Eabhraidhich 1:8 - An Tiomnadh Nuadh anns an Eadar-Theangachadh Ùr Gàidhlig 2017

⁸ Ach mun Mhac: “Tha do rìgh‑chathair, a Dhè, gu saoghal nan saoghal, slat‑rìoghail a' cheartais, slat‑rìoghail do rìoghachd‑sa.

Am Bìoball Gàidhlig 1992

⁸ Ach ris a’ Mhac tha e ag ràdh, Tha do rìgh-chathair, a Dhè, gu saoghal nan saoghal; is slat-rìoghail ro‑chothromach slat do rìoghachd-sa:

Am Bìoball Iomraidh Gàidhlig 1880 1992

⁸ Ach ris a’ Mhac tha e ag ràdh, Tha do rìgh‐chathair, a Dhè, gu saoghal nan saoghal; is slat‐rìoghail ro‑chothromach slat do rìoghachd‐sa:

Tiomnadh Nuadh (MacEachen) 1875

⁸ Ach ri Mhac: Tha do chathair, a Dhia, gu linn nan linn; slat a cheartais, si slat-rioghail do rioghachd-sa.

Eabhraidhich 1:8 Iomraidhean Croise

Mata 1:23

“Seallaibh, bidh an òigh torrach agus beiridh i mac, agus gabhaidh iad Emanuel air” (a tha a' ciallachadh, ‘Dia còmhla rinn’).

Lùcas 1:75

ann an naomhachd is ann am fìreantachd ma choinneamh fad ar làithean.

Eòin 10:30

Mise agus an t‑Athair, is aon sinn.”

Eòin 10:33

Fhreagair na h‑Iùdhaich e, “Chan ann airson obair mhath a tha sinn a' dol gad chlachadh, ach airson toibheim, a chionn 's gu bheil thusa, nach eil ach nad dhuine, a' dèanamh Dia dhìot fhèin.”

Eòin 20:28

Fhreagair Tòmas e, “Mo Thighearna agus mo Dhia.”

Ròmanaich 9:5

Dhaibhsan buinidh na prìomh‑athraichean, agus uapasan, a rèir na feòla, tha an Crìosd a tha os cionn gach nì, beannaichte le Dia gu sìorraidh. Amen.

1 Corintianach 15:25

Oir feumaidh esan riaghladh gus an cuir e a nàimhdean gu lèir fo a chasan.

1 Timòteus 3:16

Agus feumaidh e a bhith air aideachadh gur mòr dìomhaireachd na diadhaidheachd: a bh' air fhoillseachadh san fheòil, air a dhearbhadh fìreanta leis an Spiorad, air fhaicinn le ainglean, air a shearmonachadh am measg nan Cinneach, a chaidh creidsinn ann anns an t‑saoghal, 's a bha air a thogail suas ann an glòir.

2 Peadar 1:11

Oir mar sin thèid slighe a‑steach do rìoghachd shìorraidh ar Tighearna 's ar Slànaigheir Ìosa Crìosd, a sholarachadh dhuinn gu saidhbhir.

1 Eòin 5:20

Agus tha fios againn gun tàinig Mac Dhè agus gun tug e dhuinne tuigse airson 's gum bi eòlas againn airsan a tha fìor, agus tha sinne annsan a tha fìor, na Mhac, Ìosa Crìosd. Is esan an Dia fìor agus a' bheatha shìorraidh.