dhuibh.

1 Peadar 3:21

Tha am baisteadh, a tha na choileanaidh air a seo, a‑nis a' sàbhaladh, chan ann le salchar a thoirt on chorp, ach le freagairt an deagh chogais mu choinneamh Dhè, tro aiseirigh Ìosa Crìosd,

Taisbeanadh 1:5

Agus o Ìosa Crìosd, an fhianais dìleas, an ciad‑ghin o na mairbh, agus riaghladair rìghrean na talmhainn. Dhàsan a tha gar gràdhachadh agus a shaor sinn o ar peacaidhean le fhuil fhèin,