Ku mike kaseo. Omiyaa siyaa ku ndo ni eki kaa Anegisemee mbo kaasetoo semuu naka. Anegisemee nadito nai kumana dimi kadake sekii tau. Ese mike mina ndo kaseo. Me Anegisemee me me, wa kaa ni dimi wiya-wiya se dimina mbeenaa kaa miya emi tau. Ni ko ni wa kaa wa tao masii yaamaseao kan Wayombai kaa dama se mina kuwa ku mee mbo donaa asinaa naka.
Pidipi 3:3 - Anegisemee'm Mina Kapuge3 Kase enta mugo ndoe, enii ko enii paita endii da-mbeaseke se ebeabea da awaan tau se bage koya enii ko enii ese mike Anegisemee mbaya bage waa kimea. Dee, enii wa mbaya bage kisi na enii'm awaao sekii se kao ku mbeenaa kaa miya dito taan tau. Enii'm dito se me ko me Keditusi Yesiusi wa'm naawami ku ndo. Ku kaa ndo enii “Mike ae,” nigimana Keditusi ekaa da ebo yambeana “Paamee! Awanke! Awanke!” se yanigiwoo naka. Waya wada nda Anegisemee Dim'mba wa'm yaa mani da me kaa kiyoo Anegisemee kaa yapapa semuu naka. Dee, enii'm awaao sekii se kao ku enii'm mbeenaa kaa miya si dito se kao. Faic an caibideil |
Pidipi 3:3
32 Iomraidhean Croise
Eduga ko enii Musia wa'm wudumami se kapuge ku guna miyo tomea. Ku guna miyo tomea se gumba ndoe, enii'm sese ko yaa pineasipea se bage waa mugo dodo. Ku kapuge ku nda natupisi na mina mbeedi mbeaseke sekii tau. Aii nagadimiyaake ndo se tuta simea. Eduga se tomea koya endo tau. Dee, enii Yesiusi mesema dipinimana boke kumana enii Anegisemee'm okaa mee tupisi na mina ku guna miyo kam yaa naekatana napeyaapi kidai. Ku kumana endo ko enii Anegisemee'm gai-gai yaawanaa taao kan yipi sese aoo. Me yipi sese me ko me okaa mee tupisi na mina dito se se ku tau. Me Anegisemee Dim'mba'm nakumake mina ku ndo dito se. Se.
Eduga ko enii'm moo wado ebo toke se dimina da me nawidaa-widaa se dimina da. Kena wadobo Anegisemee wai wa'm Dim'mba enii tao nemi se dodo me kaa ko me wa'm guna miyo widaake kan tosi na nemi se ku tau. Kase enta mugo ndoe, Anegisemee wai okaa se yopaa waa nakiyaao kan wa'm Dim'mba enii tao nemi. Wa'm Dim'mba enii tao nemi kumana endo ko wa'm Dim'mba wa kaa kiyoo enii si widaana ndo Anegisemee mbo “Naamaa! Maa woe!” se aseao sekii.
Ese asindaa se kao nuwa, ese yugindaa se kao nuwa, ku nde miya iyo. Anegisemee'm anegi semami se-kao we-kao ku en'ndo otuma ku nde miya mike iyo. Enii'm Tuhani, Yesiusi Keditusi me me, wa'm naa-awami ku kaa kiyoo Anegisemee'm naembaake se dimina dano kiyaake sekii se kao ona kaa miya emi tau. Aii si dan ndo naembaawoo semuu taambi ndo. Kui!
Wa kaa “Mike ae,” se nigaao be kumana Anegisemee wa'm eduga awaao kan simi mina, wa'm Abedaham mbo asimi mina kuwa, ku ba-gamitana aii bada kiyaasi yee? Tau na! Dee, Anegisemee wa'm emaa misi kaa kiyoo Yakubi wado one dake se bage waa ku otuma okaa Isedeo bage waa se ku tau. Wa kaa “Mike ae,” se nigeke bage ku ndo wa'm okaa Isedeo se bage waa se detai. Ku mugo bage ku wa'm dama aya mike yadotaa taasi se bage waa, wa'm aii dodo amanimami mina mugo dodo.
Kena waya wada nda Ibedisi mbeedi mbeaseao kan se mina ona ndigi. Mina ona ndigi me ko me se de. Anegisemee wa'm enii tao naanegi semami kao ku yaa mu-mu sita mugo ndoe, omiyaa siyaa ku ndo Anegisemee mbo asetoo siwoo taae. Anegisemee mbo asetoo taao kan dimina wodoneae! Dimina wodonita mugo ndoe Anegisemee Dim'mba'm kakumamoo nai mina ku otuma masewena asetoo siwoo taae. Kena asetoo se mina ona ndo mugo se ku tau. Asetaake se mina nde miya, edaake se mina nde miya ku se ku si dan ndo asetoo siwoo taae. Kena Anegisemee wa mbaya bage en'ndo otuma ku kaa nde miya si dan ndo yaasetoo siwoo taae.
Me kapuge me ni, Paudusi, ni'm wudumama kapuge. Kena Timotiusi wa nde miya ni mbo aoo. Ana ko Keditusi Yesiusi wa'm wa tao ndanda yaawawoo naka se bage waa. Me kapuge me ko me Pidipi okaa yoo togea se Yesiusi mbaya bage waa, eki tao kapuge. Eki ko eki Keditusi Yesiusi nda dipinimapea se bage waa kumana Anegisemee wa'm wa tao dimi se bage waa, eki ko. Ku kindo me kapuge me eki tao eewee. Aii Yesiusi mbaya bage ku nuwa, eki'm penatuwa bage waa ku nuwa, eki'm diaken bage waa ku nuwa, eki Yesiusi mbaya bage en'ndo otuma eki tao kapuge eewee.
Eduga ko ni Yesiusi Keditusi wa'm sipi mugo dodo kiyaasi na wai ni kita wa mbaya bage nakiyaami. Se nakiyaami koya endo se gumba ni ese wa'm sipi mugo dodo se mee to se ku tau. Ni'm awake-awake, eneke-eneke, nigeke-nigeke ku otuma ese wa'm sipi mugo dodo kaan tau. Ku koya wa'm sipi dodo nakiyaake me ni'm ese “Oowoo,” se kao. Ku kumana omiyaa siyaa ku ndo wa'm sipi mugo ekokeduwaao kan ese oyu kan awa-de semuu naka.
Wa'm sipi mugo dodo kiyaasi na se kao waa ku ndo dimina ona ndo kan yaa mu-mu naka se kao waa. Ku mugo yaa mu-mu naka kipii kindo ku kaa kiyoo ko Anegisemee wai “Siduga maa kaa nakayoo pakee,” se nasemana dama aya nadotaasi. Dama aya nadotaake se dodo me kaa ko ni Keditusi Yesiusi nda dipinimai yako wa'm sipi mugo dodo se nakiyaasi. Wa'm ni tao naawaao gai ku me gado mike pi-naapamiyaasi.
Yahudi bage ekii'm sese ko ekii paita endii da-mbeaseke ebeabea da awake. Kena eki namba Keditusi mbaya bage kimea se dodo me kaa ko eki kaa da-mbeaseke ebeabea da kaawami koya mee'm yaa da'm paita endii da-mbeaseke ebeabea da se ku tau. Me Keditusi wa'm ndo mee tuma kaa dimina kada-mbeasimi mugo dodo.
Ku koya ese kaembaake se nemugoi nakawaa, eki'm sese wa-nini. Dee, eki ko eki Anegisemee wa'm kaembaake se bage waa. Wa'm kaembaake ku si andibuu taae. Ku kaa dama kusipimana tuwaae. Ku kaa dama kusipimana tuwaao kan ona me ko Anegisemee'm mina, eki'm “Mike ae,” se nigimamea mina kuwa ku kaa si andibuu taae. Ku ese ndumbo, ese si maaneke kaa miya emi tau se mina waa koena. Ku mina ku kaa tukuu wemana en'kiki kiwoo semuu taae, me ona. Ona me ko Anegisemee Dim'mba wa'm kakumake mina ku masewena waya wa'm yaa mani da me kaa kiyoo kam Anegisemee mbo asetoo siwoo taae, me ona. Ku wiya ku awawoo se kipii kindo ko me Anegisemee wa'm kaembaake se dimina me kaa kusipimake sese mugo dodo. Kena ku se ku yaa mu-mu se se dodo me kaa ko enii'm Tuhani, Yesiusi Keditusi wa ko wa'm waya ukaasi yoo me kaa nde miya yadito siwoo taae. Kase enta mugo ndoe, Yesiusi waya ukimana ndo waa ko wai enii tao aii se nagane kan omiwoo towoo natoyaabuu siwoo taasi koena.
Sanasan