“Ku mugo yaa, endo se gumba eki ese dim dano-dano se aoo ko aoo koya waya wadobo ni eki mesema ade semaata mugo ndoe dimina bani-bani taasea. Dimina bani-bani kina dai kaa waa ko bani-bani ndo se tuta siwoo taasea. Me mugo bani-bani se dimina da me mee'm kadano kiyaao kana se dimina da koena,” aseke.
Pidipi 1:26 - Anegisemee'm Mina Kapuge26 Waya wada nda ni eki mbo pemana ade taata se dodo me kaa ko eki'm nadegea yako bani-bani se kan Keditusi Yesiusi kaa “Paamee. Mataae,” se asiisea. Ku se ku nigimaa yako “O, endo se gumba buwaao be ae,” se nigeo. Faic an caibideil |
Pidipi 1:26
14 Iomraidhean Croise
“Eduga nde miya, endo nde miya ni'm se kadena ko eki ni ekaa da kaa edaake mina me ona kaa miya yaedaan tau, se kadepa. Ku kindo ko ni ekaa da kaa Anegisemee mbo yaedaake bada. Eki'm yaedaapea kao ku kaniisi koena. Waya wa'm kanewoo nai ku kaa kiyoo kam eki'm bani-bani se dimina da me ese asiyoo kam asiyoo wa-nini kaasea,” aseke. Yesiusi wa'm se asimi.
Ni'm kasipa mina me ko me enii kaa to eki'm emaa misi kaa ese ebo se bage ae se nadesi na se mina se kaseao kan sipa se ku tau. Ku kumana “O, Paudusi, wamugoi nakawaa mesema, ekii kaa to waya apaao gai ae,” se dimina me si nanigaae. Ku koya enii'm kaseao kan sipa me ko me se de. Eki mbo kiyoo ebanaa bage ekii'm dimina si maaneke aoo koya ekii'm uwa da kaa awake-awake ku kaa ekii kaa to ese apake aoo. Kena ku mugo bage ekii enii kaa se nasina ko “Paudusi nuwa, wamugoi nakawaa ekii'm sese si maaneke aoo. Yai, ku kase bage bage waa?” se naseke. Ekii'm se naseke kumana ekii'm mina ku mbeedi mbeaseao sekii kisea na “Tau, Paudusi mesema wamugoi nakawaa ku dama ndo awawoo nakea,” se asisea na se mina ku kanige-manepa nde. Enii kaa naapaasea na se mina se ku tau.
Kase enta mugo ndoe, Titusi wai eki mbo kameyaan tau yoo ni eki kaa kaapake mina wa mbo asima. Mbae da mina se ku tau. Ese eki'm sese kui se mina waa ku ndo kaapake. Eduga ko enii'm eki mbo eniwoo sima mina ku mbae da mina kaeniwoo sima yee? Tau na! Ku mugo yaa, wadobo nde miya ni'm Titusi mbo kaapama mina ku otuma ese mike mina ndo kaapawoo sima. Se kaapawoona ndo waa ko Titusi wai eki mbo memana wa'm demi-demi otuma ku ni'm kaapama mina waa kui se kademi. Wa-nini sese kademi waa, ni ko ni ego kiyaa. Ku koya otuma kui se kademi kumana ni eki kaa ego kaan tau.
“Eki'm sese ku ese maaneke ae,” se kanigeke. Ese mike dimina ona ndo kan se kanigimaa yako ni'm uwa pana kaseao gai se mina ku se de. Ni eki kaa ese kaapake aoo. Waya eki'm sese ku kaa nigi si pe sita mugo ndoe, ni'm dimina natakuniyaake ku se ene. Dee, enii'm toke yoo ese widigi aoo ko aoo koya tau. Eki kaa kanigi si pe sita mugo ndoe, enii'm bani-bani se dimina ku ese asiyoo kam asiyoo wa-nini kidai. Eneke sekii tau.
Kena mina ona me ko enii mee otuma ndanda aoo. Ebanaa ebo se ndanda, ebanaa mbeedi se ndanda. Ku koya a'm yaa da kaa aoo se ndanda ku a'm ndo yaa mu-mu taao ndo bada. Kena a'm ndanda yaa mu-mu se se dodo me kaa a kaa to bani-bani sisi na mee agumee'm awake-awake ku si ndamaae. “O, wa'm awake mbeedi. Ni'm awake ebo, ae,” se mugo dimina ku si nigaae. A'm awake-awake ku ndo amba-dena “Dama awapa ae,” se amba-deta mugo ndoe, me kaa ndo bani-bani taae. Se kaseao kan sipa, me ona.
Yesiusi kaa eniikinaa bage waa woe. Ni'm ese pake takanu mina ku se de. Eki ko eki Tuhani nda dipinimagea yako bani-bani siwoo taae se kaseao kan sipa, me ona. Kena ona me ko ni'm eduga kaawudumama se mina kuwa ku endo nde miya waya kaawudumaao gai. Waya wadobo dodo se mina kaawudumaao yambayaa se dimina me ni'm mbeenaa kaa miya emi tau se dimina da. Kase enta mugo ndoe, ku mina ku ko ku eki'm dimina da waa ku kaedimisi na se mina waa kumana ku ni'm ese gai kan waya wadobo nde miya, waya wadobo nde miya kawudumei siwoo taao gai. Se.
Kase enta mugo ndoe, enii ko enii paita endii da-mbeaseke se ebeabea da awaan tau se bage koya enii ko enii ese mike Anegisemee mbaya bage waa kimea. Dee, enii wa mbaya bage kisi na enii'm awaao sekii se kao ku mbeenaa kaa miya dito taan tau. Enii'm dito se me ko me Keditusi Yesiusi wa'm naawami ku ndo. Ku kaa ndo enii “Mike ae,” nigimana Keditusi ekaa da ebo yambeana “Paamee! Awanke! Awanke!” se yanigiwoo naka. Waya wada nda Anegisemee Dim'mba wa'm yaa mani da me kaa kiyoo Anegisemee kaa yapapa semuu naka. Dee, enii'm awaao sekii se kao ku enii'm mbeenaa kaa miya si dito se kao.
Pidipi bage waa woe. Ese eduga kam ata ku ko eki ni kaa nagane kiwoo simea. Nagane kan se nanigina ko “O, ogiyoo Paudusi wai dama toke ee, tau ee?” se nanigita simea. Waya na kiyaa onu oba omimea eki ni tao dama tosi na se kao ku neao gai koya eki'm neao gai ku iyo. Aii bada kimea. Ku koya endo se gumba ko eki'm ni tao dama tosi na se kao neao gai ku mee kaa yamatana naado-memea. Se naado-memea kumana eki ni kaa nagane se dimina ku waya uwa da kaa deao sekii kidai. Ku kaa kiyoo, ni ese bani-bani se kan Tuhani mbo “Paamee,” se asetoo naka.
Sanasan