Taneng 4:23 - 阿美語聖經-新約附詩篇箴言

²³ Pina'on to niharatengan ato nisafaloco'an iso, nawhani nai nisafaloco'an iso a masadak ko pinangan no 'orip iso.

Taneng 4:23 Iomraidhean Croise

Taneng 11:16

O damsayay a fafahiyan i, o kangodoan no tamdamdaw, o 'amelasay a fafahiyan i, o pakangodoay to tireng ningra. O matokaay a tamdaw i, o awaay ko maamaan aca a dafong ningra, o tanohtohay a fa'inayan i, o cacidafong cingra.

Taneng 13:3

O mina'onay to sowal a tamdaw i, o limlaay to 'orip, nikawrira, o pacfa sanay a somowal i, o mitkopay to tireng ningra.

Taneng 16:17

O lalan no mo^celay a tamdaw i, miliyas to tatiihay, mina'on cingra a romakat to mo^celay a lalan, madipot ko 'orip ningra.

Taneng 22:5

O limlaay to 'orip a tamdaw i, mafana' a miliyas toya sapirpet to tatiihay a tamdaw a satilo.

Taneng 23:19

Wawaaw, pitngil to sowal ako, kafana' kiso, kasarocod a miharateng to dmak iso a ma'orip.

Taneng 28:26

O matamaay ko no mako a harateng sanay a tamdaw i, o maapaay a tamdaw, o mitngilay to citangalay a tamdaw i, o rarihaday cingra.

Taneng 3:21

Wawaaw, ka'imeren ko taneng ato fana' iso, aka papilaliwen cinira.

Taneng 4:7

O pilongoc to taneng ko sakakaay a dmak, ka o polong no dafong iso ko sapifalic a miala to fana'.

Matay 15:18

Nikawrira, o masadakay i ngoyos a sowal i, o nai faloco'ay no tamdaw, onini ko paacekay to tamdaw.

Matay 15:19

Nawhani nai faloco' no tamdaw a masadak ko masamaamaanay a tatiihay a harateng. Onini a tatiihay a harateng ko sakapipatay ningra to tamdaw, o saka'odang, o saka'otit, o sakapitakaw, o sakapisamangah ato sakapilokes ato romaroma a raraw,

Maroko 14:38

Kapalal kamo a mitolon to saka^caaw ka sawi namo. Talacowa mangalay ko faloco' namo, nikawrira, rarima ko tireng namo,>> han ni Yis cangra.

Luka 6:45

O nga'ayay a tamdaw i, o nga'ayay a nina'angan ningra i faloco' ko nisadakan ningra to nga'ayay. O tatiihay a tamdaw i, o tatiihay a nina'angan ningra i faloco' ko nisadakan ningra to tatiihay. Nawhani ano masamaanay ko faloco' noya tamdaw i, hatiraay ko masadakay i ngoyos ningra a sowal.

Hipray 12:15

Pina'on. Latek iraaw ko pakapisawaday to mikomi no Kawas. Pina'on. Latek iraaw ko milcaday to ci sawarakay a losay, malahad to i, mikari'ang to tamdamdaw.