1 Juan 4:15 - Ñʼoom xco na tqueⁿ tyʼo̱o̱tsʼom cantxja ʼnaaʼ Jesucristo

¹⁵ Ee meiⁿquia tsꞌaⁿ na macwjiꞌyuuꞌñe na Jesús cwiluiiñê Jnda Tyꞌo̱o̱tsꞌom, mꞌaaⁿ Tyꞌo̱o̱tsꞌom quiiꞌ tsꞌom ndoꞌ tseixmaⁿ cantyja ꞌnaaⁿꞌaⁿ.

1 Juan 4:15 Iomraidhean Croise

Mateo 10:32

’Ndoꞌ meiⁿcwiꞌñeeⁿcheⁿ tsꞌaⁿ na nncwjiꞌyuuꞌñe cantyja ꞌnaⁿya jo nda̱a̱ nnꞌaⁿ, ja nncwjiꞌyuuꞌndyo̱ na mawajnaⁿꞌa jom jo nnom Tsotya̱ya na mꞌaaⁿ cañoomꞌluee.

Lucas 12:8

’Nndyeꞌyoꞌ nntsjo̱o̱, meiⁿcwiꞌñeeⁿcheⁿ tsꞌaⁿ na macwjiꞌyuuꞌñe cantyja ꞌnaⁿya jo nda̱a̱ nnꞌaⁿ, mati ja na cwiluiindyo̱ tsꞌaⁿ na jnaⁿ cañoomꞌluee nncwjiꞌyuuꞌndyo̱ na mawajnaⁿꞌa tsaⁿꞌñeeⁿ jo nda̱a̱ ángeles cwentaaꞌ Tyꞌo̱o̱tsꞌom.

Juan 6:56

Meiⁿcwiꞌñeeⁿcheⁿ tsꞌaⁿ na maquii seiiꞌa ndoꞌ maꞌuu nioomꞌa, tyeⁿ matseitjoomꞌnaꞌ tsaⁿꞌñeeⁿ ñꞌeⁿndyo̱, ndoꞌ tyeⁿ matseitjoomꞌnaꞌ ja ñꞌeⁿñê.

Hechos 8:37

Quia joꞌ matso Felipe nnoom: —Xeⁿ matseiꞌyuꞌ ñequio na xcweeꞌ tsꞌomꞌ nnda̱a̱ nleitsꞌoomndyuꞌ. Tꞌo̱ tsaⁿꞌñeeⁿ matsoom: —Matseiyuꞌa na Jesucristo cwiluiiñê Jnda Tyꞌo̱o̱tsꞌom.

Romanos 10:9

Xeⁿ na macwjiꞌyuuꞌndyuꞌ na Jesús cwiluiiñê na matsa̱ꞌntjoom ꞌu, ndoꞌ ñequio na xcweeꞌ tsꞌomꞌ matseiyuꞌ na tquiaa Tyꞌo̱o̱tsꞌom na tandoꞌxcoom jnda̱ na tueeⁿꞌeⁿ, quia joꞌ nluiꞌnꞌmaaⁿndyuꞌ.

Filipenses 2:11

ndoꞌ chaꞌtsondyena catjeiꞌyuuꞌndyena na cwiluiiñe Jesucristo na catsa̱ꞌntjoom na cantyja ꞌnaaⁿꞌ joꞌ nntseitꞌmaaⁿꞌñenaꞌ Tsotya̱a̱ya Tyꞌo̱o̱tsꞌom.

1 Juan 2:23

Chaꞌtsondye nnꞌaⁿ na cwitjeiiꞌndye cantyja ꞌnaaⁿꞌ Jnda Tyꞌo̱o̱tsꞌom, tilaxmaⁿna cwentaaꞌ Tsotya̱a̱ya Tyꞌo̱o̱tsꞌom, sa̱a̱ tsꞌaⁿ na matseijomñe ñꞌeⁿ Jnaaⁿ, mati matseijomñe cwentaaꞌ Tsotya̱a̱ya Tyꞌo̱o̱tsꞌom.

1 Juan 2:24

Joꞌ chii ñꞌoom na tyondyeꞌjndyeeꞌyoꞌ caljooꞌnaꞌ quiiꞌ nꞌomꞌyoꞌ ee xeⁿ cwiljooꞌnaꞌ naquiiꞌ nꞌomꞌyoꞌ, mati cwiljooꞌndyoꞌtyeⁿꞌyoꞌ cantyja ꞌnaaⁿꞌ Jnda Tyꞌo̱o̱tsꞌom ñequio Tsotyeeⁿ.

1 Juan 3:23

Ndoꞌ ñꞌoom na matsa̱ꞌntjoom jaa matsonaꞌ na calayuuꞌa ñequio Jnaaⁿ Jesucristo ndoꞌ na cꞌo̱o̱ⁿya na wiꞌ nꞌo̱o̱ⁿya ncꞌiaaya na cwilayuꞌ chaꞌxjeⁿ na matsa̱ꞌntjoom.

1 Juan 3:24

Nnꞌaⁿ na cwilaꞌcanda̱a̱ꞌndye ñꞌoom na matsa̱ꞌntjoom, mꞌaⁿna quiiꞌ tsꞌoom ndoꞌ jom mꞌaaⁿ naquiiꞌ nꞌomna.

1 Juan 4:12

Meiⁿjom ndiiꞌ tyoontyꞌiaaꞌ nnom tsꞌaⁿ Tyꞌo̱o̱tsꞌom sa̱a̱ quia cwitꞌmo̱o̱ⁿya na wiꞌ nꞌo̱o̱ⁿya nnꞌaaⁿya, jom mꞌaaⁿ quiiꞌ nꞌo̱o̱ⁿya ndoꞌ juu na mꞌaaⁿ na candyaꞌ tsꞌoom jaa, mamatseicanda̱a̱ꞌñeñꞌeⁿnaꞌ cantyja ꞌnaaⁿya.

1 Juan 4:2

Luaa waa na nnda̱a̱ nlaꞌno̱ⁿꞌyoꞌ aa ndyaꞌ mayuuꞌ na nquii Espíritu Santo maꞌmo̱o̱ⁿ ñꞌoom na mañequiaa tsꞌaⁿ. Ticwii cwii tsꞌaⁿ na macwjiꞌyuuꞌñe na nquii Jesús na cwiluiiñê Cristo tuiiñê na tsꞌaⁿ jom, tsaⁿꞌñeeⁿ matseixmaⁿ Espíritu na mañequiaa Tyꞌo̱o̱tsꞌom na cꞌoomñe quiiꞌ nꞌo̱o̱ⁿya.

1 Juan 5:1

Ticwii cwii tsꞌaⁿ na matseiyuꞌya tsꞌom na Jesús cwiluiiñe Cristo, macwiluiiñê cwii jnda Tyꞌo̱o̱tsꞌom. Ndoꞌ ticwii cwii tsꞌaⁿ na candyaꞌ tsꞌom nqueⁿ na cwiluiiñê Tsotya̱a̱ya, mati matsonaꞌ na cꞌoom tsaⁿꞌñeeⁿ na jnda ntyjii nnꞌaⁿ na cwiluiindye ntseinaaⁿ.

1 Juan 5:5

Macanda̱ tsꞌaⁿ na matseiyuꞌya tsꞌom na nquii Jesús cwiluiiñe Jnda Tyꞌo̱o̱tsꞌom nnda̱a̱ nnaⁿñê ñequio na matseixmaⁿ tsjoomnancue.

2 Juan 1:7

Jndye nnꞌaⁿ mꞌaⁿ tsjoomnancue na cwinquioꞌnnꞌaⁿ na cwiluena na tiyuuꞌ na jndyo Jesucristo na tsꞌaⁿ jom. Tsꞌaⁿ na luaaꞌ machꞌee cwiluiiñê tsꞌaⁿ na manquiuꞌnnꞌaⁿ, ndoꞌ tsꞌaⁿ na wjaa nacjooꞌ Cristo.