Ku kaa kiyoo kam Yesiusi wa'm se asina ko “Ni'm kasipa mina ku mike mina kumana waya ku kaa kaseao gai se mina ku se de. Eki'm toke yoo ku kaa nigi si pe se se dodo me kaa ko ‘Yai, ni'm noke kao nuwa, uwo nuwa, manaa se kao nuwa, ku se ku sekii kaambea ee? Emi tau kaambea ee?’ ku kaa si gigi kaae. Kase enta mugo ndoe, eki'm toke yoo ku noke kao nowoo sisea na me kaa ndo toke yee? Tau na! Kena eki'm maa buboo ku manaa se kao masea na se maa buboo waa yee? Tau na! Noke kao nuwa, manaa se kao nuwa, ku mbeedi se kao waa. Ku kumana ku mbeedi se kao ku kaa kusipimagea yako ku kaa ndo nigi si pe se me tau de!” aseke.
Pidipi 4:5 - Anegisemee'm Mina Kapuge5 Kena eki'm tunaa se dimina me mee en'ndo otuma desi na, ogu bage kaa dimina mani si maseae. Aii tunaa kan mee en'ndo otuma ekii kaa dama yaawawoo taae. Tuhani wa'm waya ukaasi yoo me pasi ae se nigimagea yako se awawoo taao ndo bada. Faic an caibideil |
Pidipi 4:5
25 Iomraidhean Croise
“Omiyaa siyaa ku ndo enii'm dimina da waa gigi nakiyaake kao ku ese oba aoo. Ku kumana anikee aoo kaasea kao ku aii dodo se dodo me kaa ko ku kaa si gigi kaae. Dee, endo gapi widigi katoyaake kao emi tau baa. Ku aoo kumana ku kaa ndo nigi si pe taao ndo bada. Ku sekii,” aseke. Yesiusi wai mee kooda waa se tupimi.
“Ku anikee waa aoo kaasea se kasipa mina kuwa ku mee en'ndo otuma maa en'ndo otuma eki kaa kapeaniyaabuu taasi se mina waa,” aseke. “Ku kaa kiyoo dim si pisineke kipii kindo ko ku mina se ku pi-pameke se dodo me kaa kandugidi siyaabuu taasea! Ese mbeo pinemake yoo kiyoo ineana gadimii yako kandugidi siyaake mugo dodo kaasi,” aseke. “Ku kindo ko dim si pisineke ku taa kisi na, eki kaa to dama dito taae,” aseke. “Ku taao kan bobo uwo nona edidi keke nuwa, edidi kina se-peu we-peu awake ku nuwa, ku se ku si awaae,” aseke. “Kena eki kaa to dama toyaao kan ‘Se awaao bada ee? Se awaao bada ee?’ ku kaa ndo gigi kan nigi si pe se ku nde miya si awaae,” aseke. “Ku se ku eki'm dimina nda si kapisiniyaambea kao koena,” aseke. “Ku mugo dimina aoo kaambea kumana eki kaa to dama dito taae,” aseke.
Ese ndumbo mina kasiinka ndeo. Eki, ogu Yesiusi mbaya bage mesema gapeke mina aoo kumana ku kaa kiyoo eki, eki kaa to mbeedi mbeana si maaniyaapea kidai. Yai, ku taa kisi na Yesiusi mbaya se mee to wa'm peu kaawapi ku kaa kiyoo nde miya “Awas!” se nigaao daan sipeai. Wa'm kadeba semana a'm kao oma maseke ku kaa nde miya “Awas!” se nigaao daan sipeai.
Kum seta kaa, ni kaa to se mbeana ko ni'm nopa se kao me Yesiusi kaa kinaa bage ona yaoya-oya semaa yako woo-woo taambi kipii kindo me gado me kam wado me mugo noke kao ni si nona okaa dikeduwaamba. Oi noke nde miya okaa dikedoke sekii. Nikinaamee me si yaoya-oya taao kan waya wadobo si nona dikeduwaamba.
Ebanaa bage ekii'm nabeake kan ni kaa mina se nasina ko “O, Paudusi wai enii mbo tau kipii kindo wai oyu se mina mbugu tau kan kapuge nda nawudumei nai. Ku koya wai enii mbo memana ade sita mugo ndoe mbugu kidai se dema,” se naseke. Ekii'm se nasipea koya tau. Endo ko, ni, Paudusi, ni Keditusi wa'm sipi mugo masewena dim kakoesi na mina kaseao gai. Dee, Keditusi wai mee mesema oyu tau. Aii tunaa kan mina tupiwoo simi. Ku kumana wa'm sipi me kaa kiyoo
Ogu bage waa ekii'm mike tau se mina kaseke ku si dito taae. Dee, mee ona wai “Tau. Tuhani wa'm ebo se gumba me ko me eduga pi-pamiyaami. Anikee waa tau,” se aseke kipii kindo ko tau! Mbeduwa! Ku mugo mina yeke se dodo me kaa si ndugidi taae. Ku yegea ndoe mani dimina gado keke me peu. Ku bage dimina ku si nigaae. Kena mike tau se mina ona me ko me se de. Mee ona wai, “Tau. Anegisemee Dim'mba wa'm se nakumapi mina ku kaa kiyoo Tuhani wa'm ebo se gumba me ko me anikee waa tau. Eduga ndo pi-pamiyaami mei,” se kaseke me nde miya ku si dito taae. Kena mike tau se mina ona me ko me se de. Mee ona wai “Tau. Tuhani wa'm ebo se gumba me eduga pi-pamiyaami se mina kuwa ku Paudusi mesema wa mbo aoo se bage mesema ekii'm kapuge kaa wudumamea mina dodo,” se kaseke nde miya, tau de! Ku dim dake mina ku si dito taae! Ku mugo mina ku ni'm wudumaan tau se mina waa. Ku kumana ku mbae da se mina kuwa, ku si dito taae.
Kena ona me ko mee agumee kaa peu mina dopeana ogu bage mbo pi-aseke me daa. “Ku si awaae,” se mina me nde miya pi-yanige-maneke bada. Ona me ko mina abade se me daa. Ku mbeenaa kaa miya si awaae, se mina me nde miya pi-yanige-maneke bada. Ona me ko a kaa to apana ebo mbeaseke ku nde miya mbeenaa kaa miya si awaae. Ku si awan ndo mee en'ndo otuma ekii kaa tunaa kan dama ndo yaawawoo taae, se mina pi-yanige-maneke bada. Ku ni'm eduga yatupima mina kuwa ku Yesiusi mbaya bage mbo waya dama pi-yanige-mane siwoo taae.
Kena me kaa nigi si pe sita mugo ndoe, ebanaa bage ekii'm sese ku si awaae. Dee, ebanaa Yesiusi mbaya bage ekii ogu Yesiusi mbaya bage mesema andagatake ku ekii'm wisin'tapea sese. Ku koya ekii'm sese ku si maaneke kumana ku si awaae. Ku si awan ndo a-koemoo naa-koemoo taae. Kena me mina me aii se kaseke se ku tau. Dee, Yesiusi wa'm waya ukaasi se gapi me ese pasi kiwoo semuu nai. Ku kumana enii'm a-koemoo naa-koemoo nakea ku nde miya agi kiwoo taao ndo bada.
Se asemana ndo waa ko Yesiusi wa'm se asina ko “Ni'm mina ku dama nayito taae!” aseke. “Ni ko ni meao pasi ndeo,” aseke. “Ku kumana me kapuge me nda amanimake mina waa, anikee waa pi-pamiyaabuu taasea se mina kuwa, ku dama yaa mu-mu se kipii kindo ko ku mugo bage ku bani-bani siwoo nakea se bage waa. Ku mina ku yeao be kipii kindo tau!” se aseke. Yesiusi wa'm se asimi.
Sanasan