Taneng 28:1 - 阿美語聖經-新約附詩篇箴言

¹ O tatiihay a tamdaw i, talacowa awaay ko milpelay i cingraan milaliw cingra, nikawrira, o mo^celay a tamdaw i, matiya o layon a macodah.

Taneng 28:1 Iomraidhean Croise

'Olic 112:7

Caay ka talaw cingra to tatiihay a ratoh, tanektek ko paso'lin no faloco' ningra, masarocod ko faloco' ningra a miti'er to Tapang.

'Olic 53:5

Nikawrira, o mamackok cangra a matalaw to caayho ka lifet nangra a katalawan, nawhani o tatkopen no Kawas ko 'ada no finawlan Ningra. O fafalahen Ningra cangra, ta masefad ko faloco' a mapakangodo cangra.

'Olic 53:6

Nanay masadak nai Cion ko papa'orip to Israil! Itiya i, o laliyawen no Kawas a palowad ko kasaparod no finawlan Ningra. O lalipahak ko tloc ni Yakop, o mamahmek ko Israil a finawlan.

Taneng 10:9

O mo^celay a tamdaw i, tanektek ko aro' ningra, nikawrira, o misafana'ay a tamdaw i, o sakatfad ko pahrekan ningra.

Taneng 27:27

Ma^deng a ma'orip kiso ato paro no loma' iso ato fafahiyan a koli iso to hacol no siri.

Dmak 14:3

Nikawrira, halafin itira koya tatosaay a milafin. Caay paska cangra a pasowal to sowal to pakayniay i Tapang. Paflien no Tapang cangra to 'icel to sapidmak to kafahka'an a dmak a pahapinang to nika o so'linay ko sowal nangra to pakayniay i mikomi no Tapang.

Dmak 4:13

Safahka' sa koya milaocay a minengneng to nika ^ca paska ni Pitiro aci Yohani a somowal ato nika caay ko nao mitiliday, o kalotamdaw cangra. Saka, mahapinang nangra ko nika nao mikapotay cangra ci Yisan.

1 Tisalonika 2:2

Mafana' kamo to nika pades niyam i 'ayaw a mapakangodo itira i Filipi. Ano iraira ko pacoliay i tamiyanan i, mapa'icel no Kawas kami. Saka, caay paska kami a pasowal i tamowanan to Nga'ayay Ratoh no Kawas.