Pidipi 3:4 - Anegisemee'm Mina Kapuge

⁴ Mee tuma kaa bage ekii dama ndo awawoo semagea yako Siduga pakeao sekii waa, ni'm awama-awama ku mike dama sese ku ndo kumana ku kaa kiyoo Siduga maa me kaa mike pake-toyaa. Ogu bage ekii'm nigina ko “O, ni ese dama awawoo sipa ae,” se nigigea koya tau. Ekii'm awake ku mbeedi. Ni'm awake ku ese asiyoo, mike koma.

Pidipi 3:4 Iomraidhean Croise

Dukasi 8:18

“Ku kaa kiyoo Anegisemee wa'm mina ku dama yito taae,” aseke. “Kase enta mugo ndoe, dama yito nakea se bage ku ko ku Anegisemee wa'm waya wadobo nde miya yipi se mina yanige-mane siwoo taambi se bage waa. Koya wa'm mina yito taao be se bage waa ku tau. Ku mugo bage ku yipi se mina si yanige-maniimbi se bage waa. Waya wada nda ekii'm eduga yemana ‘Ku ni epi ae,’ se nigeke mina waa ku nde miya yakadewiimbi se mina waa,” se aseke.

2 Kodintusi 5:16

Ku kumana, endo kam wado enii mee agumee ndamata mugo ndoe, enii mee tuma kaa bage enii'm emaa misi kaa deao sekii se kao ku ndo ndamake se ku tau. Wa'm dimina da me nde miya ndamake. Dee, eduga ko enii Keditusi yandamata mugo ndoe, enii'm emaa misi kaa deao sekii se kao ku kaa kiyoo, “O, wai aii miga mee to ae,” se yademea. Ku koya endo ko tau. Endo ko “Wa ese wa-nini se mee to ae,” se yadetakea.

Gadasiya 2:15

Yahudi bage one damea se bage waa ku ese mbeedi kam ata Anegisemee'm okaa mee tupisi na mina epi se bage waa. Ku kaa kiyoo kam Yahudi bage ekii'm nigina ko “O, Yahudi tau se bage eki'm sese wa-nini. Ekii, Anegisemee'm okaa mee tupisi na mina eo kumana ku ese woo-woo semuu nakea se bage waa ae,” se nigitakea.