2 Corintianach 11:21 - An Tiomnadh Nuadh anns an Eadar-Theangachadh Ùr Gàidhlig 2017

²¹ Mo nàire, feumaidh mi a ràdh gu bheil sinne cuideachd air a bhith lag. Ach, ge b' e dè an seagh sa bheil neach sam bith eile dàna – tha mi a' bruidhinn gu h‑amaideach – tha mise a cheart cho dàna cuideachd.

Am Bìoball Gàidhlig 1992

²¹ Tha mi a’ labhairt a‑thaobh eas-urraim, mar gum bitheamaid anfhann: ach, ge bè nì anns a bheil neach air bith dàn (tha mi a’ labhairt gu h‑amaideach), tha mise dàn ann mar an ceudna.

Am Bìoball Iomraidh Gàidhlig 1880 1992

²¹ Tha mi a’ labhairt a‑thaobh eas‐urraim, mar gum bitheamaid anfhann: ach, ge bè nì anns a bheil neach air bith dàn (tha mi a’ labhairt gu h‑amaideach), tha mise dàn ann mar an ceudna.

Tiomnadh Nuadh (MacEachen) 1875

²¹ Tha mi labhairt a reir as-onair, mar gum bithemid lag sa chàs so. Far a bheil aon sa bith dana (tha mi labhairt gu h-amaideach) tha mise dana cuideachd:

2 Corintianach 11:21 Iomraidhean Croise

2 Corintianach 10:10

Oir tha iad ag ràdh, “Tha a litrichean trom agus làidir, ach tha a làthaireachd phearsanta lag agus a chainnt suarach.”

2 Corintianach 11:1

B' fheàrr leam gum fulaingeadh sibh beagan amaideachd uam, ach dha‑rìribh tha sibh a' fulang leam.

2 Corintianach 11:17

Na tha mi ag ràdh, chan eil mi ag ràdh mar an Tighearna, ach mar ann an amaideachd sa chinnt bòstaidh seo.

2 Corintianach 13:10

'S ann air an adhbhar sin a sgrìobh mi na rudan seo às ur làthair, airson 's nuair a bhios mi an làthair nach dèan mi làimhseachadh garbh oirbh, a rèir an ùghdarrais a thug an Tighearna dhomh airson ur togail suas agus chan ann airson ur leagail sìos.

2 Corintianach 6:8

tro urram agus eas‑urram, tro mhì‑chliù agus dheagh‑chliù; air ar faicinn mar mhealltairean, ach fìrinneach;