Pidipi 1:14 - Anegisemee'm Mina Kapuge

¹⁴ Waya wada nda, ni'm yaa napinea sipea se ku nadegea yako Yesiusi mbaya bage, ese oba mugo, ekii'm Tuhani kaa dimina ese magi tau se yakiyaabuu nai. Ese magi tau yakiyaana se nigina ko “Ai, ai. Tuhani wa'm yaa mani da me Paudusi tao manii yako enii tao nde miya namaaniyaabuu taambi, ae,” se nigigea. Ekii oba mugo se nigimagea yako ekii'm mbugu se dimina me mbeana widaa tau kan Anegisemee'm mina eniwoo nakea. Ku kaa kiyoo ni'm yaa napineana peniyada ee nda toke ko toke koya, tau. “Bada kee peniyada ee nda nadomaamea see,” se ku ndo nanigaao sekii.

Pidipi 1:14 Iomraidhean Croise

Madakusi 3:3

Yadito sita mugo ndoe Yesiusi wai yaa mbembe se mee me se asina ko “Ai inewee! Ai enii emaa misi kaa kiyoo inewee,” se aseke.

Dukasi 1:74

Wai enii'm yape bage ekii'm yaa da kaa kam yaa naapatataao kan mepi. Enii'm yape bage ku yaa naapatataasi kumana ko enii ko widaa tau kaasea. Widaa tau kumana ko Anegisemee wa kaa wa tao masii yaamaseao sekii kaasea.

2 Kodintusi 3:12

Ku kaa kiyoo kam enii ese dimina ona ndo kan se nigina ko “Ai, ai. Anegisemee wa'm yipi se okaa mina me taa keoyaao kana se mina kumana ku enii tao dama natoyaabuu taasi se mina waa ae,” se nigeke. Se nigimagea yako enii ko ese dim mbugu tau kan ku mina ku ese uwa pana mee mbo eniwoo semuu naka ndo.

2 Kodintusi 7:4

“Eki'm sese ku ese maaneke ae,” se kanigeke. Ese mike dimina ona ndo kan se kanigimaa yako ni'm uwa pana kaseao gai se mina ku se de. Ni eki kaa ese kaapake aoo. Waya eki'm sese ku kaa nigi si pe sita mugo ndoe, ni'm dimina natakuniyaake ku se ene. Dee, enii'm toke yoo ese widigi aoo ko aoo koya tau. Eki kaa kanigi si pe sita mugo ndoe, enii'm bani-bani se dimina ku ese asiyoo kam asiyoo wa-nini kidai. Eneke sekii tau.

Epesiusi 3:13

Ku abayai dama tosea na mina kuwa ku Yahudi tau se bage eki mbo donaa asinaa se kumana ni peniyada ee nda aoo. Bodi ababa se nde miya aoo. Ni eki kaa eki tao bodi ababa se koya tau. Si dimina dano-dano kaae. Ni'm bodi ababa se ku kaa kiyoo eki dama tosi na mina yemapea kumana bani-bani siwoo taae. Se kaseao kan sipa.

Pidipi 1:20

Ese eduga kam wado ni'm oyu kan yaa mu-mu naka se dimina ku se de. Ona me ko “Ni maa kaa toke se gumba kiyoo me Keditusi wa ekaa da me ebo yataao sekii se gumba ae,” se nigi siwoo naka, me ona. Ona me ko “Boke nde miya, bada o! Bona dai kaa waa ko dama ndo omiwoo towoo taata, ae,” se nigi siwoo naka, me ona. Ku mugo dimina yaa mu-mu sipa kumana ni'm awake-awake ku otuma Keditusi ekaa da ebo yataao kan awawoo naka se kao waa. Endo kam wado nde miya ni'm ese “Oowoo,” se kao me ko me widaake se dimina me mbeenaa kaa miya emi tau kan wa ekaa da ese ebo yaatoo siwoo taao ndo gai. Ni ko ni dim mbugu kan si maaneke awaamba kipii kindo ko “Yai! Widaa ndeo! Anikee waa Anegisemee'm egi kaa kiyoo ego kaata sima! Kum seta kaa anikee waa ego kaata kao ku endo se gumba awake ku ni mike awaao be,” se nigeo. Ku kindo ko toke nde miya, boke nde miya, ni dimina ona ndo aoo. Wa ekaa da ese asiyoo yaatoo siwoo taao gai, me ndo.

Pidipi 1:7

Ni'm eki kaa kabani-bani naka me ko me aii se kabani-bani naka se ku tau. Ni'm dimina eki mbo ndigi kumana kabani-bani naka. Kena ni'm dimina eki mbo ndigi se kasipa me ko me ese ndumbo se kao. Mbao kaa ndumbo se kao ee? Tau. Anegisemee'm aii se namatami ndanda ku ni'm ndo yaa mu-mu se tau. Eki nde miya ni mesema yaa mu-mu nakea ae se kadeo yako ni'm dimina eki mbo ndigi se kasipa. Dee, ni ko ni peniyada ee nda toke nde miya eki naandibuu taan tau kumana ni'm dimina eki mbo ndigi se kasipa. Kena ebanaa bage ku Anegisemee'm dama tosi na mina si maaniyaao gai koya ku taa kisi na ni ekii mesema mina a-domoo naa-domoo naka. Kena mee waa ku Anegisemee'm dama mina me kaa “Mike ae,” nigisi na mina tupiwoo naka. Ku mugo ndanda yaa mu-mu naka nde miya ku ni'm ndo yaa mu-mu naka se ku tau. Eki nde miya ni mesema a-yaa mu-mu naa-yaa mu-mu nakea kumana ni'm dimina eki mbo ndigi se kasipa.

Pidipi 4:1

Yesiusi kaa eniikinaa bage waa woe. Ni ko ni ese, ese kaembaake aoo. Kena ni'm dimina eki kaa ese mbikana ndigi me nde miya aoo. Waya eki'm sese ku kaa nigi si pe sita mugo ndoe, “Ai, ai, ni'm eki mbo awama-awama ku aii bada kima se ku tau. Ku ese maaneke ndo se takea ae,” se kadeo. Se kadeo yako ni eki kaa ese kaapake aoo. Kabani-bani se nde miya aoo. Se. Kena kiyoo kam ni'm kaseao gai se mina me ko me se de. Eki Tuhani nda dipinimagea yako anikee waa wa'm sipi mugo dodo se bage waa se kakiyaabuu taasi. Me mina me kaa kiyoo tukuu wemana kusipimana tuwaae! Se kaseao kan sipa.

Kodose 4:4

Kena me mina me mee mbo yanige-maneke se dodo me kaa kiyoo aii mbambaneke mina kaa eniwoo se me si maaneke. Ese mee'm yeao sekii se mina ku mugo mina ku ndo eniwoo taao ndo bada. Ku kindo ku mugo mina eniwoo taao sekii kisi na Anegisemee mbo naasetoo taae.

Kodose 4:7

Kodose bage waa woe. Ni'm eki mbo kameyaapa se mee to wa ekaa da ko Tikikusi. Tikikusi wa ko wai Yesiusi kaa eniikinaa bage se mee to. Me enii'm ese yaembaake se mee to. Wai ni mesema Tuhani tao ndanda yaawawoo nai se mee to. Kena wai Tuhani tao ndanda yaawawoo se se dodo me kaa ese dimina ona ndo kan si dan ndo yaawawoo nai se yadetaka. Me Tikikusi me me eki mbo kameyaapa. Kena ni'm Tikikusi eki mbo kameyaapa ona me ko me ni'm awata-awata ku pi-kasei sisi na kameyaapa, me ona.

2 Timotiusi 2:9

Kena me dama tosi na mina me mee mbo kam mee mbo donaa asinaa sipa kumana ni bodi ababa se nde miya aoo. Ni'm eniwoo naka sese ku kaa mee'm nabeagea yako ni'm yaa-yaa, bado-bado ku besi one waa pai-nawemana peniyada ee nda nadomaamea. Ekii'm naawamea me ko me peu awapi mee to wa kaa awayaa mugo dodo se naawamea. Kena ekii besi one pai nawemagea yako ni ko ni mee mbo penaa taao kana koya Anegisemee'm dama tosi na mina me pai wemake iyo. Kum seta kaa, endo nde miya me mina me ko mee mbo kam mee mbo odeeniyaabuu siwoo nakea.