Taneng 4:5 - 阿美語聖經-新約附詩篇箴言

⁵ Pikilim to taneng ato fana', aka pitawal, aka pisakahmaw to sowal ako.

Taneng 4:5 Iomraidhean Croise

'Olic 119:157

Tada'aloman ko misa'adaay ato misamsamay i takowanan, nikawrira, caay pisoikor kako to rikec Iso.

'Olic 119:51

Mararid a milikaf i takowanan ko malata'angay a tamdaw, nikawrira, caay pisoikor kako to rikec Iso.

'Olic 44:18

So'linay ko dmak niyam to saki Tisowanan, caayho pipacoli kami to limo'ot Iso.

Taneng 16:16

Ikaka no tada^kim ko taneng, ikaka no ^kim ko fana'.

Taneng 17:16

Tona mafula ko maapaay a tamdaw, saka awaay ko ^poc a pakapayso a micakay to saka ci taneng.

Taneng 18:1

O caay pikapot to 'alomanay a tamdaw i, satked sa a mido^do to kangalayan no tireng, o matamaay a haratengen no tamdaw a dmak i, caay ka tama saan cingra.

Taneng 19:8

O milongocay to sakafana'aw i, o maolahay to tireng ningra, o ma'imeray to fana' i, caay ka citolas ko nika lmed ningra.

Taneng 23:23

Kalimlaen ko so'linay a sowal ato sakacitaneng ato nitanengan ato sakafana' a miharateng, aka pifalah tonini.

Taneng 3:1

Wawaaw, aka pitawal to sifana' ako, pakifaloco'en ko sifana' ako.

Taneng 4:7

O pilongoc to taneng ko sakakaay a dmak, ka o polong no dafong iso ko sapifalic a miala to fana'.

Taneng 8:5

Kamo o mafokilay, pinanam to sakafana', kamo o maapaay, pinanam to sakalatamdamdaw iso.

Yakop 1:5

Ano cima namo ko caay ka deng ko taneng i, ngitangiten ko Kawas. Ta mapafli no Kawas koya tamdaw. Nawhani o halipafliay ko Kawas i kahaccaccay a tamdaw. Caay pakasmer Cingra to milongocay Cingraan.