1 Peadar 1:15 - An Tiomnadh Nuadh anns an Eadar-Theangachadh Ùr Gàidhlig 2017

¹⁵ Ach a rèir mar a tha esan a ghairm sibh naomh, bithibh‑se naomh cuideachd, nur caitheamh‑beatha gu lèir,

Am Bìoball Gàidhlig 1992

¹⁵ Ach a rèir mar a tha esan a ghairm sibh naomh, bithibh-se naomh mar an ceudna nur n‑uile chaitheamh-beatha:

Am Bìoball Iomraidh Gàidhlig 1880 1992

¹⁵ Ach a rèir mar a tha esan a ghairm sibh naomh, bithibh‐se naomh mar an ceudna nur n‑uile chaitheamh‐beatha:

Tiomnadh Nuadh (MacEachen) 1875

¹⁵ Ach a reir-san, a ghairm sibh, a tha Naomh: bithibhse mar an ciadna naomh ʼnur caithe-beatha gu leir:

1 Peadar 1:15 Iomraidhean Croise

Mata 5:48

Mar sin bithibh‑se coileanta, mar a tha ur n‑Athair nèamhaidh coileanta.

Ròmanaich 9:24

fiù 's sinne a tha e air a ghairm, chan ann o na h‑Iùdhaich a‑mhàin ach o na Cinnich cuideachd?

2 Corintianach 7:1

Mar sin, le na geallaidhean seo againn, a mhuinntir mo ghràidh, glanamaid sinn fhèin o gach uile thruailleadh feòla is spioraid, a' coileanadh naomhachd ann an eagal Dhè.

Philipianach 1:27

A‑mhàin giùlainibh sib' fhèin ann am modh a tha airidh air soisgeul Chrìosd, ge b' e cuin a thig mi 's gu faic mi sibh, no gum bidh mi air falbh uaibh, gun cluinn mi mur deidhinn, gu bheil sibh a' seasamh gu daingeann ann an aon spiorad, le aon inntinn, a' strì còmhla airson creideamh an t‑soisgeil,

Philipianach 3:14

tha mi a' leantainn orm chun a' chinn‑uidhe airson duais àrd‑ghairm Dhè ann an Crìosd Ìosa.

Philipianach 3:20

Oir tha an t‑saoranas againne air nèamh, om bheil dùil againn cuideachd ri Slànaighear, an Tighearna Ìosa Crìosd;

1 Tesalònianaich 2:12

gur n‑earalachadh agus gur cofhurtachadh agus a' cur ìmpidh oirbh gus am biodh sibh beò gu h‑iomchaidh do Dhia, a ghairm sibh a‑steach dha rìoghachd fhèin 's dha ghlòir.

1 Timòteus 4:12

Na dèanadh duine sam bith tàir air d' òige, ach bidh nad eisimpleir dha na creidmhich ann an còmhradh, ann an dòigh beatha, ann an gràdh, ann an creideamh, ann am fìorghlaine.

2 Timòteus 1:9

Esan a shàbhail sinn is a ghairm oirnn le gairm naomh, chan ann a rèir ar n‑obraichean, ach a rèir a rùin fhèin is a ghràis, a thug e dhuinne ann an Ìosa Crìosd, ro linn na tìm;

Tìtus 3:14

Ionnsaicheadh na daoine againne cuideachd a bhith adhartach ann an deagh obraichean airson feumalachdan riatanach, gus nach bi iad gun toradh.

Tìtus 3:8

Is fìor am facal seo, agus mu na rudan seo bu mhath leam gun dearbhadh tu iad gu làidir, airson 's gum bi iadsan, a th' air creidsinn ann an Dia, cùramach a bhith coisrigte do dheagh obraichean. Tha na rudan seo math is tairbheach do dhaoine.

Eabhraidhich 12:14

Leanaibh sìth leis na h‑uile, agus naomhachd, oir às an aonais chan fhaic duine an Tighearna.

Eabhraidhich 13:5

Gum biodh ur caitheamh‑beatha saor o ghaol air airgead, bithibh toilichte leis na th' agaibh, oir thuirt esan: “Chan fhàg mise thu, agus cha trèig mi thu.”

Seumas 3:13

Cò a tha glic agus tuigseach nur measg? Sealladh e, tro a dheagh chaitheamh‑beatha, a chuid obraichean ann an ciùineas a' ghliocais.

1 Peadar 2:12

Biodh deagh dhòigh‑beatha agaibh am measg nan Cinneach, airson 's ge b' e dè a chanas iad nur n‑aghaidh mar luchd‑dèanamh‑uilc, le ur deagh obraichean fhaicinn, gun glòraich iad Dia ann an latha a thadhail‑san.

1 Peadar 2:9

Ach tha sibhse nar ginealach taghta, sagartachd rìoghail, nàisean naomh, sluagh a tha nan seilbh aig Dia, gus an innis sibh sàr‑mhathas an fhir a ghairm sibh o dhorchadas gu a sholas glòrmhor fhèin.

1 Peadar 3:16

ach dèanaibh seo le caomhalachd is eagal, le deagh chogais, gus am bi iadsan a chàineas ur deagh chaitheamh‑beatha ann an Crìosd air an nàrachadh.

1 Peadar 5:10

A‑nis, nì Dia nan uile ghràs – a ghairm sibh gu a ghlòir shìorraidh ann an Crìosd Ìosa, às dèidh dhuibh fulang beagan ùine – ur coileanadh, ur suidheachadh, ur neartachadh agus ur stèidheachadh.

1 Eòin 3:3

Tha gach neach aig a bheil an dòchas seo annsan ga fhìor‑ghlanadh fhèin, dìreach mar a tha esan fìorghlan.

Taisbeanadh 3:7

“Agus gu aingeal na h‑eaglaise ann am Philadelphia, sgrìobh: Seo na rudan a tha esan ag ràdh, an Aon Naomh, an Aon Fìor, an Aon aig a bheil iuchair Dhaibhidh, an Aon a tha a' fosgladh 's nach dùin neach sam bith, agus a dhùineas is nach fosgail neach sam bith:

Taisbeanadh 4:8

Agus bha sia sgiathan air gach fear dhe na creutairean beòtha, agus timcheall orra 's air an taobh a‑staigh bha iad làn shùilean, agus chan eil iad a' gabhail fois a latha 's a dh'oidhche, ag ràdh: “Naomh, naomh, naomh, An Tighearna Dia, an t‑Uile‑Chumhachdach, Esan a bha agus a tha agus a tha ri thighinn.”

Taisbeanadh 6:10

Agus ghlaodh iad le guth àrd ag ràdh, “Dè cho fada, a Mhaighstir naoimh is fhìor, gus an toir thu breith agus gus an dèan thu dìoghaltas airson ar fala, orrasan a tha a' còmhnaidh air an talamh?”