1 Timòteus 1:17 - An Tiomnadh Nuadh anns an Eadar-Theangachadh Ùr Gàidhlig 2017

¹⁷ A‑nis, do Rìgh nan linntean, neo‑bhàsmhor, neo‑fhaicsinneach, an t‑aon Dia, gu robh urram agus glòir gu saoghal nan saoghal. Amen.

Am Bìoball Gàidhlig 1992

¹⁷ A‑nis don Rìgh shìorraidh, neo-thruaillidh, neo-fhaicsinneach, do Dhia a tha a‑mhàin glic, gu robh urram agus glòir, gu saoghal nan saoghal. Amen.

Am Bìoball Iomraidh Gàidhlig 1880 1992

¹⁷ A‑nis don Rìgh shìorraidh, neo‐thruaillidh, neo‐fhaicsinneach, do Dhia a tha a‑mhàin glic, gu robh urram agus glòir, gu saoghal nan saoghal. Amen.

Tiomnadh Nuadh (MacEachen) 1875

¹⁷ A nis do righ nan linn, neo-bhàsmhor, neo-fhaicinneach, an t-aon Dia, gun robh onair agus gloir a chaoidh nan caoidh. Amen.

1 Timòteus 1:17 Iomraidhean Croise

Mata 25:34

“An uair sin canaidh an Rìgh riuthasan air a làimh dheis, ‘Thigibh, sibhse a tha beannaichte lem Athair‑sa, sealbhaichibh mar oighreachd an rìoghachd a th' air a deasachadh dhuibh o bhunait an t‑saoghail.

Mata 28:20

a' teagasg dhaibh a bhith a' cumail a h‑uile rud a dh'àithn mise dhuibh. Agus seall, tha mise còmhla ribh an‑còmhnaidh, gu deireadh na linne.”

Mata 6:13

Agus na treòraich sinn a‑steach do bhuaireadh, ach saor sinn on olc.’

Eòin 1:18

Chan fhaca neach sam bith Dia riamh, ach rinn Dia an t‑Aonghin Mic, a tha ann an com an Athar, follaiseach e.

Eòin 5:44

Ciamar as urrainn dhuibhse creidsinn, a tha a' gabhail urraim o chèile, ach nach eil ag iarraidh an urraim a thig on aon Dia?

Ròmanaich 1:20

Oir riamh o chruthachadh an t‑saoghail tha na feartan neo‑fhaicsinneach aige – 's e sin, a chumhachd sìorraidh 's a nàdar diadhaidh – air a bhith air an toirt fa‑near gu soilleir, anns na rudan a chaidh a dhèanamh. Tha sin a' fàgail gu bheil iad gun leisgeil.

Ròmanaich 1:23

agus dh'atharraich iad glòir an Dè neo‑bhàsmhoir airson ìomhaighean coltach ris an duine bhàsmhor agus eòin is beathaichean is snàgairean.

Ròmanaich 11:36

Oir is ann uaithesan is troimhesan is dhàsan a tha a h‑uile sìon. Dhàsan gu robh glòir gu sìorraidh. Amen.

Ròmanaich 16:27

do Dhia a tha a‑mhàin glic, gu robh glòir tro Ìosa Crìosd gu sìorraidh. Amen.

Ròmanaich 2:10

ach glòir is urram is sìth dhan a h‑uile neach a nì math, dhan Iùdhach an toiseach agus cuideachd dhan Ghreugach,

Ròmanaich 2:7

dhaibhsan a tha le leanaltas ann an obair mhath a' sireadh glòir is urram is neo‑bhàsmhorachd, bheir e a bheatha shìorraidh;

Colosianach 1:15

Is esan ìomhaigh an Dè neo‑fhaicsinnich, ciad‑ghin a' chruthachaidh gu lèir.

Eabhraidhich 11:27

Tro chreideamh, dh'fhàg e an Èipheit gun eagal air ro fhearg an rìgh; oir lean e air mar gun robh e a' faicinn an Aoin a bha neo‑fhaicsinneach.

Eabhraidhich 2:7

Rinn thu e beagan na b' ìsle na na h‑ainglean airson greis, chrùn thu e le glòir is onair,

1 Peadar 5:11

Dhàsan gu robh cumhachd fad saoghal nan saoghal. Amen.

2 Peadar 3:18

Ach fàsaibh ann an gràs is eòlas ar Tighearna 's ar Slànaigheir Ìosa Crìosd. Dhàsan gu robh glòir, a‑nis agus gu sìorraidh. Amen.

1 Eòin 4:12

Chan fhaca neach sam bith Dia riamh; ach ma tha gràdh againne air càch‑a‑chèile, tha Dia a' fantainn annainne agus tha a ghràdh‑san air a choileanadh annainn.

Iùdas 1:25

an aon Dia, ar Slànaighear, tro Ìosa Crìosd ar Tighearna – gu robh glòir, mòralachd, cumhachd is ùghdarras, ro na linntean, agus a‑nis, agus gu sìorraidh! Amen.

Taisbeanadh 15:3

Agus tha iad a' seinn òran Mhaois, seirbheiseach Dhè, agus òran an Uain, ag ràdh: “Mòr is iongantach tha d' obraichean a Thighearna Dhè, an t‑Uile‑Chumhachdach. Tha thu fìreanta is ceart nad shlighean, Rìgh nan nàisean.

Taisbeanadh 17:14

Nì iad seo cogadh an aghaidh an Uain, agus bheir an t‑Uan buaidh orra, oir is esan Tighearna nan tighearnan agus Rìgh nan rìghrean, agus tha iadsan a tha leis air an gairm, agus air an taghadh agus dìleas.”

Taisbeanadh 19:1

Às dèidh nan rudan seo chuala mi, mar gum biodh, guth àrd sluaigh mhòir air nèamh, ag ràdh: “Haleluia! Buinidh slàinte is glòir is cumhachd dhar Dia.

Taisbeanadh 19:16

Agus air aodach‑san agus air a shliasaid bha ainm air a sgrìobhadh: RÌGH NAN RÌGHREAN AGUS TIGHEARNA NAN TIGHEARNAN.

Taisbeanadh 19:6

Agus chuala mi, mar gum biodh, fuaim sluagh mòr agus, mar gum biodh, fuaim mhòran uisgeachan agus, mar gum biodh, fuaim thàirneanach cumhachdach, ag ràdh: “Haleluia! oir tha an Tighearna ar Dia, an t‑Uile‑Chumhachdach, a' riaghladh thairis oirnn.

Taisbeanadh 7:12

ag ràdh: “Amen, beannachd is glòir is gliocas is taingealachd is urram is cumhachd is neart dhar Dia fad saoghal nan saoghal. Amen.”