Mateo 11:10 - Ñʼoom xco na tqueⁿ tyʼo̱o̱tsʼom cantxja ʼnaaʼ Jesucristo

¹⁰ Ee ljeii ꞌnaaⁿꞌ Tyꞌo̱o̱tsꞌom matseineiⁿnaꞌ cantyja ꞌnaaⁿꞌaⁿ. Luaa matsonaꞌ: Ja majño̱o̱ⁿñetya̱ya cwii moso ꞌnaⁿya na wjaajndyee jo njomꞌ. Jom nncwjiꞌyuuꞌñê cantyja ꞌnaⁿꞌ, cha nncꞌomcꞌeendye nnꞌaⁿ quia na nncueꞌcañoomꞌ.

Mateo 11:10 Iomraidhean Croise

Mateo 11:11

Ndoꞌ tsoticheⁿ Jesús: —Mayuuꞌcheⁿ nndyeꞌyoꞌ nntsjo̱o̱, tijoom ñeteitquiooꞌñe cwii tsꞌaⁿ na tꞌmaⁿti cwiluiiñe quiiꞌntaaⁿ chaꞌtsondye nnꞌaⁿ chaꞌna juu Juan, tsꞌaⁿ na tyotseitsꞌoomñe nnꞌaⁿ. Sa̱a̱ meiiⁿ na ljoꞌ, meiⁿcwiꞌñeeⁿcheⁿ tsꞌaⁿ na jnda̱ tjaquieeꞌñe cantyja na matsa̱ꞌntjom Tyꞌo̱o̱tsꞌom, meiiⁿ titꞌmaⁿ cwiluiiñe, sa̱a̱ tꞌmaⁿti cwiluiiñe, nchiiti Juan.

Mateo 11:3

Jluena: —¿Aa ꞌu cwiluiindyuꞌ Cristo na nncwjeeꞌcañoom tsjoomnancue, oo aa nncwindo̱o̱ꞌâ cwiicheⁿ?

Mateo 3:3

Cantyja ꞌnaaⁿꞌ Juanꞌñeeⁿ na tyotseineiⁿ profeta Isaías, tsoom: Mꞌaaⁿ cwii tsꞌaⁿ jo ndoꞌ yuu tjaa nnꞌaⁿ cꞌoom na jndeii matseineiⁿ nda̱a̱na. Matso tsaⁿꞌñeeⁿ: “Calajndaaꞌndyoꞌ naquiiꞌ nꞌomꞌyoꞌ chaꞌcwijom cwii nato na juu joꞌ nndyocwjeꞌcañoom nquii na cwiluiiñe na nntsa̱ꞌntjom ꞌo. Cataꞌndyoꞌxcweꞌyoꞌ chaꞌcwijom na cwilayo̱ꞌyoꞌ nato na nñoom.”

Marcos 1:2

Jnda̱ seicanda̱a̱ꞌñenaꞌ ñꞌoom na seiljeii profeta Isaías, matsonaꞌ: Majño̱o̱ⁿñetya̱ya cwii moso ꞌnaⁿya na wjaajndyee jo njomꞌ. Jom nncwjiꞌyuuꞌñê cantyja ꞌnaⁿꞌ, cha mamꞌaⁿcꞌeendye nnꞌaⁿ quia na nncueꞌcañoomꞌ.

Lucas 1:76

Ndoꞌ ꞌu jndaaya, nluiindyuꞌ profeta cwentaaꞌ nquii Tyꞌo̱o̱tsꞌom na mꞌaaⁿ nandyeticheⁿ. Ee ꞌu nncjaꞌjndyeeꞌ jo nnom Ta na nncwjiꞌyuuꞌndyuꞌ cantyja ꞌnaaⁿꞌaⁿ chaꞌcwijom tsꞌaⁿ na matseijndaaꞌñe nato, cha mamꞌaⁿcꞌeendye nnꞌaⁿ quia nncueeꞌcañoom.

Juan 1:23

Luaa ñꞌoom na seilcweeⁿꞌeⁿ nda̱a̱ naⁿꞌñeeⁿ. Matsoom: —Ja matsꞌaa chaꞌxjeⁿ na tso profeta Isaías quia tsoom: “Mꞌaaⁿ cwii tsꞌaⁿ na matseiwe jndyeeꞌ jo ndoꞌ ndyuaa yuu tjaa nnꞌaⁿ cꞌoom. Calajndaaꞌndyoꞌ na nquii na tjacantyja na cwiluiitꞌmaⁿñe nntsa̱ꞌntjom ꞌo.”