Colosianach 1:5 - An Tiomnadh Nuadh anns an Eadar-Theangachadh Ùr Gàidhlig 2017

⁵ air sgàth an dòchais a th' air a thasgadh air ur son air nèamh, mun cuala sibh iomradh roimhe ann am facal fìrinn an t‑soisgeil

Am Bìoball Gàidhlig 1992

⁵ Airson an dòchais a tha air a thasgadh fa ur comhair air nèamh, air an cuala sibh iomradh roimhe ann am facal fìrinn an t‑soisgeil:

Am Bìoball Iomraidh Gàidhlig 1880 1992

⁵ Airson an dòchais a tha air a thasgadh fa ur comhair air nèamh, air an cuala sibh iomradh roimhe ann am facal fìrinn an t‑soisgeil:

Ann An Gàidhlig an Latha An-diugh 1986

⁵ Tha ur creideamh agus ur gràdh ag èirigh as an dòchas chinnteach a th'agaibh, agus an duais a tha air a gleidheadh dhuibh ann an nèamh. Chuala sibh mu dheidhinn seo an toiseach nuair a thàinig an Soisgeul, naidheachd na fìrinn, dhur n‑ionnsaigh.

Tiomnadh Nuadh (MacEachen) 1875

⁵ Air son an dochais a tha feitheamh oirbh ann am flathanas, mu ʼn cuala sibh bho fhacal na firinne san t-soisgeul,

Colosianach 1:5 Iomraidhean Croise

Lùcas 12:33

Reicibh ur seilbh agus thugaibh dèirc. Dèanaibh dhuib' fhèin sporain nach fàs sean, le ionmhas nach teirig anns na nèamhan, far nach tig mèirleach faisg agus nach sgrios an leòmann.

Gnìomharan 10:36

Chuir e am facal gu clann Israeil, a' searmonachadh deagh sgeul na sìthe tro Ìosa Crìosd, as e Tighearna nan uile.

Gnìomharan 13:26

“A bhràithrean, a chlann cinneach Abrahàim, agus iadsan nur measg air a bheil eagal Dhè, thugainne chaidh teachdaireachd na slàinte seo a chur.

Gnìomharan 23:6

A‑nis nuair a thuig Pòl gun robh aon chuid dhiubh nan Sadusaich agus a' chuid eile nam Pharasaich, dh'èigh e a‑mach dhan Chomhairle, “A bhràithrean, tha mise nam Pharasach, nam mhac Pharasaich. Is ann air sgàth dòchais agus aiseirigh o na mairbh a tha mi fo dheuchainn.”

Gnìomharan 24:15

le dòchas ann an Dia, a tha na daoine seo iad fhèin a' gabhail ris, gum bi aiseirigh ann, an dà chuid dhe na fìreanan is dhe na neo‑fhìreanan.

Ròmanaich 10:8

Ach dè a tha i ag ràdh? “Tha am facal faisg ort, nad bheul agus nad chridhe.” (Is e sin facal a' chreideimh a tha sinne a' cur an cèill).

1 Corintianach 13:13

Ach a‑nis fanaidh creideamh, dòchas, gaol, na trì rudan seo; ach is e an gaol as motha dhiubh seo.

1 Corintianach 15:19

Mas ann sa bheatha seo a‑mhàin a tha dòchas againn ann an Crìosd, tha sinn nas airidh air truas na daoine sam bith.

2 Corintianach 5:19

mar a bha Dia, ann an Crìosd, a' dèanamh an t‑saoghail rèidh ris fhèin, gun a bhith a' cunntadh am peacaidhean nan aghaidh, agus dh'earb e rinne facal na rèite.

2 Corintianach 6:7

ann am facal na fìrinne, ann an cumhachd Dhè, le airm na fìreantachd air an làimh dheis is chlì;

Galàtianach 2:14

Ach nuair a chunnaic mise nach robh iad a' coiseachd gu dìreach a rèir fìrinn an t‑soisgeil, thuirt mi ri Cèphas, mun coinneamh uile, “Ma tha thusa, a tha nad Iùdhach, beò mar a tha na Cinnich 's nach ann mar a tha na h‑Iùdhaich, ciamar a tha thu a' toirt air na Cinnich a bhith beò mar Iùdhaich?

Galàtianach 2:5

dhaibhsan cha do ghèill sinn ann an ùmhlachd fiù 's airson mòmaid, airson 's gum fanadh fìrinn an t‑soisgeil còmhla ribhse.

Galàtianach 5:5

Oir tha sinne tron Spiorad, tro chreideamh, a' feitheamh air dòchas fìreantachd.

Ephèsianach 1:13

Annsan tha sibhse cuideachd, às dèidh dhuibh èisteachd ri facal na fìrinn, soisgeul ur sàbhalaidh, agus às dèidh dhuibh creidsinn ann, chaidh ur seuladh le Spiorad Naomh a' gheallaidh,

Ephèsianach 4:21

ma chuala sibh dha‑rìribh e is gun deach ur teagasg leis, mar a tha an fhìrinn ann an Ìosa,

Colosianach 1:23

ma dh'fhanas sibh dha‑rìribh sa chreideamh, stèidhichte is daingeann, agus gun a bhith air ur gluasad o dhòchas an t‑soisgeil a chuala sibh, a chaidh a shearmonachadh dhan chruthachadh gu lèir fo nèamh, air an deach mise, Pòl, mo dhèanamh nam mhinistear.

Colosianach 1:27

dhan do rùnaich Dia a dhèanamh aithnichte am measg nan Cinneach dè a th' ann am beairteas glòir na dìomhaireachd seo, is e Crìosd annaibhse, dòchas na glòire.

Colosianach 3:16

Leigibh le facal Dhè còmhnaidh a ghabhail annaibh gu saidhbhir, leis a h‑uile gliocas a' teagasg 's a' comhairleachadh a chèile le sailm is le laoidhean is le òrain spioradail, a' seinn le taingealachd nur cridheachan do Dhia.

1 Tesalònianaich 2:13

Agus air sgàth seo tha sinne cuideachd a' toirt taing do Dhia gun sgur, nuair a fhuair sibh facal Dhè uainne, gun do ghabh sibh ris, cha b' ann mar fhacal dhaoine, ach mar a tha e dha‑rìribh, facal Dhè, a tha ag obair annaibhse cuideachd a tha a' creidsinn.

2 Tesalònianaich 2:16

A‑nis, ar Tighearna fhèin, Ìosa Crìosd, agus Dia ar n‑Athair, a ghràdhaich sinn agus a thug cofhurtachd shìorraidh is dòchas math dhuinn tro ghràs,

1 Timòteus 1:15

Tha am facal seo dìleas agus airidh air gabhail ris anns a h‑uile dòigh, gun tàinig Crìosd Ìosa dhan t‑saoghal gus peacaich a shàbhaladh, 's mise am prìomh fhear dhiubh.

2 Timòteus 4:8

Mu dheireadh tha crùn fìreantachd air a thasgadh suas dhomh, a bheir an Tighearna, am breitheamh fìreanta, dhomh san latha sin agus chan ann a‑mhàin dhòmhsa ach cuideachd dhaibhsan uile a ghràdhaich a thighinn‑san.

Tìtus 1:2

ann an dòchas na beatha shìorraidh a gheall Dia, nach dèan breug, ro linntean tìme,

Eabhraidhich 7:19

(oir cha tug an lagh sìon gu foirfeachd), ach air an làimh eile tha dòchas nas fheàrr air a thoirt a‑steach, tron tig sinn nas dlùithe do Dhia.

1 Peadar 2:2

Mar naoidheanan air an ùr‑bhreith, miannaichibh bainne spioradail fìor‑ghlan, gus am fàs sibh ann an sàbhalaidh leis,

1 Peadar 3:15

Ach naomhaichibh an Tighearna Crìosd nur cridheachan, an‑còmhnaidh deiseal airson freagairt a thoirt dhan a h‑uile neach a dh'iarras cunntas oirbh mun dòchas a th' annaibh,

2 Peadar 1:12

Air an adhbhar sin, tha dùil agam an‑còmhnaidh na rudan seo a chur nur cuimhne, eadhon ged a tha eòlas agaibh orra agus sibh air ur suidheachadh san fhìrinn a tha an làthair.

1 Eòin 3:3

Tha gach neach aig a bheil an dòchas seo annsan ga fhìor‑ghlanadh fhèin, dìreach mar a tha esan fìorghlan.