Lucas 5:5 - Ñʼoom xco na tqueⁿ tyʼo̱o̱tsʼom cantxja ʼnaaʼ Jesucristo

⁵ Tꞌo̱ Simón nnoom: —Ta, meiiⁿchaaꞌ tsjom ñelꞌaayâ tsꞌiaaⁿ ndoꞌ meiⁿcwii catscaa tîcatjeiiꞌâ. Sa̱a̱ cantyja ñꞌoom ꞌndyoꞌ ꞌu nncjuꞌnndaꞌa tsquiꞌ.

Lucas 5:5 Iomraidhean Croise

Lucas 17:13

Jndeii jlaꞌxuaana, jluena: —ꞌU Jesús na maꞌmo̱o̱ⁿꞌ ñꞌoomꞌ Tyꞌo̱o̱tsꞌom nda̱a̱ nnꞌaⁿ, cꞌoomꞌ na wiꞌ tsꞌomꞌ jâ.

Lucas 8:24

Ndoꞌ tyꞌentyjaaꞌna jom, jlaꞌnlcwina jom, jluena: —ꞌU Maestro, manncwja̱a̱ya. Jnda̱ na lcweeⁿ, seitiaaⁿꞌaⁿ jndye ñequio nmo̱ⁿ ndoꞌ jlaꞌcheⁿnaꞌ. Sꞌaanaꞌ na wacheeⁿ nnom ndaaluee.

Lucas 8:45

Quia joꞌ taxꞌe Jesús, tsoom: —¿ꞌÑeeⁿ juu tyenquiuuꞌ ja? Chaꞌtsondye nnꞌaⁿ jlue ticaliu. Ndoꞌ tso Pedro ñequio ncꞌiaaⁿꞌaⁿ: —Ta, jndyendye nnꞌaⁿ jnda̱ seicantoꞌnaꞌ nacañomꞌ hasta manchjenaꞌ ꞌu cwilꞌana, ndoꞌ mawaxeꞌ: “¿ꞌÑeeⁿ juu tyenquiuuꞌ ja?”

Lucas 9:33

Juu xjeⁿ na cwito̱ⁿꞌndye naⁿꞌñeeⁿ ñꞌeⁿ Jesús, tso Pedro nnoom: —Ta, jeeⁿ ya na mꞌaaⁿyâ ñjaaⁿ. Cwa nlꞌaayâ ndyee xquieꞌncwaⁿꞌ, cwii cwentaꞌ ꞌu, cwii cwentaaꞌ Moisés ndoꞌ cwii cwentaaꞌ Elías. Sa̱a̱ ticatseiꞌno̱ⁿꞌ Pedro ljoꞌ na tsoom.

Lucas 9:49

Quia joꞌ tꞌo̱ Juan, tsoom: —Ta, ntyꞌiaayâ cwii tsꞌaⁿ na macwjiꞌ naⁿjndii naquiiꞌ nꞌom nnꞌaⁿ ñequio xueꞌ. Ndoꞌ lꞌuuyâ nnoom ticwanaaⁿ ee nchii ñꞌeⁿ jaa matseijomñê.

Juan 15:14

ꞌO cwiluiindyoꞌ ncꞌiaya xeⁿ cwilaꞌcanda̱a̱ꞌndyoꞌ na matsa̱ꞌntjo̱ⁿya ꞌo.

Juan 2:5

Matso tsoñeeⁿ nda̱a̱ nnꞌaⁿ na cwindyeꞌntjom joꞌ joꞌ: —Calꞌaꞌyoꞌ chaꞌtso na nntsa̱ꞌntjoom ꞌo.

Juan 21:3

Tso Simón Pedro nda̱a̱yâ: Jo̱cwjiiꞌa catscaa. Lꞌuuyâ nnoom: —Cwitsaayâ ñꞌeⁿndyuꞌ. Quia joꞌ saayâ, tuo̱o̱yâ tsꞌom wꞌaandaa. Sa̱a̱ juu tsjomꞌñeeⁿ meiⁿcwii catscaa tîcatjeiiꞌâ.