Pidemoni 1:8 - Anegisemee'm Mina Kapuge

^8-9 Pidemoni woe. Ni mbo nawisinise na mina mbeenaa aoo. Ni ko Paudusi. Ni kudoo se mee to. Ni Keditusi Yesiusi kaa mina donaa asinaa se kumana ku kaa kiyoo peniyada ee nda nadomaamea se mee to. Ku kumana ni'm kaedaao gai se mina ku nayito taae. Ni'm kaedaao gai se mina me ko se de. Onesimusi, a tao masii kaamata se mee me me, wai si maaneke kaawami koya ku si diton ndo dama yaawae waa bada ae se kanigeo. Aii se dama yaawake me Yesiusi mbaya bage enii'm sese kumana a namba wa kaa dama yaawaao ndo sekii. Ku mugo mina kaseao kan ni widaa tau. Ese oyu nde miya “Se awaa. Se awaa,” se ku katupaao sekii. Ku koya oyu kan katupaao be. Dee, a'm Anegisemee mbaya bage ku kaa ese yaembaake aoo kumana ni oyu se mina si kaseke nde miya sekii. Aii tunaa kan “A'm mee kaa embaake se dimina me kaa kiyoo Onesimusi wa kaa nde miya dama yaawae waa bada ae,” se mina ku ndo kaseao gai.

Pidemoni 1:8 Iomraidhean Croise

2 Kodintusi 10:8

Dee, enii ko enii Edaseo bage kisi na Tuhani wa ko wai ebo nambeana wa'm yaa mani da namatami. Wa'm namatami se yaa mani da me ko me si kamaaniyaasi na se yaa mani da se ku tau. Me eki'm dimina da waa ku Keditusi kaa en'kiki kakiyaabuu sisi na se yaa mani da me ndo. Ku kumana wa'm ebo nambeaseke se mina kasipa me me, me enii kaa to dodo se mina se ku tau. Ku ese mike mina kumana ni mee mbo mbeenaa oba aseke nde miya ni ego taa kaamba.

2 Kodintusi 11:21

Yai ni'm kaawawoo sima sese ese wa-nini kumana ni ego aoo. Kase enta mugo ndoe, ni ese maboo kan peu-pau kaawaan tau. Ni dama ndo kaawawoo sima kumana ego keo ndeo! Nawisinaae! Endo ko dim kapaan tau se mee to wa'm asiyaa se mina ku kasiinka ndeo. Dee, ogu bage ku dim mbugu tau kan ekii kaa to apake. Ku kindo bada o. Ekii kaa to apake mina ku ni kaa to nde miya apaanka. Ese dim mbugu tau kan ni kaa to apaanka ndeo.

2 Kodintusi 3:12

Ku kaa kiyoo kam enii ese dimina ona ndo kan se nigina ko “Ai, ai. Anegisemee wa'm yipi se okaa mina me taa keoyaao kana se mina kumana ku enii tao dama natoyaabuu taasi se mina waa ae,” se nigeke. Se nigimagea yako enii ko ese dim mbugu tau kan ku mina ku ese uwa pana mee mbo eniwoo semuu naka ndo.

Epesiusi 5:4

Kena enii'm kewii se kao ku kaa mbeenaa kaa miya mina si amoe-moe taae. Tubaka kaa mina ku nuwa, dim'mba tau se mina nuwa, ese daa, ese peu se kao ku kaa kea taambea se mina ku nuwa, ku mina kuwa si aseae. Ku nde miya enii'm aseao kewii se kao waa koena. Anegisemee kaa “Paamee, aii!” se mina ku ndo asei taao bada.

1 Teseadonika 2:6

Kena eki nuwa, ogu bage waa ku nuwa, ku se ku enii kaa “Yai, awankea! Awankea!” se nasisea na mina ku enii ese mbeenaa kaa miya kasiin tau. Ku mugo nasisea na ku enii mike nigaao be. Ku se ku enii si diton ndo ndumbo mina ku ndo kaaeniwoo sima. Ku dim dake mina tau. Anegisemee wa'm naademi kui, sima. Dee, enii ko enii Keditusi kaa napeyaami bage waa. Enii ko Edaseo se bage kumana ku kaa kiyoo “Enii ekaa da waa ebo nambeaseae! Enii'm guna miyo dama tuwaae!” se mina se ku kaseao sekii. Ku mugo mina kaseao sekii koya ku mugo mina ona kaa miya kasiin tau.