Taneng 9:12 - 阿美語聖經-新約附詩篇箴言

¹² Ano ira ko taneng iso i, kiso ko ci^pocay, ano mana'ay kiso to taneng i, kiso ko masiponay.

Taneng 9:12 Iomraidhean Croise

Taneng 14:14

O ma'akongay ko faloco' a tamdaw i, cingra ko kakomaen to hci no tatiihay a dmak ningra, o mo^celay a tamdaw i, o mamilayap to tatodong no nga'ayay a dmak ningra.

Taneng 16:26

O sakatayal no matayalay i, o sapafcol to fitoka, nawhani, o sapafcolaw to tiyad saka, caay ka toka ko matayalay.

Taneng 19:29

O malata'angay a tamdaw i, o mamatfoc cingra. O maapaay a tamdaw i, caay ko mamaliyas ningra ko sasti'.

Kalatiya 6:5

Nawhani o a'orongen no paytmek ko no tireng a 'inorong.

2 Pitiro 3:16

O sowal ningra i tilid ningra a ma^min i, o pakayniay tonini a dmak. Ira ko kafokilan no tamdaw a miharateng to nitilidan ningra. Matiya o pipacfa no mafokilay, mapawpaway ko faloco' a tamdaw a mitadtad to romaroma a sowal no Fangcalay Cudad ko nipipacfa nangra a mitadtad tonini a sowal ni Pawlo a palowad to sakatkop nangra.