Yakop 4:1 - 阿美語聖經-新約附詩篇箴言

¹ O maan ko sakaira no kala'odo'odot ato kacacolicoli namo hakiya? Caay ko nano nika la'afa'afas no masamaamaanay a 'anof no faloco' namo saw?

Yakop 4:1 Iomraidhean Croise

Matay 15:19

Nawhani nai faloco' no tamdaw a masadak ko masamaamaanay a tatiihay a harateng. Onini a tatiihay a harateng ko sakapipatay ningra to tamdaw, o saka'odang, o saka'otit, o sakapitakaw, o sakapisamangah ato sakapilokes ato romaroma a raraw,

Yohani 8:44

O Palafoay ko mama namo. Sapido^doan kamo to 'anof no mama namo. O mipatayay to tamdaw ciira nai satapangan, o miliyangay ciira to so'linay a sowal nawhani awaay i ciiraan ko so'linay a dmak. O pinangan nira ko nipisamangah a somowal. Nawhani o misamangahay ciira, o tatapangan no mangah ciira.

Loma 7:23

Nikawrira, mapakatayal no roma a lkakawa ko tireng ako, o mipacoliay to kaolahan no faloco' ako a nga'ayay a dmak, mipalit i takowanan konini a papitoor to pinangan no raraw. Onini a lkakawa ko mingiyangiay to tireng ako.

Loma 7:5

Yo mido^doho kita to matlangay a pinangan ita i, o nipaflian no Kawas ci Mosian a Rikec ko palowaday to sakaciraraw ita. Matayal konini i tireng ita to sakapatay ita.

Loma 8:7

Mala'ada no Kawas ko mipaci^ciay a mitoor to pinangan no tireng. Nawhani caay pido^do cingra to Rikec no Kawas. So'linay caay pakado^do cingra.

Kalatiya 5:17

Nawhani liyangen no tireng ko kangalayan no Fangcalay 'Adingo. Liyangen no Fangcalay 'Adingo ko kangalayan no tireng. Masasi'ada konini a tosaay. Orasaka, caay pakalahci kamo to kangalayan namo.

Kolosay 3:5

Orasaka, patayen ko nohkalan a tatiihay a dmak no tireng oya ma'odangay, kaackan a dmak, kasimelangan a dmak, o imah ato masamaamaanay a 'anof. (O 'anof i, o ccay no pita'ong to samiyay.)

2 Timoti 2:23

Liyasen ko maapaay a nika laliyaliyang no tamdaw. Mafana' kiso, o sakacacolicoli no tamdaw ko matiniay a dmak.

Titus 3:3

Nawhani nano maapaay kita, o pacoliay, o moraraway, o koli no masamaamaanay a 'anof ato acang kita. Sahto o tatiihay, o mapodohay ato masasi'intelay ko pinangan ita a ma'orip i ti:yaho.

Titus 3:9

Liyasen ko maapaay a nika laliyaliyang no tamdaw ato kimad to pakayniay i rayray no tato'asan ato nika cacolicoli ato tao ato nika laliyaliyang no tamdaw to pakayniay i Rikec. Awaay ko ^poc to matiniay a dmak.

Yakop 1:14

O 'anof no tireng ko sakasolot no tamdaw a masawi.

Yakop 4:3

Mingitangit kamo i, caay ka layap namo. Nawhani moraraw ko faloco' namo a mingitangit. O sakaacang namo ko nipingitangit namo.

1 Pitiro 1:14

Ka o mitngilay to sowal kamo. Akato pihaklong to masamaamaanay a 'anof namo a matiya o dmak namo yo mafokilho kamo to Kawas.

1 Pitiro 2:11

Kaolahan ako a salikaka, pa'icelen ako kamo. O palafangay, o pacarcaray ko 'orip namo i tini i hkal. Saka, aka tooren ko mirorayay to salo'afang namo a 'anof no tireng.

2 Pitiro 2:18

Pasneng cangra a pasowal to awaay ko ^poc a sowal. Pakaynien nangra i 'anof ato ma'otitay a dmak ko nipisawi nangra toya liyas sanayho to moraraway ko dmak a tamdaw.

2 Pitiro 3:3

Kafana' kamo to kakalimlaan a dmak. I pahrehrekan no hkal i, o aira ko milokesay tamowanan a tamdaw. O mapalitay no 'anof no tireng cangra.