Yakop 1:2 - 阿美語聖經-新約附詩篇箴言

² Salikakaaw ako, ano malitmoh namo ko masamaamaanay a pades i, o kakahmekan konini han ko faloco' namo.

Yakop 1:2 Iomraidhean Croise

Dmak 5:41

Orasaka, salipahak sato ko tarokos a masadak to Pilaocan. Nawhani <> saan cangra.

Loma 5:3

Caay ka orira a ccay, halopades a kalipahaken ita. Nawhani nano nilifetan to pades ko sakakodait no faloco' ita.

Filipi 1:29

Nawhani o sakapitoro' no Kawas i tamowanan a papitoor ci Kristoan i, caay ko pipaso'lin namo Cingraan a ccay. O mamilifet kamo to pades tona mitoor Cingraan.

Filipi 2:17

Ano talarmermes kako a malasapacakat to piti'er namo i Kawas i, lipahak ko faloco' ako. Mikapot kako i tamowanan a mapolong a lipahak.

Filipi 2:18

O hahaenen namo ko nipikapot i takowanan a lipahak.

Kolosay 1:24

Orasaka, lipahak kako anini a mapades to saki tamowanan. Onini a tireng ako ko sapipadang ako to lalahcien ni Kristo a pades to saki tireng Ningra a kiwkay.

Hipray 10:34

Milalen kamo to marofoay a tamdaw a mapades. O romasato, yo ma'afas a ma^min ko dafong namo i, lipahak kamo. Nawhani mafana' kamo to nika iraho ko ikakaay nonini a mida'ocay a malodafong namo.

Yakop 1:12

Malmed ko mihadidiay to pades a tamdaw. Nawhani ano malahci ningra ko pilifet no Kawas i, o mamapafli cingra to 'orip, oya nano nisowalan no Kawas a sapafli Ningra i maolahay Cingraan a tamdaw.

Yakop 1:16

Kaolahan ako a salikaka, aka ka safana' kamo.

Yakop 1:19

Kaolahan ako a salikaka, o sasongila'en ita a ma^min ko pitngil to sowal no tao. Aka ka tangsol a somowal. Aka ka tangsol a makter. Haratengen konini a sowal.

Yakop 5:11

Cangra o kodaitay ko faloco' a tamdaw i, o malmeday saan kita a miharateng. Matngilayto namo ko pakayniay i nika kodait ni Yopu. I saikoray no pades ningra i, kafana'anto namo ko dmak no Tapang i cingraan. I tini a mahapinang ita ko nika tadamaan no sini'ada ato adayay no Tapang.

2 Pitiro 2:9

Mahaenay saka, mafana' ko Tapang a pa'orip to mangodoay Cingraan a tamdaw a paliyas nai pades. Nikawrira, pasteken Ningra i raraw ko tatiihay a tamdaw tangasa i pisawkitan a romi'ad.

Pa'arawan 2:10

Aka ka talaw kiso to aira a pades iso. Haratengen, o sapilifetaw no Palafoay i tamowanan saka, o rarofoen nira ko papinapina namo. O mamapades kamo to mo^tep a romi'ad. Tahiraen i nika patay iso ko nika so'lin no faloco' iso. Ta paflien Ako kiso to malotamohong iso a sakaci'orip.