Yakop 1:10 - 阿美語聖經-新約附詩篇箴言

¹⁰ Kamo o cidafongay a salikaka, ano sreren no Kawas kamo i, kalipahak. Nawhani matiya o nika rasras no hana no pala ko nika lahdaw no cidafongay a tamdaw.

Yakop 1:10 Iomraidhean Croise

'Olic 102:11

Matiya o piclem no cidal a lidong ko romi'ad ako, matiya o ma'icangay a talod kako.

'Olic 103:15

Matiya o lahad no talod ko 'orip ita, matiya o lahad no hana no pala ko 'orip ita.

'Olic 37:2

O mamatiya o rngos a kalamkam a ma'icang cangra, o mamatiya o hana a marasras a malasawad cangra.

'Olic 39:6

mato lmed ko 'orip no tamdaw. O nika rorayan nangra i, o horac a ma^min, o nisopdan nangra a dafong i, caay ka fana' cangra to nika cima ko rarihaked.

Matay 5:3

<

Matay 6:30

Oya mamalokasoy i parod anocila a ma'oripayho anini i palapalaan a talod i, madipot no Kawas konini. Mangalef ko nipidipot no Kawas i tamowanan. Aya: ko nika tadanca no piti'er namo to Kawas!

1 Korinto 7:31

O ci dafongay a tamdaw i, samatiyaen o caayay kacidafong ko harateng namo. Nawhani o mamalahdaw konini a hkal.

Filipi 3:8

Caay ka orira a ccay. O kakalimlaan ako a ma^min i, malomaanho saan ko harateng ako. Nawhani o nika fana' ako to Tapang ako ci Yis Kristoan ko satadamaanay saan kako. O nano olah ako ci Kristoan, saka, falah hanto ako konini a ma^min. O lakaw konini saan ko harateng ako. Onini i, nga'ay marpet ako ci Kristo.

1 Timoti 6:17

Palimo'oten ko cidafongay to no aniniay a hkal to saka^caaw pisatakaraw nangra ato saka^caaw ka pasayra no faloco' nangra i caay ko tatadi'ecen a dafong. Ka o nipitadi'ec nangra toya palmeday, pakadofahay, palipahakay titaanan a Kawas ko nga'ay.

Yakop 4:14

Caay ka fana' kamo to nika o mamasamaan ko 'orip namo anocila. Matiya o canem kamo. Caay ka halafin ko nika ira i, malahdawto.

1 Pitiro 1:24

Nawhani o sowal a matilid i Fangcalay Cudad i, <

1 Yohani 2:17

Manornorto a malasawad ko hkal ato i tiniay i hkal a kangalayan no tamdaw a ma^min. Nikawrira, mida'oc a ma'orip ko mido^doay a tamdaw to nafaloco'an no Kawas.