Mateo 13:3 - Ñʼoom xco na tqueⁿ tyʼo̱o̱tsʼom cantxja ʼnaaʼ Jesucristo

³ Quia joꞌ to̱o̱ⁿꞌo̱ⁿ na matseineiiⁿ nda̱a̱ naⁿꞌñeeⁿ. Jndye ñꞌoom tꞌmo̱o̱ⁿ nda̱a̱na ñequio ñꞌoom tjañoomꞌ. Tsoom: —Tyomꞌaaⁿ cwii tsꞌaⁿ na machꞌee tsꞌiaaⁿ jnda̱a̱. Tjaaⁿ, tjacjoomꞌm tsjaaⁿ lqueeⁿ trigo.

Mateo 13:3 Iomraidhean Croise

Mateo 13:4

Ndoꞌ yocheⁿ na majoomꞌm lqueeⁿꞌñeeⁿ ntꞌom tquiaa tsꞌom nato. Mañoomꞌ tquieꞌcañom cantsaa, tcwaꞌyoꞌ lqueeⁿꞌñeeⁿ.

Mateo 13:53

Quia na jnda̱ seineiⁿ Jesús ñꞌoommeiⁿꞌ na tjañoomꞌ, jlueeⁿꞌeⁿ joꞌ joꞌ.

Mateo 22:1

Cwiicheⁿ cwii ndiiꞌ seineiⁿnndaꞌ Jesús nda̱a̱ ntyee na cwiluiitquiendye ñequio nda̱a̱ nnꞌaⁿ fariseos. Tsoom nda̱a̱na:

Mateo 24:32

’Calaꞌno̱ⁿꞌyoꞌ ꞌnaaⁿ na maꞌmo̱ⁿnaꞌ nda̱a̱ꞌyoꞌ cantyja ꞌnaaⁿꞌ tsꞌoom higuera. Quia na cwintyꞌiaꞌyoꞌ na cwinnteiꞌ lꞌo̱naꞌ ndoꞌ cwicaluiꞌ tsco ꞌndaa juunaꞌ, quia joꞌ cwilaꞌno̱ⁿꞌyoꞌ na majnda̱ jaawindyooꞌ ncueesuaꞌ.

Marcos 12:1

Quia joꞌ to̱ꞌ Jesús na tyotseineiiⁿ ñꞌoom tjañoomꞌ nda̱a̱ naⁿꞌñeeⁿ. Tsoom: —Tyomꞌaaⁿ cwii tsꞌaⁿ. Jnoomꞌm lꞌo̱o̱ ta̱uva nnom tyuaaⁿꞌaⁿ. Sꞌaaⁿ tiom ndiocheⁿ nnom ntjoomꞌm. Mati sꞌaaⁿ cwii peila na nncꞌoocue ndaa na jnda̱ ꞌndiindyena ta̱ꞌñeeⁿ. Na macanda̱ sꞌaaⁿ cwii tatsiaⁿndye yuu na nntsꞌaa tsꞌaⁿ cwenta ntjoomꞌm. ’Ndoꞌ teijneiⁿ tyuaaⁿꞌaⁿ ntꞌomcheⁿ nnꞌaⁿ na nlꞌa tsꞌiaaⁿ, jnda̱ joꞌ tjayaaⁿ cwiicheⁿ ndyuaa.

Marcos 12:12

Ndoꞌ nnꞌaⁿ na tyondye ñꞌoommeiⁿꞌ tyoqueⁿndyena na nntꞌuena Jesús, ee jlaꞌno̱ⁿꞌna na cjoo joona seineiiⁿ ñꞌoom tjañoomꞌwaaꞌ. Sa̱a̱ nquiaana nnꞌaⁿ na jndyendye, cweꞌ joꞌ ꞌndyena jom, mana tyꞌena.

Marcos 3:23

Tqueeⁿꞌñe Jesús naⁿꞌñeeⁿ ndoꞌ seineiiⁿ ñꞌoom tjañoomꞌ nda̱a̱na. Tsoom: —¿Chiuu nntsꞌaayuunaꞌ na nquii Satanás mawjaⁿ nacjooꞌ nqueⁿ na macwjeeⁿꞌeⁿ jndyetia ñequio ntyjenaⁿjndiiñê naquiiꞌ nꞌom nnꞌaⁿ?

Marcos 4:13

Quia joꞌ tsoom nda̱a̱na: —¿Aa maxjeⁿ ticalaꞌno̱ⁿꞌyoꞌ ñꞌoom tjañoomꞌwaaꞌ? ¿Chiuu nlꞌaa na nlaꞌno̱ⁿꞌyoꞌ ntꞌomcheⁿ ñꞌoom tjañoomꞌ?

Marcos 4:33

Jndye ntꞌomcheⁿ ñꞌoom tjañoomꞌ teilꞌueeꞌñe Jesús quia tyotseineiiⁿ nda̱a̱ tmaaⁿꞌ naⁿꞌneeⁿ, cantyjati na nnda̱a̱ nlaꞌno̱ⁿꞌna.

Lucas 12:41

Quia joꞌ tso Pedro nnoom: —Aa ndiꞌ Ta, ¿aa cweꞌ nda̱a̱ jâ matseiꞌneiⁿꞌ ñꞌoom tjañoomꞌwaaꞌ, oo aa mati nda̱a̱ chaꞌtsondye nnꞌaⁿ?

Lucas 8:10

Tꞌo̱ Jesús matsoom: —Nda̱a̱ꞌ ꞌo mañequiaa Tyꞌo̱o̱tsꞌom na caliuꞌyoꞌ ñꞌoom wantyꞌiuuꞌ cantyja ꞌnaaⁿꞌ na matsa̱ꞌntjoom. Sa̱a̱ nda̱a̱ ntꞌomcheⁿ nnꞌaⁿ matseina̱ⁿya ñꞌoom na wjaañoomꞌ, cha meiiⁿ na cwintyꞌiaa nda̱a̱na sa̱a̱ tixoqueⁿna cwenta ndoꞌ meiiⁿ na cwindyena sa̱a̱ xocalaꞌno̱ⁿꞌna.

Juan 16:25

’Jnda̱ seina̱ⁿ ñꞌoommeiⁿꞌ nda̱a̱ꞌyoꞌ na cweꞌ tjañoomꞌ. Sa̱a̱ manncueꞌntyjo̱ xjeⁿ na taxocatseina̱ⁿ nda̱a̱ꞌyoꞌ ñꞌoom na cweꞌ wjaañoomꞌ, ee nntseina̱ⁿ nda̱a̱ꞌyoꞌ ñꞌoom na ndyeyu cantyja ꞌnaaⁿꞌ Tsotya̱.