Yakop 1:5 - 阿美語聖經-新約附詩篇箴言

⁵ Ano cima namo ko caay ka deng ko taneng i, ngitangiten ko Kawas. Ta mapafli no Kawas koya tamdaw. Nawhani o halipafliay ko Kawas i kahaccaccay a tamdaw. Caay pakasmer Cingra to milongocay Cingraan.

Yakop 1:5 Iomraidhean Croise

'Olic 51:6

O so'linay a faloco' ko nilongocan Iso, nanay pasifana'en kako to saka citaneng ako.

Taneng 8:17

O maolahay takowanan i, maolah kako i cangraan, o mikilimay takowanan i, caay ka ^ca ka matama nangra kako.

Matay 11:20

Itiyasato, kakteren ni Yis ko nano paka'araway to adihayay a kafahka'an a pidmakan Ningra a niyaroaro', nawhani caay pasasiyor to faloco' ko i tiraay a tamdaw.

Maroko 16:14

Nanoya, yo mitahka ko ccay ko safaw a nisawawaan i, pa'araw ci Yis i cangraan. Kakteren ni Yis cangra to nika ^ca paso'lin ato nika 'atkak no faloco' nangra. Nawhani caay paso'lin cangra to sowal no paka'araway to nika lomowad Ningra a ma'orip nai patay.

Yohani 14:13

O ningitangitan namo pakayni i ngangan Ako i, o lalahcien Ako a ma^min. Ta malatadamaanay ko Wama pakayni i Takowanan o Wawa.

Yohani 15:7

Ano mararid kamo a misiket i Takowanan, ano mararid a ira i faloco' namo ko sowal Ako i, nga'ay kamo a mingitangit to maan a kangalayan namo. O mamalayap namo konini.

Yohani 4:10

Paca'of sa ci Yis, <> han Ningra.

2 Korinto 2:16

I mamatkop a tamdaw i, o sakapatay a sanek. I mamapa'orip a tamdaw i, o saka'orip a sanek. Cima ko matatodongay a matayal to matiniay a tayal hakiya?

Yakop 1:17

Polong no nga'ay a dmak ato kahirahira no masongila'ay a rocek i, nai kakarayanay a ma^min, nai ci Wamaan a tayni. O Wama a Kawas ko misanga'ay to likat a ma^min. Caay ka falic Cingra, caay haca ka pisafalifalic.

Yakop 3:17

Nikawrira, iraay o micidekay a tadamaanay a nai kakarayanay a taneng, o makoracay, do^do i, o parihadayay, o damsayay, o halipa'ayaway, o matomesay ko sini'ada, cihci to makadofahay a nga'ayay a dmak, o caay pisakakinih, o caay pisamangah.

Yakop 5:16

Orasaka, kasasipatalahkal kamo to raraw. Kasasitolon kamo, ta maadah ko adada namo. Tadaci'icel ko pitolon no mo^celay a tamdaw.

1 Yohani 3:22

Ano o maan ko ningitangitan ita i, mapafli no Kawas. Nawhani o mido^doay kita to limo'ot no Kawas. O romasato, o palipahakay Cingraan ko dmak ita.