Pidipi 3:6 - Anegisemee'm Mina Kapuge

⁶ Ona me ko ni'm dimina ese Anegisemee mbo kima kumana Yesiusi kaa andagatagea se bage waa ku kaa bodi yaababa siyaabuu sima, bidimi. Kena ona me ko Anegisemee'm okaa mee tupisi na mina ku yaa mu-mu se me ko ni ese ona kaa miya si taman ndo, dama ndo yaa mu-mu siwoo sima, dada. Dee, mee'm dama awake ku kaa kiyoo Siduga pakeao sekii waa, ni'm awawoo sima kuwa, ku mike koma kam koma wado kumana Siduga maa me kaa mike pake-toyaa sima.

Pidipi 3:6 Iomraidhean Croise

Mandiusi 23:25

Kena Yesiusi wa'm waya se asina ko “Musia'm kapuge epi se bage waa nuwa, Padisi mbaya bage waa nuwa, eki'm uwa da kaa awake ku ndumbo koya eki'm dimina kupoo se kadeo,” aseke. “Kase enta mugo ndoe, eki'm uwa da kaa awake ku deao disi koya eki'm dimina nda koo nigi si pe se me ese oyu kan mee'm kao maseao kan mee deba se se dimina da waa me ndo! Eki kaa to eki yimbi maneao be se dimina me nde miya aoo se kadeo,” aseke. “Ku kaa kiyoo widaa ndeo! Eki'm moo wado kiyoo ese dimi bodi aya kadotaa taanki ndeo!” aseke. “Kase enta mugo ndoe, ni'm kadena ko eki'm sese ku pidini mesema keo ku kaa maa aoo se dodo me kaa eba da kaa ndo wiseke koya epuyiba maa ku si wiseke mugo dodo. Me eki'm sese kui, se kadeo,” aseke.

Mandiusi 5:20

“Ku kaa kiyoo kam ni'm kaseao kan sipa mina me ko me se de. Musia'm kapuge epi se bage nuwa, Padisi mbaya bage nuwa, ku bage kuwa ekii mee'm emaa misi kaa Anegisemee'm okaa tupina mina ese oyu kan yaa mu-mu nakea se bage waa se detakea. Ku koya ekii'm ndumbo awawoo nakea sese ku Anegisemee'm emaa misi kaa sekii tau sese waa. Kum seta kaa ekii'm sese dawaana ese asiyoo kam asiyoo ndumbo ndo awake kipii kindo ko ku mugo bage ku ndo sekii. Ku mugo dim ndumbo se bage waa ku ndo Siduga maa kaa kiyoo Anegisemee'm guna miyo pi-tuwaao sekii se bage waa, kam tau. Se kaseao kan sipa,” aseke.

Dukasi 1:6

Akaa papi Anegisemee emaa misi kaa ese dimina ndumbo se bae to. Ese dimina ndumbo se bae to kumana ko omiyaa siyaa ku ndo Anegisemee'm mina yito, yito, yito semuu nakea. Anegisemee'm mee tupina mina ku nde miya mbeenaa kaa miya yatamaao be se bae to.

Edaseo Bage 21:20

Paudusi wa'm yanige-manepi mina yemana ko ku penatuwa bage kuwa ekii ese “Anegisemee paamee! Mataae!” se aseke. Ekii'm se aseke koya wa-nini mina kaa ekii'm Paudusi se asina ko “Nikinaamee woe. Dee, Yesiusi kaa ‘Mike ae,’ se nigeke se Yahudi bage waa ku ese eaao kana. Ese oba aoo. Kena ku oba kuwa ku otuma ese Musia'm kapuge tupina mina kaa ese dimina ona ndo kan yaa mu-mu nakea se bage waa,” aseke.

Edaseo Bage 22:5

“Ku dim dake mina tau. Ese ata emi tau ebo se imam mee to me nuwa, Yahudi bage'm ebo mina dasi na se ebo bage waa ku nuwa, ekii ni'm sese kui se nademea. Ni'm kaseo mina ku ekii mbo ni kaa pi-ase-degea waa, ekii'm kasina ko ‘Paudusi'm kasipi mina ku mike mina kasipi,’ se kasiyaa. Kase enta mugo ndoe, eduga ko ku ebo bage kuwa ekii kapuge waa nemea. Ekii'm nemea kuwa ku eniikinaa bage tao, Damesiki okaa yoo togea se Yahudi bage kuwa ku tao dosi na nepea se kapuge waa. Ku ekii'm ‘Bada o. Yesiusi mbaya bage em yadasi na ku yaa wedona Yedusedem okaa yoo pi-mbeaseke, bada o,’ se nasisi na se kapuge,” aseke. “Kena ku se ku awaao kan Damesiki okaa yoo peao kan pema,” aseke.

Edaseo Bage 26:5

“Dee, eduga ko ni Padisi mbaya bage mesema anewena ekii'm sese awawoo sima se mee to. Ku Padisi bage kuwa ku Yahudi bage'm ese Anegisemee'm okaa mee tupisi na mina ese, ese oyu kan yaa mu-mu nakea se mbaya bage. Kena eduga ko ni namba kui. Ese eduga kam ata Yahudi bage naaepi kumana ekii gai kipii ‘Mike, eduga Paudusi wai Padisi mbaya bage sese ese oyu kan yaa mu-mu siwoo simi,’ se kasiyaa,” aseke.

Edoma 7:9

Ni'm eduga toma yoo kiyoo ko Anegisemee'm okaa mee tupisi na mina ku kaa si nige-neke ndo. Se tutai se dodo waa ko “Ku awaae. Ku si awaae,” se mina ku kaa epi kumata mugo ndoe, ni'm woo-woo taao gai se dimina da me nde miya ese oyu kidai.

1 Kodintusi 10:32

Waya wada nda Yahudi bage nuwa, Yahudi tau se bage nuwa, Anegisemee kaa andaga semagea se bage waa ku nuwa, ku mugo bage se ku ekii'm dimina ku Anegisemee kaa abu-gabu siyaake sese ku mbeenaa kaa miya si awaae.

Pidipi 2:15

Kase enta mugo ndoe, endo se gumba maa kaa togea bage ku ko ku dim kupoo se bage waa. Ku peu-pau awawoo semuu nakea se bage waa. Aii tuku nda togea se bea da bage waa mugo dodo. Ku kumana eki ko ogu bage tao osee yaawake se bage mugo dodo kaae. Aii ndee nda wiki-wiki nakea se okude waa ku mugo bage waa dodo kaae. Kena ku mugo osee yaawasea na Anegisemee wa'm yopaa se bage waa ekii'm inda-banda ku ndo awawoo taae. Si maaneke se kao ona kaa miya si awaae. Mee'm emaa misi kaa ndumbo se kao ku ndo awawoo taae. Woo-woo se kaa miya emi tau se bage waa kaae.

Pidipi 3:9

ese wa mesema dipinimana ona ndo kaao kan, wa-nini kao ku mbeedi se deo. Yesiusi wa ndo ebo ae, se dimina me ndo nigitaka. Endo ko ni, ni kaa to dimi ndumbo kiyaao kan Anegisemee'm okaa mee tupisi na mina dito se se ku tau. Keditusi kaa “Mike ae,” yanigeke me ndo. Kase enta mugo ndoe, wa kaa “Mike ae,” yanigeke kipii kindo ko me kaa kiyoo ndo Anegisemee wai dim ndumbo nakiyaao sekii. Ni'm awake-awake ku kaa kiyoo tau.

1 Timotiusi 1:13

Kase enta mugo ndoe, eduga ko ni Anegisemee kaa yaekayaa sima se mee to. Kena wa'm bage ku kaa nde miya bodi ababa siyaabuu sima. Ese dim'mba tau si maaniyaake kao ku yaawawoo sima. Ku se ku awawoo sima koya ku kaa em nadaan tau. Dee, wa'm nadena ko ni Yesiusi kaa “Mike ae,” se nigaan tau kumana si nige-neke kan peu-pau ku ndo awawoo sima se naademi. Ku kaa kiyoo wa'm nagane kan em nadaan tau. Em nadaao daan simi koya