Taneng 4:18 - 阿美語聖經-新約附詩篇箴言

¹⁸ O lalan no mo^celay a tamdaw i, matiya o ta^ngad to kaniharan, ta^ngad a ta^ngad a matdi tangasa i kalahokan.

Taneng 4:18 Iomraidhean Croise

'Olic 84:7

Romakat a romakat cangra i, matongal a matongal ko 'icel nangra, nawhani o tatayra cangra i Cion a mita'ong to tadamaanay a Kawas.

'Olic 97:11

Pa'dilen Ningra ko mo^celay a tamdaw, tomesen Ningra to lipahak ko faloco' no mo^celay a tamdaw.

Taneng 13:9

Matiya o matdiay a malikatay a dawdaw ko mo^celay a tamdaw, nikawrira, matiya o mapadengay a dawdaw ko tatiihay a tamdaw.

Taneng 15:24

O citanengay a tamdaw i, pakayra i sakaci'orip a lalan a romakat, miliyas cingra to katfadan a lalan i kaitiraan no mapatayay.

Taneng 2:20

Orasaka, ka o nga'ayay a tamdaw ko pi'arawan iso, ka o mo^celay ko 'orip iso.

Taneng 2:9

Ano mitngil kiso to sowal ako i, mafana'to kiso to nika o maan ko so'linay ato malalenay ato mo^celay a dmak, mafana'to kiso to nika o maan ko nga'ayay a dadmaken.

Matay 5:14

<

Matay 5:16

Orasaka, haenen ko likat namo a pata^ngad to tamdamdaw. Ta pakayni i nipipaka'araw nangra to nga'ayay a dmak namo ko sapahmek nangra to Wama namo i kakarayan.

Matay 5:45

Ta nga'ay malawawa no Wama namo i kakarayan kamo. Nawhani malcad ko nipipacidal Ningra to mari'angay ato nga'ayay a tamdaw. Pa'oraden Ningra ko nga'ayay a tamdaw ato tatiihay a tamdaw.

Yohani 8:12

Pasowal haca ci Yis i cangraan, <> han Ningra.

2 Korinto 3:18

Mafalah ko tapodo nai pising ita a ma^min. Saka, matiya o nipipatdi no dadingoan ko nipipatdi ita to 'dil no Tapang. Matdi a matdi a mafalic kita a miringi i Cingraan. Onini i, o nano tayal no todong no tireng no Tapang a Fangcalay 'Adingo.

Filipi 2:15

Ta tingalaw ko faloco' namo, awaay ko raraw namo, o masongila'ay a wawa no Kawas kamo a mikapot to aniniay a tatiihay ko faloco' a ciraraway a tamdamdaw i tini i hkal. Kamatiya o fo'is kamo a matdi i tini i hkal

2 Pitiro 1:19

Orasaka, matongal ko nika tanektek no faloco' niyam a paso'lin to nano sowal no iti:yaayho a pali'ayaway to sowal no Kawas. O nika 'imer namo tonini a sowal ko nga'ay. Nawhani matiya o dawdaw konini a pata^ngad to to'manay tangasa i kaniharan noya romi'ad. Itiya i, o mamasadak ko sapata^ngad a fo'is a pa'dil to faloco' namo.

2 Pitiro 3:18

Ka o mikomi no Tapang ita a Pa'oripay ci Yis Kristo ato nika fana' namo i Cingraan ko sakato'as no faloco' namo a mararid. Nanay, nai anini a tahada'oc a mapa'dil Cingra! Amin.

Pa'arawan 21:23

Malomaanho ko nipipatdi no cidal ato folad toya niyaro'. Nawhani o 'dil no Kawas ko patdiay toya niyaro'. O Tofor a Siri ko todong no dawdaw noya niyaro'.

Pa'arawan 22:5

Caayto ko aira ko dadaya. Malomaanho nangra ko dawdaw ano ^ca i, o cidal. Nawhani o Tapang a Kawas ko malosakata^ngad nangra. O mamida'oc cangra a malahongti a mikowan.