“Madiya a ko ni'm ebo toke Tuhani wayoi kaase. Dee, yimkaa a'm ‘Aba, aba,’ se nasipe se mina ku yeta mugo ndoe ni nduwawe ndigi se yuwa to wai ese bani-bani se kan beba sipi, se ene,” aseke. “Ku kaa kiyoo ni ese abayai se kanigeo. Ni'm Tuhani wayoi ni mbo ukipe ae! Ni ko aii mbeedi se ambii to koe!” aseke.
Pidipi 3:8 - Anegisemee'm Mina Kapuge8 Ndumbo kaseo. Endo ko ni'm sese kasipa kuwa ku ni'm aii mbeedi se kao waa se deo. Yibanda kiyaa, ni'm ese asiyoo kam asiyoo se kao me ko me ni'm ebo toke se Tuhani, Keditusi Yesiusi me me, wa kaa yaepi kiwoo naka waa “Oowoo,” se ku ndo nigitaka. Me ndo me ni'm ese ebo mbeaseao eo se kao. Ogu mbembadi kao kuwa ku ni'm ogato damana si dito se kao waa. Ku ni'm ese eaa se ogo-podo mugo kao mugo dodo se nigeo. Kena ku mbao awaao kan se nigipa ee? Tau. Ni'm dimina me wa'm dimina mesema ese dada se anamoo kaao kan, Faic an caibideil |
Pidipi 3:8
53 Iomraidhean Croise
“Ku kindo ni'm awake me Ibedisi wa'm yaa mani da kaa awapa se ku tau. Me Anegisemee wa'm yaa mani da me kaa ndo mbaa waa yapeyaabuu naka,” aseke. “Ku kaa kiyoo kam eki'm nigaao sekii se mina me ko me se de. ‘Ai, ai. Anegisemee wa'm mee wado ese ata emi tau ebo toi se gumba, me eki mbo mike pi-pam'dai ae,’ se nanigaao sekii,” aseke.
“Eki'm waya nadiisea se gapi me kaa ko eki'm epi kaasea se kao ona me ko me se de. ‘O, Yesiusi wai wa'm Naamee mesema dipinimapi se mee to ae,’ se epi kaasea, me ona. Ona me ko ‘Eki nde miya ni mesema dipinimapi se bage waa ae,’ se epi kaasea, me ona. Ku wiya ku epi kaasea, eki'm waya nadiisea se gumba me kaa kiyoo,” se aseke.
“Naamaa woe, a'm neme se bage ku omiwoo towoo tosi na se mina wiya aoo. Ona me ko ‘Ese mike se Anegisemee me a ndo, kam tau, ae,’ se epi keke, me ona. Ona me ko ‘A'm maa kaa nameyaame se Yesiusi Keditusi me ko me ni, ae,’ se epi keke, me ona. Ku wiya ku ana kaa naaepi kigea yako enimoo kumapea kipii kindo ko ku bage ku omiwoo towoo taao sekii,” se aseke.
“Se nanige-manepi koya ‘Tau, bada o,’ se nigeo. Toke nde miya, boke nde miya ku mbeedi. Tuhani Yesiusi wa'm nemi ndanda kuwa ku ndo yaa-awataina otou wandetake kindo me ese ebo. Wa'm nemi ndanda me ko me Anegisemee'm dama se mina, wa'm mee tuma kaa aii se gane kan dama natoyaake mina kuwa ku mee mbo donaa asinaa sisi na se ndanda. Me ndo wa'm ebo se ndanda nemi ae se nigeo. Wa'm nambeasipi ndanda ku ndo otou wandetaao gai sima,” se aseke. Paudusi wa'm se asimi.
Ni'm nigina ko endo se gumba bodi ababa se ku aoo ko aoo koya tau. Ku mbeedi ae, se nigeo. Kase enta mugo ndoe, anikee waa Anegisemee wai ese asiyoo kam asiyoo abayai se natoyaake se yoo nadeyaasi. Enii'm toke yoo kui kaasi kumana endo se gumba bodi ababa se ku mike mbeedi, ae, se ku ndo nigaao sekii.
Ese asindaa se kao nuwa, ese yugindaa se kao nuwa, ku nde miya iyo. Anegisemee'm anegi semami se-kao we-kao ku en'ndo otuma ku nde miya mike iyo. Enii'm Tuhani, Yesiusi Keditusi me me, wa'm naa-awami ku kaa kiyoo Anegisemee'm naembaake se dimina dano kiyaake sekii se kao ona kaa miya emi tau. Aii si dan ndo naembaawoo semuu taambi ndo. Kui!
Tau na. Enii kaa nagane kan se enimi, tau se! Me enii tao dama tosi na mina se wudumami. Kase enta mugo ndoe, me masii maseke bage ku tao noke kao nosi na se mina da mugo dodo. Ku kaa kiyoo iyoo weke bage ku nuwa, ayuwee se dodo dawee se bage ku nuwa, ku ndepo dimina ona ndo kan se nigina ko “Enii ndepo naasea kumana kase dodo naasea naa ya?” se nigimagea yako em'ndoo siwoo nakea.
Dee, Keditusi kaa “Mike ae,” nigaan tau se bage ku ko ku emaa diyoo aoo se bage waa mugo dodo. Mbao kaa emaa diyoo aoo ee enta mugo ndoe, tau. Mee tuma da bage ekii'm yapapa nakea se mbae da se anegisemee to, maa en'ndo otuma ku wado ebo toi se Ibedisi wa ko, wai eki'm dimina da nda emaa diyoo aoo se dimina yakumamoo nai kumana enii dama se mina ku deao kana se yakiyaabuu nai. Dee, Keditusi wa ko wai Anegisemee wa'm sipi mugo ku uwa da kaa deyaabuu sisi na se mee to. Kena wa kaa dama mina me ese asiyoo kam asiyoo abayai se mina da. Ku kumana maa kaa togea bage ekii me mina me dama deke waa, ekii'm dimina yawadaniyaabuu siyaa. Ku kindo me mina me si desi na Ibedisi wai ekii'm dim'mba nda emaa diyoo se dimina yakumamoo nai.
Ku semai ndoe enii'm a-takuniyaabuu naa-takuniyaabuu se me ko me Anegisemee kaa “Mike ae,” se nigeke se dimina da me nuwa, Anegisemee'm Yombai wa kaa epi se dimina ku nuwa, ku dimina ku kaa kiyoo dimina a-takuniyaabuu naa-takuniyaabuu nakea. Ku kaa kiyoo, kisena ndo waa ko dimina ona ndo kaasea, me ona. Kena ona me ko enii Keditusi kaa en'kiki se bage waa kaasea, me ona. Ku se ku aoo se dodo ndoe enii namba Keditusi wa'm dimina da mugo dodo kaasea. Wa'm ese dama ndumbo se dimina da me ko, wa'm ese peu si maaneke mbee to kaa miya emi tau se dimina da me me, me enii namba dodo kaasea. Ese wa'm sipi mugo dodo kaasea. Se.
Me kapuge me ni, Paudusi, ni'm wudumama kapuge. Kena Timotiusi wa nde miya ni mbo aoo. Ana ko Keditusi Yesiusi wa'm wa tao ndanda yaawawoo naka se bage waa. Me kapuge me ko me Pidipi okaa yoo togea se Yesiusi mbaya bage waa, eki tao kapuge. Eki ko eki Keditusi Yesiusi nda dipinimapea se bage waa kumana Anegisemee wa'm wa tao dimi se bage waa, eki ko. Ku kindo me kapuge me eki tao eewee. Aii Yesiusi mbaya bage ku nuwa, eki'm penatuwa bage waa ku nuwa, eki'm diaken bage waa ku nuwa, eki Yesiusi mbaya bage en'ndo otuma eki tao kapuge eewee.
Ni'm ese “Oowoo,” se kao me ko me se de. Keditusi kaa nuwa, wa'm sipi-sipi ku kaa nuwa, ku kaa ndo yaepi kiwoo keo waa “Oowoo,” se nigeo. Ku kumana wa kaa yaepi kiwoo taao kan Anegisemee wa'm Yesiusi maa poo yandomami se yaa mani da me ni nduwawe nde miya namugu-mugu siyaai waa “Oowoo,” se nigeo. Kena wa'm sipi mugo bodi ababa se me ni kaa nde miya nameaniyaai waa “Oowoo,” se nigeo. Kena wa'm sipi mugo boke nde miya me namba “Oowoo,” se nigeo.
Eduga ko ni Yesiusi Keditusi wa'm sipi mugo dodo kiyaasi na wai ni kita wa mbaya bage nakiyaami. Se nakiyaami koya endo se gumba ni ese wa'm sipi mugo dodo se mee to se ku tau. Ni'm awake-awake, eneke-eneke, nigeke-nigeke ku otuma ese wa'm sipi mugo dodo kaan tau. Ku koya wa'm sipi dodo nakiyaake me ni'm ese “Oowoo,” se kao. Ku kumana omiyaa siyaa ku ndo wa'm sipi mugo ekokeduwaao kan ese oyu kan awa-de semuu naka.
Ni'm kasipa mina ku kase enta mugo ndoe, ni'm boke yoo buwaao pasi keo. Mee waa ekii'm ni'm emu ku naogayaana nambatumaao pasi koena. Kena ni'm emu naogayaake me ko me Yahudi bage enii'm sese Anegisemee yapapataao kan aniguda poo uwo yaagabemoo se sese mugo dodo. Anegisemee yapapa taao kan ni'm emu ku naogayaasea kindo “Ku Anegisemee a tao ee,” se nigeo koena.
Eduga ko enii Anegisemee'm dama mina yemea se dodo me kaa dim wiya-wiya se mbeenaa kaa miya emi tau. Ese dimina ona ndo kan “Mike ae,” se nigimamea. Kum seta kaa ni'm kaseao kan sipa mina me ko me se de. Endo kam wado kise buwaasea yoo kam miyo epopi nda kuwa, enii'm eduga dim wiya-wiya emi tau se dimina da me waya yaa mu-mu taao ndo bada. Me yaa mu-mu se kipii kindo ko Keditusi wa'm naa-awami - naa-awami ku enii kaa nde miya nameaniyaana wa mesema ese dadaa se enimoo se towoo taambea.
Anegisemee wa'm se enimi kumana Keditusi kaa “Mike ae,” se yanigeke bage kuwa ku Anegisemee wa'm ebo kambeaseke se bage waa. Yibanda kiyaa “Mike ae,” se nigaan tau se bage kuwa ekii kaa amanimake mina ku se de. “Keditusi wa'm sese ko wai oma ee metakea se bage waa ekii'm yabeagea yako yau kaa bikimewaapea se oma mugo dodo se mee to. Yabeapea ko yabeapea koya, endo tau. Endo ko wai ese asiyoo kam asiyoo ee oyu kiyaasi na se oma to mugo dodo se mee to kidai,” se enimi.
Aba! Eki ko eki Anegisemee wa kaa nuwa, enii'm ebo toke se Tuhani, Yesiusi wa kaa nuwa, akaai kaa yaepi kimapea se bage waa. Akaai kaa yaepi kimagea yako ku kaa kiyoo kam ni'm eki tao kaa-awaa waa bada ae se kao wiya aoo. Ona me ko me Anegisemee wai wa'm aii se dama katoyaabuu nai me agi kiwoona ese dama katoyaai waa bada ae, se kaanigeke, me ona. Ona me ko wa'm widigi tau se dimina kakumamoo nai me nde miya agi kiwoona ese oba kakumawoo nai waa bada ae, se kaanigeke, me ona. Ku wiya ku kaa-awataa waa bada ae, se kaanigimana “Aba, aba,” se kaseo.
Anegisemee wa'm sese ko ku ese asiyoo abayai sese waa. Kena wa'm dimina da nde miya ese dama se dimina da, eneke sekii tau. Kum seta kaa, ku kaa kiyoo kam Anegisemee wai “Ni'm bage kaae,” se mina nawoewemi. Se mina nawoewemi se dodo waa ko enii wa kaa yaepi kimamea. Kena enii'm wa kaa yaepi kimea kumana Anegisemee wai omiwoo towoo sisi na se kao ku nuwa, kena wa'm gai-gai awasi na se-kao we-kao ku nuwa, ku en'ndo otuma enii tao nemi. Wa'm yaa mani da me kaa kiyoo ku se ku nemi.
Ku kindo ko mbae da mina ku si yitona ndo Yesiusi Keditusi wa'm aii se dama katoyaabuu nai ku kaa kusipimana dama sese ku ndo agi kiwoo towoo taae. Waya wada nda wa'm sese ku kaa nde miya epi kiwoo taae. Enii'm ebo toke se Tuhani, Yesiusi Keditusi me me, wai enii'm woo-woo se kaa em si nadana ndo dama natoyaabuu nai se mee to. Ku kumana wa ekaa da ebo yambeana yapapa siwoo taao ndo sekii. Endo kam wado kisena omiwoo towoo semuu taasea kui. Ni, Petadusi, ni'm mina se naa aoo.
Enii'm Keditusi kaa dema-dema mina ku nuwa, enii'm yema-yema mina ku nuwa, ku kaa aii se kanige-maneo se ku tau. Dee, enii ko enii Anegisemee Naamee mesema, Wayombai Yesiusi Keditusi me mesema ese dadaa se enimoo. Enii ndepo ese dimina ona ndo se enimoo. Kiyoo kam enii'm kanige-maneao kan sipa mina ku kaa kiyoo eki nde miya enii mesema dipinimana enii papi enimoo kaao na se mina da kasipa.
Yesiusi mesema yape se bage waa kasipa ku ko eduga ko ekii enii mesema andagata siwoo simea se bage waa. Ku koya waya wadobo enii mbo kam nagimitana pemea se bage waa. Nagimitana peta mugo ndoe ekii'm dimina ku uwa da kaa nadeyaabuu sipea. Se nadeyaagea yako “Ai, ai, ku enii mbaya bage tau se bage waa ae,” se ku yanigaao sekii kidai. Kase enta mugo ndoe, ku enii mbaya bage se waa, ekii'm nagimitagea mugo kuwa si nagimitayaa ae, se nigeke.
Ona me ko enii ese mike se Anegisemee wa kaa yaepi kisi na Anegisemee Yombai wai enii mbo memana enii'm dimina nda ku nawadaniyaabuu sipi, me ona, wido. Waya kiyoo kam ona me ko enii ese mike se Anegisemee mesema Wayombai, Yesiusi Keditusi me me, enii akaa mesema dipinimana enimoo se bage waa se towoo nakea ae, se nigeke me ona, wui. Ku wui kuwa ku enii'm ese epi kitakea se mina waa. Ni'm kaseao kan sipa mina me ko me se de. Ese mike toi se Anegisemee me ko me Yesiusi Keditusi. Wa ko wai enii tao omiwoo towoo natoyaabuu nai se mee to mei! Se kaseao kan sipa.
Sanasan