Pidipi 1:18 - Anegisemee'm Mina Kapuge

¹⁸ Ku kindo ko Keditusi kaa mina eniwoo nakea se bage mbaya wiya aoo. Ona me ko peu awaao kan mina eniwoo nakea se bage waa. Ona me ko dama awaao kan mina eniwoo nakea se bage waa. Ku mbaya wiya ku aoo ko aoo koya ni'm nigina ko ekii'm awaao kan sipea ku mbeedi. Ese ebo se kao me ko ku mbaya wiya akaa ndepi Keditusi kaa mina eniwoo nakea kumana ku kaa kiyoo ni bani-bani se aoo. “Bada o. Awas, ae,” se nigeo. Mike mina kasiinka ndeo. Endo ko ni bani-bani se aoo. Kena waya wadobo nde miya bani-bani siwoo taata.

Pidipi 1:18 Iomraidhean Croise

Mandiusi 23:13

Kena Yesiusi wa'm waya se asina ko “Musia'm kapuge epi se bage waa woe. Padisi mbaya bage waa woe. Eki ko eki'm uwa da kaa awake ku mee'm emaa misi kaa ndumbo koya eki'm dim'mba nda nigitakea ku kupoo ae se kadeo. Ku kaa kiyoo kam eki'm si maaneke sese ona me ko eki gine eba se bage waa mugo dodo se kadeo. Kase enta mugo ndoe, eki'm mike tau se tupeke mina waa ku kaa kiyoo Anegisemee wa guna miyo pi-tuwaao gai se bage waa, ku kiyoo pi-tuwaao kana se yakiyaabuu nakea. Ku eki'm yayaamoo nakea koena. Ese gine kaa apu-dapu nakea mugo dodo. Kena eki nde miya Anegisemee guna miyo tuwaao be, se kadeo,” aseke. “Eki'm se awake kumana, widaa ndeo! Eki'm moo wado dim bodi se aya kadotaa taanki ndeo!” se aseke.

Madakusi 12:40

“Kena ona me ko kogaa ambii waa ekii'm ee waa ku nuwa, se-kao we-kao ku nuwa, ku oma yamaseao kan yadeba siwoo nakea, me ona. Kena ekii mee'm emaa misi kaa ‘Ai, ai, ku ese dimi bada se bage ae,’ se yanigisi na ekii'm Anegisemee mbo asetaake mina kuwa ese mani si dan ndo aii uwa da kaa asetoo siwoo nakea. Se awatakea me ona,” aseke. “Ku mugo peu sese waa awawoo nakea kumana ku mugo awatakea se Musia'm kapuge epi se bage waa ekii kaa em yadaasi yoo me ese asiyoo kam asiyoo em yadaasi,” se aseke. Yesiusi wai ekii mee kooda waa se yatupimi.

Dukasi 9:45

Yesiusi wa'm se asipi koya wa'm aseao kan sipi mina ku ekii si nige-neke ndo. Me mbao kaa mina se ku ekii'm dimina yawadaniyaan tau kumana aii si nige-neke ndo se takea. Si nige-neke ko si nige-neke koya “Me kase bage mina ee?” se ku aseao widaana aii koo tomu se ndo. Yesiusi wa'm tupinaa simi bage waa ekii'm se awamea.

Dukasi 9:50

Yohanesi wa'm se aseke koya Yesiusi wa'm asina ko “Tau na! Mbeedi kambeaseao be se bage waa ku eki'm yape bage waa se ku tau. Waya na kiyaa, ku eki mbaya bage anewepea se bage waa mugo dodo kumana me mugo mee to me si yayaamoo taae,” se aseke.

Edoma 3:9

Ku kindo Yahudi bage ku ko ku Anegisemee wa'm emaa misi kaa mbeenaa asiyoo ee? Yahudi tau se bage ku mbeenaa miyo ee? Tau na! Ku tau de. Enii otuma dodo ndo se katupipa. Yahudi bage nuwa, Yahudi tau se bage nuwa, enii otuma enii'm woo-woo se ku guna miyo toke kumana enii otuma dodo ndo kidai.

Edoma 6:15

Enii'm moo wado ebo toke se kao me ko me Anegisemee'm okaa mee tupisi na mina se ku tau. Me Anegisemee wa'm aii se dama natoyaake se dimina da me ndo. Me dimina me ndo enii'm moo wado ebo toke kumana “Ai, ai, endo em si nadaambi kumana waya woo-woo taanka ndeo,” se nigeke bada yee? Yai, ku tau de! Ku mbeenaa kaa miya si nigaao ndo bada!

1 Kodintusi 10:19

Ni kase kaa kaseao kan sipa ee, tau. Mee'm epipi se se mbae da anegisemee ku ese iyaao tutakea se kao, se kaseao kan sipa se ku tau! Eé, mbae da se anegisemee tao daa yambembo se noke kao ku ese me kaa ama emi tau noke kao se kaseao kan sipa se ku tau.

1 Kodintusi 14:15

Ku kindo ni mbao awai ndo naa bada kaambi ee se nigi si pe sita mugo ndoe, ni'm nigina ko ese maaneke sese me ko me se de. Anegisemee mbo asetaake se dodo me kaa ko Anegisemee Dim'mba wa'm yaa mani da me kaa kiyoo ni'm eo se ebe kaa mina ku ni'm dim'mba nda kam Anegisemee mbo asetoo se. Ku koya ni'm epi se ebe kaa mina ku kaa nde miya asetoo siwoo taamba. Kena euu mina eneke nde miya dodo. Ebanaa gado ni'm eo se ebe kaa mina masewena ni'm dim'mba kaa kam euu mina patatana Anegisemee kaa yapapa se. Yibanda kiyaa ebanaa gado ni'm epi se ebe kaa mina ku kaa nde miya euu mina patatana Anegisemee kaa yapapa se. Akaa ndepi awake kipii kindo ko me maaneke kumana eki namba dodo awaae.

1 Kodintusi 15:11

Ku kindo ko ni'm tupeke mina wa-nini. Ogu Edaseo bage ekii'm tupeke mina wa-nini, se ku tau. Enii ndepo Keditusi bona maa poo yoo ndomake mina me ndo tupiwoo naka. Me mina me ko me ese eki Kodintusi bage eki'm “Mike ae,” nigimamea se mina mei!

Pidipi 1:19

Kase enta mugo ndoe, ni ese dimina ona ndo kan se nigina ko “Endo se gumba ni'm toke yoo me si maaneke aoo koya anikee waa yaa naekatana naadano kiyaasi, ae,” se nigeo. Mbao kaa se nigaao sekii ee? Tau. Ona me ko eki ni kaa Anegisemee mbo naasetoo siwoo nakea, me ona. Ona me ko Yesiusi Keditusi wa'm Dim'mba wai dama namaaniyaabuu nai, me ona. Ku wiya ku kaa kiyoo “O, yaa naekatana naadano kiyaasi ae,” se nigeo. Ku kaa kiyoo ni bani-bani se aoo.