1 Timòteus 5:4 - An Tiomnadh Nuadh anns an Eadar-Theangachadh Ùr Gàidhlig 2017

⁴ Ach ma tha banntraichean sam bith ann aig a bheil clann no oghaichean, ionnsaicheadh iad an toiseach diadhaidheachd a shealltainn dhan taigh fhèin agus ath‑phàigheadh a dhèanamh do phàrantan; oir tha seo taitneach ann an sealladh Dhè.

Am Bìoball Gàidhlig 1992

⁴ Ach ma tha bantrach air bith aig a bheil clann, no oghachan, fòghlamadh iad air tùs a bhith dleasdanach nan taighean fhèin, agus ath-dhìol a thoirt dam pàrantan: oir tha seo math agus taitneach ann am fianais Dhè.

Am Bìoball Iomraidh Gàidhlig 1880 1992

⁴ Ach ma tha bantrach air bith aig a bheil clann, no oghachan, fòghlamadh iad air tùs a bhith dleasdanach nan taighean fhèin, agus ath‐dhìol a thoirt dam pàrantan: oir tha seo math agus taitneach ann am fianais Dhè.

Tiomnadh Nuadh (MacEachen) 1875

⁴ Ach ma tha clann no oghachan aig bantraich air bith, ionnsuicheadh i an toiseach a tigh fhein a riaghladh, agus a dleasnas a dhianamh ri ʼparantan: oir tha so taitneach an lathair Dhe.

1 Timòteus 5:4 Iomraidhean Croise

1 Timòteus 2:3

Tha seo math agus taitneach mu choinneamh ar Slànaigheir, Dia,

Lùcas 2:51

Agus chaidh e sìos còmhla riutha is thàinig e gu Nàsaret agus bha e umhail dhaibh. Ach ghlèidh a mhàthair na rudan sin uile na cridhe.

1 Timòteus 5:16

Ma tha càirdean a tha nam banntraichean aig tè‑chreidmheach sam bith, cuidicheadh i iad agus na biodh iad nan uallach dhan eaglais, airson 's gun toir ise taic dhaibhsan a tha dha‑rìribh nam banntraichean.

Tìtus 1:11

Tha e riatanach an cur nan tost oir tha iad a' tionndadh thaighean iomlan bun‑os‑cionn, a' teagasg rudan nach bu chòir dhaibh, airson buannachd shuaraich.