Yakop 1:4 - 阿美語聖經-新約附詩篇箴言

⁴ Lahcien ko nipihadidi namo. Ta awaayto ko laliyaliyawen i tamowanan to nika songila' namo.

Yakop 1:4 Iomraidhean Croise

'Olic 37:7

Kasinanot ko faloco' a miti'er to Tapang, kakoda'it ko faloco' a mitala i Cingraan, aka ka roray a miharateng to nika cakat no 'orip no tao, aka ka ngaliwngiw to nika lahci no tatiihay a dmak nangra.

'Olic 40:1

O mihadidiay kako a mitala to pipadama no Tapang, mitngil Cingra to pitahidang ako a milongoc.

Taneng 4:8

Ano maolah kiso to taneng i, palahcien no taneng ko dmak iso, salimlaen ko taneng ta palatadamaanen no taneng kiso.

Matay 10:22

O mamaka'intel no tamdaw a ma^min kamo tona mitoor kamo i Takowanan. Nikawrira, o pakahadidiay a tamdaw tahira i pahrekan i, o mamapa'orip.

Matay 19:20

Paca'of sa koya kapah, <> han ningra.

Matay 5:48

Haenen o nika songila' no Wama namo i kakarayan ko nika songila' namo.

Maroko 10:21

Pamo^tek sa ci Yis i cingraan a minengneng, maolah i cingraan, sowal sa, <> han Ningra.

Luka 18:22

Mitngil ci Yis tonini a sowal i, pasowal haca i cingraan, <> han Ningra.

Luka 21:19

Pihadidi kamo, ta mapa'orip ko tireng namo.

Luka 8:15

O tatodong no matfaday a sapaloma i nga'ayay a sra hananay i, yo mitngil ko tamdamdaw to sowal no Kawas i, o mo^celay ato so'linay a faloco' ko sapi'imer ato kodaitay a faloco' a hinatala, tangasa i nika cihcian.

Yohani 17:23

O nika laccay Ako ato cangra ato nika laccay Ita i, o sakasongila'aw nangra a malaccay. Onini i, o sakafana'aw no tamdamdaw to nika o niocoran no Miso Kako ato sakafana'aw nangra to nika matiya o nika olah Iso i Takowanan ko nika olah Iso i cangraan.

1 Korinto 2:6

Nikawrira, i tini i mato'asay ko faloco' a mitoor ci Kristoan a tamdaw i, o no taneng a sowal ko sapasowal ako. Nikawrira, caay ko nonini a hkal a taneng ato taneng no mamalahdaw a mikowanay tonini a hkal ko sasowalen ako.

Kalatiya 6:9

Saka, aka ka rarima kita to nga'ayay a dmak. Ano caay ka toled kita, ano maraodto ko romi'ad i, o mamalayap ita ko tatodong no nga'ayay a dmak ita.

Kolosay 4:12

Nga'ayho saan i tamowanan ko namo a tamdaw ci Ipafras, o koli ni Yis Kristo. Mararid cingra a misa'icel a mitolon to saki tamowanan. Milongoc cingra i Kawas to sakatanektekaw no faloco' namo a mato'as ato sakasongila'aw no faloco' namo a mitoor to nafaloco'an no Kawas a ma^min.

1 Tisalonika 5:23

Nanay oya parihadayay a Kawas ko to^to sanay a misongila' a mikorac i tamowanan! Nanay masongila' a madipot ko 'adingo ato salo'afang ato tireng namo. Ta ano miliyaw a tayni ko Tapang ita ci Yis Kristo i, awaay ko tatoro'en a raraw namo!

2 Timoti 3:17

Ta masongila' a mapatala ko mamatayal no Kawas, ta ma^deng cangra a midmak to masamaamaanay a nga'ayay a dmak.

Yakop 1:5

Ano cima namo ko caay ka deng ko taneng i, ngitangiten ko Kawas. Ta mapafli no Kawas koya tamdaw. Nawhani o halipafliay ko Kawas i kahaccaccay a tamdaw. Caay pakasmer Cingra to milongocay Cingraan.

Yakop 3:2

So'linay adihay ko patlac no mita a ma^min. O caay ka patlac ko sowal a tamdaw i, o masongila'ay a tamdaw, o paka'metay to tireng ningra a ma^min.

1 Pitiro 5:10

I ikor no nika pades namo to pasamoay i, oya pafliay to polong no mikomi a Kawas, o mitahidangay a pakayni ci Kristo Yisan a malaccay a mida'oc a marihaked i ci'dilay a Kawas, o mamipalowad i tamowanan a pafli to 'icel ato tanoktokay a paranaan namo.

2 Pitiro 1:9

O awaay ko matiniay a dmak i, o mapohaway, o ingataay a ccay ko ma'araway ningra. O matawalay ningra ko nika sawsawto no i 'a:yaway a raraw ningra a makorac.