1 Corintianach 1:21 - An Tiomnadh Nuadh anns an Eadar-Theangachadh Ùr Gàidhlig 2017

²¹ Oir a chionn 's ann an gliocas Dhè nach b' aithne dhan t‑saoghal Dia tro ghliocas, thoilich e Dia, tro amaideas na tha sinn a' searmonachadh, iadsan a chreideas a shàbhaladh.

Am Bìoball Gàidhlig 1992

²¹ Oir nuair, ann an gliocas Dhè, nach b’aithne don t‑saoghal, tre ghliocas, Dia, bu toil le Dia le amaideachd an t‑searmonachaidh iadsan a thèarnadh a tha a’ creidsinn.

Am Bìoball Iomraidh Gàidhlig 1880 1992

²¹ Oir nuair, ann an gliocas Dhè, nach b’aithne don t‑saoghal, tre ghliocas, Dia, bu toil le Dia le amaideachd an t‑searmonachaidh iadsan a thèarnadh a tha a’ creidsinn.

Tiomnadh Nuadh (MacEachen) 1875

²¹ Oir a chionn, ann an gliocas De, nach bʼ aithne do ʼn t-saoghal Dia tromh ghliocas, dheonaich Dia le aimideachd an teagaisg na creidich a shabhaladh.

1 Corintianach 1:21 Iomraidhean Croise

Mata 11:25

Aig an àm sin thuirt Ìosa, “Tha mi a' toirt taing dhut, O Athair, a Thighearna nèimh is na talmhainn, gun do dh'fhalaich thu na rudan seo o dhaoine glic is tuigseach agus gun do dh'fhoillsich thu iad do leanabanan.

Lùcas 10:21

Aig an àm sin fhèin rinn Ìosa gàirdeachas anns an Spiorad Naomh, agus thuirt e, “Tha mi a' toirt taing dhut, O Athair, a Thighearna nèimh is na talmhainn, gun do dh'fhalaich thu na rudan sin o dhaoine glic is tuigseach, agus gun do dh'fhoillsich thu iad do leanabanan. Seadh, Athair, oir b' e a leithid sin do rùn gràsmhor‑sa.

Lùcas 12:32

“Na biodh eagal oirbh, a threud bhig, oir is e deagh thoil ur n‑Athar an rìoghachd a thoirt dhuibh.

Eòin 12:31

A‑nis tha breitheanas an t‑saoghail seo ann; a‑nis bidh riaghladair an t‑saoghail seo air a thilgeil a‑mach.

Ròmanaich 1:28

Agus dìreach o nach fhaca iad freagarrach Dia aideachadh tuilleadh, thug Dia thairis do inntinn choirbte iad, gus rudan nach bu chòir a bhith air an dèanamh a dhèanamh.

Ròmanaich 11:33

Ò, doimhne saidhbhreis is gliocais is eòlais Dhè! Nach do‑rannsaichte a bhreitheanais, agus nach do‑thuigsinneach a shlighean!

1 Corintianach 1:18

Oir tha facal a' chroinn‑ceusaidh na amaideachd dhaibhsan a tha a' dol às an rathad, ach dhuinne a tha gar sàbhaladh, 's e cumhachd Dhè a th' ann.

1 Corintianach 1:23

ach tha sinne a' searmonachadh Chrìosd air a cheusadh, dha na h‑Iùdhaich na cheap‑tuislidh, agus dha na Cinnich na amaideachd,

1 Corintianach 1:24

ach dhaibhsan a th' air an gairm, an dà chuid Iùdhaich is Greugaich, is e Crìosd cumhachd Dhè agus gliocas Dhè.

1 Corintianach 1:25

Oir tha amaideachd Dhè nas glice na daoine, agus tha laigse Dhè nas làidire na daoine.

1 Corintianach 1:27

Ach thagh Dia na tha amaideach san t‑saoghal airson an fheadhainn ghlice a nàrachadh; thagh Dia na tha lag san t‑saoghal airson an fheadhainn làidir a nàrachadh;

1 Corintianach 11:32

Ach nuair a thèid breith a thoirt oirnn leis an Tighearna, tha sinn air ar smachdachadh airson 's nach bi sinn air ar dìteadh cuide ris an t‑saoghal.

1 Corintianach 2:14

Chan eil an neach nàdarra a' gabhail ri rudan Spiorad Dhè, oir tha iad nan amaideachd dha, agus chan eil e an comas dha an tuigsinn a chionn 's gu bheil iad air an tuigsinn gu spioradail.

1 Corintianach 4:10

Tha sinne nar n‑amadain air sgàth Chrìosd, ach tha sibhse glic ann an Crìosd. Tha sinne lag, ach tha sibhse làidir. Tha sibhse air ur faicinn ann an urram, ach sinne ann an eas‑urram.

1 Corintianach 6:2

No nach aithne dhuibh gun toir na naoimh breith air an t‑saoghal? Agus ma tha an saoghal gu bhith air a chur fo bhreitheanas leibhse nach eil sibh an comas air a bhith nur britheamhan air cùisean suarach.

Galàtianach 1:15

Ach nuair a b' e deagh thoil Dhè e – a chuir air leth mi o bhroinn mo mhàthar 's a ghairm mi tro a ghràs‑san –

Galàtianach 4:8

Ge‑tà, aig an àm sin, nuair nach b' aithne dhuibh Dia, rinn sibh seirbheis mar thràillean dhaibhsan nach eil nan diathan a thaobh nàdair.

Ephèsianach 1:9

a' dèanamh aithnichte dhuinn dìomhaireachd a rùin, a rèir a dheagh‑thoil a rùnaich e annsan,

Ephèsianach 3:10

airson 's gum biodh gliocas ioma‑fhillte Dhè a‑nis air a dhèanamh aithnichte tron eaglais dha na riaghladairean 's dha na h‑ùghdarrasan anns na h‑àiteachan nèamhaidh.

Colosianach 1:19

Oir bha Dia toilichte gun còmhnaicheadh an lànachd gu lèir annsan,

Eabhraidhich 1:14

Nach eil iad uile nan spioradan‑frithealaidh, air an cur a‑mach gus seirbheis a dhèanamh dhaibhsan a tha an impis sàbhaladh fhaighinn mar oighreachd?

Eabhraidhich 2:3

ciamar a gheibh sinn dol‑às ma nì sinn dearmad air sàbhaladh cho mòr? Às dèidh dha a bhith air aithris leis an Tighearna, chaidh a dhaingneachadh dhuinn leothasan a chuala e.

Eabhraidhich 7:25

Agus mar sin, tha esan comasach air iadsan a thig gu Dia troimhesan a shàbhaladh gu h‑iomlan, oir tha e beò gu sìorraidh airson guidhe air an son.

Seumas 4:4

A dhaoine adhaltranacha! Nach eil fios agaibh gu bheil càirdeas ris an t‑saoghal na nàimhdeas do Dhia? Mar sin ge b' e cò a tha ag iarraidh a bhith na charaid dhan t‑saoghal, tha e ga dhèanamh fhèin na nàmhaid do Dhia.

Seumas 5:15

agus slànaichidh ùrnaigh a' chreideimh am fear a tha tinn, agus togaidh an Tighearna suas e. Agus ma rinn e peacaidhean, thèid am mathadh dha.

Seumas 5:20

bu chòir fios a bhith aige gun sàbhail esan, a thionndaidheas peacach o iomrall a shlighe, anam‑san o bhàs agus gum falaich e mòran pheacaidhean.