1 Corintianach 4:9 - An Tiomnadh Nuadh anns an Eadar-Theangachadh Ùr Gàidhlig 2017

⁹ Oir tha mi a' smaoineachadh gu bheil Dia air sinne, na h‑abstoil, a thaisbeanadh mar nas lugha na na h‑uile, mar dhaoine fo bhinn bàis, a chionn 's gu bheil sinn air tighinn gus a bhith nar sealladh dhan t‑saoghal, do dh'ainglean, agus do dhaoine.

Am Bìoball Gàidhlig 1992

⁹ Oir is i mo bharail gun do chuir Dia sinne, na h‑abstoil, a‑mach mu dheireadh, mar dhream a tha air an òrdachadh a‑chum bàis. Oir rinneadh sinn nar ball-amhairc don t‑saoghal, agus do ainglean, agus do dhaoine.

Am Bìoball Iomraidh Gàidhlig 1880 1992

⁹ Oir is i mo bharail gun do chuir Dia sinne, na h‑abstoil, a‑mach mu dheireadh, mar dhream a tha air an òrdachadh a‑chum bàis. Oir rinneadh sinn nar ball‐amhairc don t‑saoghal, agus do ainglean, agus do dhaoine.

Tiomnadh Nuadh (MacEachen) 1875

⁹ Oir tha mi saoilsinn gun do chuir Dia sinne na h-ostail a mach mar dhiù an t-sluaigh, mar dhaoine orduichte gubàs: oir rinneadh culaidh-bhuirt dhinn do ʼn t-saoghal, ʼs do dhʼ ainglean, ʼs do dhaoine.

1 Corintianach 4:9 Iomraidhean Croise

Gnìomharan 19:29

Bha am baile air a lìonadh leis an aimhreit, agus ruith iad le aon toil dhan taigh‑chluiche, a' tarraing Ghaiuis is Aristarchuis leotha, companaich‑siubhail Phòil o Mhacedònia.

Gnìomharan 19:31

Agus chuir fiù 's cuid de riaghladairean na h‑Àisia, a bha nan caraidean dha, fios thuige agus bha iad ga earalachadh gun a dhol a‑steach dhan taigh‑chluiche.

Ròmanaich 8:36

Mar a tha e sgrìobhte: “Air do shon‑sa tha sinn air ar marbhadh fad an latha; tha sinn air ar meas mar chaoraich airson marbhaidh.”

1 Corintianach 15:19

Mas ann sa bheatha seo a‑mhàin a tha dòchas againn ann an Crìosd, tha sinn nas airidh air truas na daoine sam bith.

2 Corintianach 11:23

An e seirbheisich Chrìosd a th' annta? (Tha mi a' bruidhinn mar dhuine air chuthach.) Is motha na sin mise: ann am barrachd shaothairean, ann am prìosanan tòrr nas trice, air mo dhochann tursan gun àireamh, agus gu tric faisg air a' bhàs.

2 Corintianach 6:9

neo‑aithnichte, ach air a bheil deagh aithne; mar gun robh sinn a' faighinn bàs ach seallaibh, tha sinn beò; mar air ar peanasachadh agus gun a bhith air ar cur gu bàs;

1 Tesalònianaich 3:3

Na biodh neach sam bith air a chrathadh leis na trioblaidean seo, oir tha fios agaib' fhèin, gun robh sinn air ar n‑òrdachadh airson seo.

Eabhraidhich 1:14

Nach eil iad uile nan spioradan‑frithealaidh, air an cur a‑mach gus seirbheis a dhèanamh dhaibhsan a tha an impis sàbhaladh fhaighinn mar oighreachd?

Eabhraidhich 10:33

uaireannan le bhith a' dol tro mhaslaidhean is thrioblaidean gu poblach agus uaireannan eile le bhith nur companaich dhaibhsan ris an deach dèiligeadh san dòigh sin.

Eabhraidhich 11:36

Dh'fhuiling feadhainn eile cuideachd fanaidean is sgiùrsaidhean, agus fiù 's ceanglaichean is prìosanachadh.