Taneng 30:5 - 阿美語聖經-新約附詩篇箴言

⁵ So'linay mido^doay ko Kawas to niktonan Ningra a kahaccaccay a sowal, matiya o sapatada Cingra a midipot to miti'eray i Cingraan a tamdaw.

Taneng 30:5 Iomraidhean Croise

'Olic 18:30

O masongila'ay ko dmak nonini a Kawas, o so'linay a tati'eren ko sowal Ningra. Matiya o sapatada Cingra a midipot to miti'eray i Cingraan a tamdaw.

Yakop 3:17

Nikawrira, iraay o micidekay a tadamaanay a nai kakarayanay a taneng, o makoracay, do^do i, o parihadayay, o damsayay, o halipa'ayaway, o matomesay ko sini'ada, cihci to makadofahay a nga'ayay a dmak, o caay pisakakinih, o caay pisamangah.

'Olic 84:11

Nawhani, o cidal ko Tapang a Kawas, o midipotay Cingra, o pafliay Cingra to sini'ada ato sakatadamaan ita, caay ka 'idi Cingra a pafli to nga'ayay a maamaan i mo^celay ko dmak a tamdaw.

'Olic 12:6

O so'linay o tati'eren ko niktonan no Tapang a sowal, matiya o kinapitoan a mi'olac i namal a ^kim ko sowal Ningra.

'Olic 3:3

Nikawrira, Tapangaw, Kiso ko midipotay a sapatada ako. Papipakalowiden Iso kako, ta ma^dengho a pakapica'a ko fongoh ako.

'Olic 119:140

O tadaso'linay ko niktonan Iso a sowal, tadamaolah kako tonini.

'Olic 91:2

Manga'ay a pasayra i Tapang a somowal, <> han.

Loma 7:12

Ano haratengen i, fangcalay ko Rikec ni Mosi hananay. Saka, o fangcalay, o malalenay, o nga'ayay ko matiliday a sowal i Rikec.

'Olic 144:2

O 'icel ako Cingra, o pisitaraan ako, o pilimekan ako, o pa'oripay i takowanan, o piti'eran ako Cingra, pasayra kako i Cingraan a milongoc to pipa'ading. Cingra ko papihaklongay to kasakitakit i takowanan.

'Olic 19:8

O mo^celay ko limo'ot no Tapang, o sakalipahak no mido^doay a tamdaw, o so'linay ko sifana' no Tapang, o sakata^ngad no mata no faloco' no tamdaw.

'Olic 18:2

O midipotay takowanan a 'ongcoy ato pisitaraan ko Tapang, o mitahpoay takowanan a pilimekan ako ko Kawas ako, o midipotay takowanan a sapatada ato mipa'oripay i takowanan a 'icel, o piki'adingan ako Cingra.

Taneng 2:7

Padamaen Ningra ko mo^celay ko faloco' a tamdaw, dipoten Ningra ko so'linay ko faloco' a tamdaw.

'Olic 18:31

O dengan o Tapang ko Kawas, awaay ko roma, o dengan onini a Kawas ko piki'adingan ita a 'ongcoy.

Taneng 29:25

O matalaway to tamdaw i, o mamatfad i satilo, o miti'eray to Tapang i, o rarihaday a tanektek.